我是一名SEN的中學生: 第四章:舊帳

[color=#222222]BGM:https://www.youtube.com/watch?v=-fEd-c0rjpI

Titus和他的同伴從後面慢慢走上來，我手心冒出冷汗，呼吸開始急促起來。

但我的雙腳又如被鉛球捆綁著，這一刻的視線比獵人鎖定了，我無論如何掙扎也不能逃走。

「你尋日好似整瘀咗我個膊頭喎，如果訓導知道咗我嘅傷勢，你準備清走locker搞啲嘢走人啦! By the way，你有冇睇尋日嗰百名榜呀? 你連續第八次係exam入面嘅中，英文科都輸畀我喎，幾時找返你條數先?」

「咩。。。。。。數?」





「用你prefect嘅名義去校園電視台大聲宣布話:我係垃圾!我係狗!woo woo！係喎，你已經畀人炒咗la wow。。。。。。」

「我。。。。。。有講過咩?」

「你唔找數，即係你垃圾都不如啦!」

 我頓時火冒三丈，強行搶走了輝仔的雨傘，準備模仿遊戲中的劍士，把雨傘一擊轟落他的頭頂上。

「你又嚟?係咪未食藥呀!」





另一個更響亮的聲音從學校門口方向傳來。。。。。

糟了，是所有同學也敬畏三分的訓導老師-鋒sir，他睜大猶如獵鷹般銳利的雙目，用粗壯的手臂鉗制著近乎失控的我，另一隻手從書包拿出我的藥物。

「食咗佢哋!快!」他呼喝著我。

我強忍著淚水,，把藥物吞下肚。

「佢癲㗎!」





「點解top band1都有啲咁嘅學生?」

「快啲踢佢走啦!」

「痴撚線公司員工!」

四方八面傳來的這些劣評，同學們的每一句說話也逃不過我的耳朵。。。。。

 我再一次於公眾場合崩潰了。。。。。。

我開始胡亂大叫，書包拋在地上，用無情力掙脫了鋒sir 的捆綁跑回學校裏，盡快把自己藏在唯一的安全地帶。

 一名女同學目擊整件事,，她從容不迫地把我的書本放回書包，背上她一邊的肩膀，慢慢步回學校。。。。。。