我是一名SEN的中學生: 第三十三章：開學

「今年係最後一年係中學開學啦喎！」輝仔和我沿着進入學校的小徑慢行，沿途觀察這一年的新生，他們的身高一年比一年還要矮小，書包則一年比一年還要笨重。

「係，又可能係我最後一年係人生中開學呢!」我回答他。「畢竟我中文mock既成績好似冇一次過level 3，大學無望了。」

「仲有high dip同asso既，又唔使咁絕望既，2年後又係一條好漢。」

「個朵都唔光彩啦，都唔係真實力入大學。如果而家仲係舊制，我應該quit 左中學出黎做野啦！」

「但你同時會遇唔到我地3個喎，又唔會撞到你鍾意果個女仔，同埋你既待人處事態度都唔會改善得咁快啦！」





那又是，哪有那麼多如果？

知我者莫過於輝仔。。。。

中六的課室並不是在常規課室中 ，再而是在二樓的物理室內，加上沒有特定安排各位同學的位置，我，Tiffany和悠悠便順理成章坐在一起上課。

物理室中經過我們的洗禮後已變得混亂不堪，大家的書包，書本和文具也放在本來做實驗的窗台上，地上隨處可見被無數鞋印踐踏的pastpaper和雞精筆記殘骸，還有放在一旁的娛樂消閒用品：board game，籃球，麻雀，啤牌。。。。。

沒錯，中六的學生幾乎是「冇王管」的，不是出了什麼大事，老師才沒有空去管理我們這一群為學校爭取成績，吸納新生和提升排名的工具。





上學的模式跟暑假補課時的一樣：教書，操卷，對卷，食飯，操卷，對卷，下課，日日如是。

中六比中五的校園生活雖然忙了不少，但同時也變得多姿多彩，起碼開始有男同學在啤牌或麻雀缺人時會邀請我一起玩；另外越來越多人發現我數理科嘅成績不錯，會在課餘時間主動詢問過往的考試題目，並請求我把自製的筆記借給他們作為參考，所以他們經常把我所坐位置的附近包圍起來。

再一次有似曾相識的畫面在我的腦海中閃過。

這一刻也是悠悠的功勞，沒有她，我什麼都不是。







在班房的角落中，有一名女孩正在凝視着班中那一名被圍住的「數理王子」，心中一直期待着他再次把注意力放在自己身上。

「啊！」那名女孩的辮子被一股無情力扯起，整個人也失了平衡跌在地上。

「馬文悠！望夠仔未呀？」一把頗有霸氣的女聲對她咆哮著。

「K。。K姐，我冇。。呀！」悠悠一邊急於梳理自己的馬尾，一邊向那位比她高半個頭的女同學解釋。
「你認為自己襯得起佢咩？佢跑步快，數理勁，雖然係直男，但勝在夠老實！」

「K姐，我。。。同佢只係好朋友，我冇。。。鍾意過佢。。。。」

「收皮啦！By the way今個星期既錢呢？」

「你咪收左。。」





「我唔夠洗，一係磅水，一係。。。」

「一係咩？」

話未完，K姐在裙袋中拿出了一把𠝹刀，一手捉住悠悠的校裙，把她腳邊的布料大力一𠝹，她腳側的線條表露無遺。

「對唔住，我。。。已經冇錢。。。」

「冇錢？你屋企唔係開心理醫生診所咪㗎咩？」接著，她一手搶奪悠悠的銀包，點算著手上的現金和信用卡。

「人仔細細就有黑卡，仲唔係有人包左你呢個溜口妹？條友精蟲上腦盲撚左呀？定係你令佢肯幪頭入閘扑你？果然係臭雞！」

悠悠伏在地上動彈不能，全身也開始害怕得發抖起來。

「呀！送d野俾你！」K姐一手把附近花盆的泥土撒到悠悠雪白的裙上。





悠悠身上的污跡，加上凌亂的頭髮，顯得異常狼狽。

「喂，馬文悠呢隻臭雞同隔離班果條雞蟲偉求先係學校後花園野戰呀！」K姐打開房門，大聲向課室的各位宣布這宗「新聞」，班上的人都湧出來走廊「食花生」。

「哇！咁激烈呀！」

「幾錢一Q?」

「外表斯文，內裏open!」

「原來K姐前幾日講既野係真ga!」

大家不顧自己犯了校規，拿出手機拍下悠悠的樣子。





她在角落發抖，並發出尖叫聲，把自己的頭撞向門上，她已經完全失控，然而這一刻沒有人去阻止她。

我在教導同學數學時都聽見有一陣的騷動，又聽見有人大叫了悠悠的名字，好奇心驅使下我走到門口看過究竟。

可能我的身高有點矮，我根本看不到發生了什麼事。

「呯呯呯！」我只可以從人群之中聽見幾下撞擊聲。

「啊呀呀呀！！！！」是悠悠？為什麼她會？

她發了狂推開所有同學，往樓下的方向跑走。

「悠。。。」我嘗試捉緊她的手，但她掙扎掉了。

「霖，唔好理佢啦！你見到佢既真面目啦！」





「係隻殘障雞，抵啦！」

「你以為佢當你係secret angel?當你係兵炸！

不，她絕不是這樣的人，我一定要查個究竟！

「人地比人恰，你地冇幫手都算，而且仲要人笑你又笑，咁你地同以前恰我有咩分別？」

沒有人再發出任何聲響。

「其實你哋係咪見我數理好，加上跑得快，所以覺得我有利用價值同名氣，先至唔再恰我，再轉目標？定係純粹因為佢都有缺憾，所以你地先不斷欺凌佢？」

全場人也沉默起來。

「我以為你哋有改！算，遲d先再同佢地計！」

我正要離開的時候，K姐從後叫停我:「都咗話你哋係殘障情侶！」

「你講咩？」

「如果唔係做咩咁緊張人？要衝出去搵人？」

「我地係好朋友！」

「我睇就唔係咁簡單啦！」

她從手中擲出幾張照片。

「這是。。。」是我和悠悠的照片，包括我和她在尖沙咀海旁一起吃同一杯雪糕的照片，以及在旺中吃東西逛街的照片。

「原來你地一齊左！」

「好簡唔簡簡佢？」

「冇進步果個係你炸嗎？」

「我仲知道佢未轉過黎時既野。」K姐冷笑說。「如果你唔理佢，甚至唔同佢來往，我就唔會將你啲相，佢既過往，同埋今日佢嘅事揚出去，仲有你唔可以揭發今日件事！」

我靈機一觸，眼珠向上望，看看周圍有沒有閉路電視，方便我去幫助悠悠查出真相。

「呢度冇CCTV㗎，死心啦！」
 Shit!

「定係。。你想返去入黎中學既時候咁，冇朋友，冇support，只有日復一日既痛苦，你應該唔想白費心機掛？」

選擇自己？選擇悠悠？

「女死女還在，但係好既社交圈子Miss左就冇，你係一個聰明人，你識揀嘅！」K姐冷笑著。

這時候，有一名男同學站在角落旁看著事情的發展，自言自語說:「果然係我女朋友，只有心狠手辣，不顧一切，願意協助完成所有事嘅女人先有資格做我文承泰嘅女朋友!」

李柏霖，我要你同你所愛嘅人感受到什麼叫生不如死。Song List:1.陳柏宇 Jason Chan - 沒有你, 我甚麼都不是