我是一名SEN的中學生: 第三十五章：表與裏

「件事就係咁樣。」悠悠跟李sir 哭訴着說。

由臨時板間房組成的社工室十依然是給人感覺頗為冰冷，但進入房間後已經跟半年前的大相逕庭；而坐在社工室的人已經不是以前的那一位四眼老姑婆社工，而是早前負責輔導班的李sir。

社工室中的牆壁已經由上一任社工的各項獎項變成了李sir 跟這間學校學生的生活照，包括了我和悠悠早前參加輔導班的照片，他帶領的排球校隊隊照，他自己任教班別的班照，以及放在他辦公桌房的全家福。

在旁邊的組合櫃中放置了零食和棋類遊戲，讓學生們在小息，午息和放學後可以舒緩平時的課業和社交壓力。

在社工室中，我，悠悠，輝仔，Tiffany和李sir搬了五張圓椅圍坐在一起，商討着如何暫時平息這件事情。





「今次件事都幾麻煩下喎。」李sir苦笑着說。

「我本來就唔太反對中學生拍拖嘅，只要唔太影響自己嘅學業同情緒管理嘅話就可以，但今次為咗唔產生太大嘅是非，悠悠同阿霖暫時表面上唔好行得太埋先啦！」

「下，咁邊個睇住佢？」我提出了疑問。

「學校方面李sir會睇住佢㗎啦，你咪喺WhatsApp同埋放學之後一齊返咪得囉！」輝仔提醒我。

「係，但悠悠俾人欺凌呢件事已經係我嗰級揚左出去，我哋都要睇其他人面色做人喎！而且呢件事今次冇CCTV實質證據拍到K姐欺凌悠悠，咁其實佢係咪得唔到應有嘅懲罰囉！」





「話就咁話，但係你已經唔係半年前嘅你。」Tiffany回應我第二個疑問。

「即係點？」

「阿霖，以下呢一番說話係我作為做咗30幾年人，見到唔少人性險惡同其他與人相處嘅經歷嘅中年人朋友去回答你，唔係用學校老師同駐校社工嘅身份去同你講。」

李sir 托一托自己的眼鏡，語氣變得認真，我也打醒十二分精神洗聽他的說話。

「用社工老師身份去講呢一番說話，總係感覺比野束縛住，可能係職業道德掛？講返轉頭先，阿霖，Tiffany講得啱，呢半年你已經脫胎換骨，由你陸運會破左個人紀錄，自己係數理成績有更大嘅突破，參加左義工組，當然最重要嘅係你願意改過以前自己唔太好嘅性格，你嘅圈子同影響力已經越來越大，雖然冇佢哋兩個咁勁，但起碼同學都唔敢隨便欺凌你，加上上一次Titus聯合成班欺凌你，呃左你出街班眾果一次，已經多咗好多唔同嘅同學同情你嘅遭遇……」





「再加上我同豬豬打聽返嚟嘅消息，其實唔少呢一級，甚至係低一級嘅同學都對Titus同K姐有啲反感，但都冇出聲，佢哋認為唔值得去對抗佢哋。」輝仔補充。

「人。。嘅本性。。始終係自私。」悠悠沉沉低語。

「我想講嘅係，你哋可以試吓利用群眾壓力去令佢地兩個唔好咁放肆，始終你，Tiffany同輝仔三個人已經有一定嘅影響力，可以聯同埋一啲其他受害者同沉默嘅一群同學去出一出聲，件事搞大左之後，學校方面都要不得不認真處理今次嘅問題。」李sir繼續表達他的意見。

「好，就咁決定啦！」我爽快地答應和嘗試李sir 的方法。

「阿霖你返去課室先啦！我仲有啲嘢要同佢地三個傾。」

「哦。。。好啦，走先啦拜拜！」我開了門後邊飛快地跑回課室上課了，聽見李sir 的建議後，我擁有了不少的信心可以打勝仗！

另一方面，

「其實咁樣隱瞞呢件事對佢係咪真係好？」Tiffany疑惑地問李sir。





「至少暫時會符合佢唔係黑就係白嘅價值觀嘅。。。」

「遲啲佢就會發現呢個世界唔係佢想諗嘅咁簡單。。。」輝仔歎了一口氣，「李sir，辛苦你啦，自從陸運會同佢發顛果次之後，你就俾Titus同佢屋企人針對，其他老師同主任都對你有微言。。。」

「冇辦法啦，鬼叫佢哋係一班咩，Titus個老竇係今屆嘅校董會骨幹成員，同埋又係一直以來捐錢捐得最多嘅校友，佢哋嗰邊一早搭好晒路啦。。。」

「我。。。其實係有一啲方法可以真正令K姐同Titus反面，而且。。。我手上有一啲對佢哋兩個不利嘅資料。」

悠悠從一個文件夾中拿出一份心理健康病歷表，上面寫着：

姓名：文承泰
病症：狂燥症
求助聯絡人：母親
過往個案：性侵，虐打女朋友，同學，肢體言語欺凌隊友




病癥：少量反社會人格，欠同理心，易怒，自大，自我中心

悠悠又拿出了她早前和K姐的電話訊息，是有關K姐和她的前男友。

「另外，我透過朋友都查到K姐舊校嘅男朋友同佢繼續有一啲特別嘅聯繫。。。」輝仔補充說。

「Sex partner 。。。」悠悠冷冷地說出校園的禁忌詞，「麻煩你啦，輝仔。」

「唔怕你姨姨知道咩？」李sir表示擔憂。

「非常人物要用非常手段來應付！你都應該冇其他體制內嘅方法去對付佢哋啦？只有呢兩方法先可以震懾到佢哋！我唔想比阿霖知道我哋會諗呢啲唔太道德嘅方法去解決呢件事，佢會認為我哋同佢哋一樣係野獸，佢嘅EQ， IQ同埋人際經驗應該未接受到呢啲嘢。。。總之呢件事我唔會拖埋你地落水。」

「唉，認同。。。」Tiffany，輝仔和李sir異口同聲地說出這句無奈的說話。

「雖然。。。有啲對唔住呀霖，但為咗保護佢，只有呢個方法先可以令佢哋以後唔敢搞佢同我。。。」





「你放心我同豬豬啦，我哋已經搵咗一個合適自己嘅位置去減少呢件事對我哋嘅傷害。」輝仔跟悠悠說。

唉，為何我在課餘時間從心理學書上看回來的知識竟然會套用到這些位置。。。

無論如何，我的反擊正式開始！