我是一名SEN的中學生: 序章-社工室

「已經同你講左幾多次，有時啲野合埋對眼當見唔到咪算囉，無謂同佢地打對台啦!」

又是這間進入過無數次由臨時板間屋組成，格外寒酸的社工室，社工丶班主任和我的雙親正凝視著自己，在這冰冷的室內加上了一絲的不安感。

「明明係佢地上堂果時偷玩手機，我當然要立刻大聲話俾miss知啦，先可以唔會阻到大家上堂，維持番班上既秩序。」

「其實今日呢堂已經係呢個學期既最後一堂，而且大家都係高中生，有時可以隻眼開隻眼閉輕鬆下嘅，同埋你都唔係老師或者風紀，你有咩權去要人聽你話維持秩序？」班主任望住手錶,不耐煩講出他的心底話。

「咪就係你呢種人教壞學生，搞到而家個社會冇曬規矩囉!總之就係你唔啱，為人師表，誤人子弟!」





我手握拳頭，雙眼有如著了火，準備站起來跟班主任進行一場激烈的辯論。

「霖，坐低!唔好以為自己係SEN就可以為所欲為!呢度唔係特殊學校!」

父親一手按著我的肩膊，用他那銳利的眼神制止我的行為。

「老師，佢帶咗咁多麻煩畀你哋，真係好對唔住!佢就係咁固執，點極都唔願意改變自己，就算遇到挫折都好似冇咩作用。」

「霖，今次你已經係第五次畀人話用暴力嘅方式對待同學，如果再有下次,我哋校方會立刻命令你休學，同埋請你到時要搵過第二間願意同可以容忍你嘅學校，抱歉!」社工無奈地說。





走出社工室門口後，除了聽見異常吵鬧的聲音，包括父親喋喋不休的怨言和母親的哭泣聲，我敏銳的視覺還清楚看見一名女同學站在轉角位偷看著自己，我與她雙目交投不足兩秒鐘，自己便急步離開這個鬼地方。

她。。。。好像是我班的同學， 她。。。。。。到底是誰呢?