我是一名SEN的中學生: 第七章:認識

[color=#222222]BGM:https://www.youtube.com/watch?v=XElF5UFmKwU

到了大排檔後，我們各自選了位置坐下，點了餐後便開始談了起來。


「你不嬲都冇伴一齊食lunch㗎?我見其他女仔會好鍾意結伴食嘢㗎喎~」我問。

「我講嘢加轉數慢。。。又講唔倒是非，所以。。。佢哋咪排擠我囉!唔好睇表面我冇乜。。。嘢,只不過。。。我係比人暗中咁排擠，基本上我嘅情況都同你差......唔多!」

「因為你弱聽就要排擠你，咁我呢啲青山逃犯咪要人道毀滅?」





「唔好。。。。咁睇你自己啦，你係好動啲啫，同埋心直口快～」

「所以咪得罪人囉!又整到你喊。」

「我慣㗎啦~算啦!」

她繼續低頭細嗜她的熱朱古力。

「係呢，你平。。。時鍾意做啲咩㗎?」





「玩模擬駕駛，遊巴士河，睇行車紀錄囉!仲有聽下動漫歌同埋小小廣東歌~」

「都係比較偏門啲。。。嘅嘢，係一般亞氏保加症嘅特徵!」

「你又知?」

「我因為鍾意睇心理研究嘅書，所以我都略知一二嘅~」

「我覺得鍾意啲有規律性，少變化啲嘅,會有安全感嘛。」





「同埋你應該係比較多愁善感嘅，畀人感覺你係一個好敏感嘅人,好喜怒無常。」

「點解你好似審犯咁嘅?」

「對。。。。對唔住，其實我都。。。唔太識同人溝通，我唔。。。係知道好多嘢㗎咋~」

「睇嚟我哋大家都志同道合喎!」

「小心你。。。嘅用字喇，係同一種特徵炸。」

「Sorry囉！」

「我哋大家都要改進下，不如交。。。換電話呀？其實我。。。都冇入班group，所以都未知你嘅電話，當係做一啲學。。。術交流同鼓勵大家啦!」





「好呀~」

交換完電話後，我們便爽快地吃完手頭上的那盤碟頭飯，飯後我們也互相取笑對方「可愛」的食相。

付賬後,我們啟程返回學校，準備上沉悶的中文課。。。

上課時，我收到了來自悠悠的信息~

「加油頂住!落堂後就係你show off嘅時間啦!」

我的心驟然加快了，畢竟從未試過有女孩子向自己打氣~

「Got it!」我回覆她。