我是一名SEN的中學生: 番外篇2-李sir,行為治療班(2)

接著，李sir開始帶領我們玩集體遊戲， 這一個遊戲要求我們用五個磚頭搭一條橋橫過一個指定範圍， 以考驗我們的溝通和合作能力。
 
「有咩可能過到？ 唔好玩埋啲冇可能玩得既嘢啦！」MayMay開始埋怨。
 
「冷靜啲，慢慢組織一下，應該就諗到。」盲亨回憶她。
 
「你哋自己諗啦！諗到再叫我！」
 
「唔好。。啦，一齊玩啦！」悠悠說服她一起合作。
 




「行開啦漏口妹!」
 
「講咩呀八婆！」

我終於按捺不住，被她惡劣的態度刺激起來。
 
「變態佬又想搞我呀？ 我嗌架！」
 
「你嗌破喉嚨都冇人嚟救你㗎啦！」
 




「大家冷靜啲先！你哋咁嘈法，永遠都完成唔到任務㗎喎。。。」李sir說。
 
「完成唔到咪完成唔到囉！又冇錢收嘅！」
 
「唔記得咗提大家，呢一個行為訓練班總共有五個測驗要你哋做，你哋做唔曬既話，行為訓練班就會一直run落去，直至做曬為止。你哋唔係好想快啲完㗎咩？」 李sir補充。
 
頓時，我們所有人也無言了。。。
 
「冇辦法啦，唯有同你哋合作啦！」





MayMay 終於放下身段和成見跟我們合作。
 
首先，我們用了十分鐘的時間來商討和嘗試如何有效地一次性利用磚頭渡河。

其實途中我們各自也發現了彼此的優點:Maymay優秀的表達能力讓我們更清晰了解各自的崗位和接下來的行動;Alex和Peter仔的精密計算能力協助了我們合適地在每一個位置放置磚頭及我們站上磚頭時雙腳應放在哪個位置;盲亨和悠悠則會無時無刻也扶穩每一位，以保持平衡。

最後，我們用了20分鐘便完成了任務。

「大家都做得好好，呢一個考驗係想畀大家知道，當我哋去結識一班新人嘅時候，可能人哋嘅第一印象會影響到你對佢嘅觀感，但係只要我哋願意花時間去觀察同埋同佢哋溝通嘅話，話唔定我哋會發掘到佢一啲佢獨有嘅特質同埋優點，甚至喺團體活動嘅時候佢哋都發揮到應有嘅功能，而且更重要嘅係呢一個活動係想同大家講每個人都有佢嘅特質，唔需要過於介懷自己可唔可以融入去一個群組之中， 順其自然就可以。」李sir說。
 
的確，在這一堂之中，我也對各位的觀感有所改變。
 
「知道！」 我們也異口同聲地說。
 
「我們下星期再見！」李sir跟我們道別。





Background Music:
https://www.youtube.com/watch?v=SO92k8ququE