【慎入.無厘頭重口味痴線故】好對唔住，我哋醫院嘅報告已經證實咗你。。。。。: 前科

據梁妹妹憶述，佢阿媽最近一次幾乎玩出禍，都只不過係四個月前嘅事。當時年老色衰嘅梁崔氏依然慾念無限，終日沉溺幻想可以墮進充滿男人嘅溫柔鄉，於是佢就喺四個月前嘅某一日，用交友app約咗一個有做開援交嘅後生仔出嚟見面。

透過個app嘅協商，當晚佢哋相約喺一間酒店房度見面，而提早嚟到嘅梁崔氏亦已經打點好一切，將間房佈置得好有氣氛，仲播埋啲好有情調嘅音樂，靜候哥仔嘅來臨。

「Gordon，你嚟啦，㖿我等你好耐喇。」

大家不妨想像一下，如果有一位七十有三嘅女士著住緊身吊帶背心喺你面前，兼夾用一個咁樣嘅腔調嚟同你講嘢，你會有乜嘢反應？

我諗正常嚟講都會係唔開胃呀，同埋想作嘔囉，而呢位Gordon亦都唔例外，只係搵食艱難出得嚟撈點都要死忍，就算啲胃酸已經谷到上喉嚨，依然要咕一聲吞咗佢。



「你好呀…Judy，好開心…可以喺度見到你。」

「Gordon啊，你把聲咁沙嘅，係咪唔舒服啫，過嚟坐低等我檢查吓先。」

Gordon唔敢得失客人，只好聽從梁崔氏嘅意思，慢慢行去床邊坐低。

「你嘅喉核，實在好性感啊。」

「多謝你呀……」



梁崔氏見到呢個皮光肉滑嘅男仔又點會按捺得住啊，好快佢就伸出又乾又柴嘅右手，撫摸Gordon嘅臉珠，不安嘅援交男亦都因為咁而開始標冷汗喇。

「咦你出晒汗咁喎，係咪見熱呀，快啲除衫啦！」

「吓，真係要咁快呀？」

「你唔除就我幫你除，同我瞓低。」

猴擒嘅梁崔氏將有如可憐小羔羊嘅Gordon推倒床上，仲露出飢渴嘅神情，到咗呢一刻，已經無人可以幫到Gordon，而佢亦都要為自己嘅貪心付出沉重代價。



至於我聽到嚟呢度，真係毛管都戙晒，但為咗自己著想，點樣都聽埋落去起碼有所防範先喇。

咁Gordon畀個老女人剝晒啲衫之後，到底發生咗咩事呢？其實本身都只係舐勻全身嘅啫，係就係好屈辱，不過最少唔會有咩生命危險先啦。

但又有邊個可以估到，跟住落嚟梁崔氏竟然會玩到咁激呀。呢個阿婆真係好得人驚，原來佢早就收埋咗一隻燒鴨喺床下底，用嚟滿足佢嘅特殊癖好……

「啊！！！！！」

梁妹妹講到咁樣，我都不禁摸摸自己屎忽，擔心會步Gordon後塵，因為梁崔氏正正就係將嗰隻燒鴨塞咗落去Gordon個屎忽窿度！

「喂小心渣車呀。咁你又唔駛太驚嘅，嗰條仔之所以會差啲命都無，其實係因為佢有一種罕見病，只要佢畀燒鴨或者燒鵝等等呢類明爐烤物進入到體內，就會出現過敏反應啫。」

「咁佢跟住點呀，有無入醫院咁呀？」

「好彩個男仔身上有抗敏藥咋，佢又唔想見報咁咪私了囉。唔係嘅話我阿媽實坐硬監都有知。」



咁我就真係寧願佢阿媽入去踎啦，起碼我可以驚少樣嘢先，不過依家講咩都無用，已經改變唔到我嘅處境。

待續...