漆黑中的螢火蟲 (甜): 大學時代

「允行念慈天生一對，呢對金童玉女遲早都拉埋天窗啦」聽住朋友們討論，我曾經都以為可以同James廝守終生。

80年代香港只有兩間大學，係學位不足，學費高昂下，唔係人人都可以讀大學。我好好彩，高考成績比較好拎到獎學金，而且加埋兼職模特兒既錢，輕鬆成為大學生；而James就比較唔好彩，但都夠分入到專上學院。始終大專學位真係好難得到，我地都好感恩。

揀科果陣我無考慮就揀左工商管理，其時正值香港金融發展蓬勃時期，經濟起飛令大家對從商好有期望，大家都期盼可以係魚翅撈飯既年代創一番事業，所以屋企人好希望我可以揀商科，行佢地覺得有前途既路。

係其他人眼中，我就係前途一遍光明，但我根本唔想讀商科，更加唔想從商。你話我發明星夢也好，係大想頭都好，我自小就希望做明星，成為紅遍亞洲既天后，我對自己既外表好有信心，所以我唔介意讀咩科，反正畢業之後我就打算投身演藝界，兼職模特兒都係我為左入娛樂圈而鋪路。

自高中開始做左幾年model，我已經係行內少有名氣，大家都開始聽過Jessica呢個名。就算返到大學，唔少同學都認得出我就係經常出現係雜誌既模特兒。係校內，我亦都係眾人既焦點，所到之處都有唔少男同學定睛望住，我好享受呢種感覺，就好似明星咁，去到邊都俾人留意。亦都唔少男同學會對我獻欣勤，當然我都唔會吝嗇俾返d甜頭佢地，我不時會著d背心熱褲，反正大家都係想睇我驕人身段，就如佢地所願俾佢地睇下。我知道唔少女同學見我著得暴露就話我係淫娃蕩婦，不守婦道。不過我一於少理，你地都係唔抵得男同學只留意我先咁講。



入左大學半年內，已經有無數追求者不斷向我發動攻勢，寫情書，作詩，作曲一律都有，真係好有創意。見到咁多有才華既男人，我先發現原來呢個世界好大，剩係識得打籃球既James根本無其他長處，我內心開始動搖。直至我識左Raymond，佢係法律系Year 2既學生，佢不單讀書犀利，而且好有音樂細胞，鋼琴十級，又識小提琴，原來屋企都係律師世家，唔怪得咁有修養。

Raymond三個月內不斷向我送禮物送花，名車接送，隨傳隨到，本身我都無打算同佢有咩發展。直到有一日，我同James嘈完交唔開心，我約左Raymond出黎訴苦。佢同我分析我同James根本係兩個世界既人，James根本滿足唔到我，而且我既前途一定比佢好，他日我搵錢多過佢好多既時候，James可能會自卑，到時分歧一定會更大。我好認同Raymond既講法，或者佢呢種咁成熟咁了解我既先係我合適既人。

過左兩日，我約左James出黎見面。

「有無發覺，自從我升左大學之後，就好似好唔夾？」我不耐煩咁同James講。

「我知，你係大學生，我係大專生，你都係嫌棄我姐。」James仲係唔明。



「Come on James，我地根本係兩個世界既人。上次叫你同我日本旅行，你就話去長洲一樣開心，我地唔同level，you know?」我已經嬲嬲地。

「屌你都係講錢姐，我係窮，但我會努力，我為左你都打多幾份part time 啦！」oh my god佢講粗口，仲係咁敷淺。

「I am not talking about money，你好清楚。係價值觀問題，Raymond真係講得好岩，你根本就係唔成熟既小朋友，大個仔啦James。」我已經唔想再傾落去。

「又係Raymond，日日都Raymond，你咁撚鐘意Raymond唔去同佢上床？」我一巴打落James塊面，你真係好賤格！不知所謂！

我忍住眼淚離開餐廳，頭也不回地登上紅色法拉利跑車，就同Raymond走左。