我是一名SEN的中學生: 第二十一章:爆發-4

在訓導室中，我被數名高級教職員包圍著，父母親也因收到班主任的電話而趕到學校 ，他們的臉上帶著無數的困惑和擔憂。

Titus站在旁邊冷眼旁觀著我準備「處刑」。

「講！點解打人同講粗口？」 鋒sir第一時間盤問我。

我內心記著李sir的勸告，慢慢道出當時的情況和事件起因。

大約五分鐘後，我完成了自己部分的口供，接著Titus也說出他的「版本」。





雖然他沒有說謊， 然而只是說出了事實的一小部分，並不是全部的真相。

副校長跟我說:「你既口供係咪存在左自身主觀嘅思想？請你再重新製作一份，以便查案及紀錄。」

我頓時傻了眼，反駁他說:「冇!我講既係事實，冇存在欺騙嘅成份。」

班主任不耐煩說:「快啲認咗佢啦！一來可以快啲平息呢件事，二來你嘅罪名都可以輕啲啩。」

「唔得!爭取公義係我嘅自由同埋權利!」





「你仲好意思講？你傷咗人我地都冇即刻報警已經便宜咗你喇，快ｄ道歉!」

「好啦好啦！我都認同阿霖嘅說話，件事應該查清楚先至可以唔可以草草了事。」李sir說。

「李sir，學校真係冇咁多時間去處理呢啲事啦！發大咗件事會影響校譽，咁對大家都冇好處。呢幾年學校都收少咗人，我哋再唔努力去追返排名同成績，恐怕傳統名校呢個朵我地都會守唔住，尤其係你哋合約制嘅老師嘅職位。」副校長勸告李sir放棄替我辯護。

我驟眼看見其他的老師也沉默下來，只是用憐憫的表情看著我。

這。。這算什麼？連證人也懶得召見，這是公平的審判嗎？





「點解？點解Titus就唔使負責任，而我就要食埋佢嘅懲罰？ 點解？？！」

我當時火冒三丈 ，猛力地拍着枱，以宣洩我的憤怒。

「點解？」Titus暗笑說。「因為我嘅家族，我嘅父母都係呢間學校嘅主要投資人，校友同校監。上至校長，下至校工都要睇我頭，當然仲有同學啦！如果冇我哋，你嘅學校點會run得咁好?唔似你呢啲廢柴完全冇貢獻。」

「夠啦！你有錢有權就算啦，使唔使恰到我個仔上心口呀？」 父親也替我不值 ，終於忍不住自身的怒火，打算對Titus動粗。

「嘩嘩嘩，好驚呀！我老母係大狀嚟，小心你哋嘅一舉一動會惹上官非，尤其係你！霖爺!」

我看著校長和其他教職員也無動於衷，明顯地主動權已經在他手中，他們也默認了Titus在學校也有一定的地位。

「今日我心情好，所以我冇報警， 但係你得罪到我上心口，我唔會畀你喺呢間學校有好日子過，我要你失去呢幾個月以嚟得到嘅嘢！」

「呀！！！」我大喝一聲，衝了出房門，基本上沒有人可以壓制到我！





「阿霖！」父母李sir也異口同聲地嘗試勸我回頭。

「走開！你哋冇人可以幫到我！全部都係衰人！全部都係！假面具，貪心怕死，賣辱求榮， 全部都係垃圾！」

我連自己的書包也沒有帶走，就如箭離弦般奔回家。

一路上，路人也投着好奇的眼光在我的哭相上，我不顧形象地在街道上失控般跑來跑去，以最快的速度衝回家。 

我已對這個世界徹底失望。

Background Music:
https://www.youtube.com/watch?v=T_mJUwgwhgQ