《A0》

「你哋唔知咩？東鐵綫以前係叫火車架...吓？你哋班後生真係，常識黎架喎...舊時我同我呀妹...」

知都唔想答啦林sir，今日嘅課題係供求定律啊，講咩東鐵綫呀，講返經濟啦！浪費時間...

「仲有呀，舊時呢我係中學好勁架，做果個...」

舊時舊時...舊屎沖咗落屎坑啦，後日考試仲有三課未教啊！俾林sir激到好鬼激動，大佬我要讀書要DSE架！

對了，我就是DSE嘅受害者，香港中學生。將來想做D咩職業？算吧啦，香港學生有得揀咩，真係痴人說夢！





話咩生涯規劃？算吧啦，人生真係可以規劃架咩，咪又係一個應付自殺數字嘅工具...

「起立！Good bye class 」
又浪費了一堂，本該説的供求定律早已成為了林sir的回憶大會，唉...

「區仔，點啊尋日？係好人卡定直接食檸檬先？唔好走數呀！」 細蚊又是老樣子..

「點睇都係已讀不回啦，你睇下佢個沮喪樣，哈哈..」情聖𠎀行過來笑着説...

唉，真係俾佢講中，就好似一枝不知哪來的箭直插心囗...尋日女神真係連回覆都冇，望住「在線上」三隻字我都唔知可以點...





「冇啊，事但啦，過咗去」我都不願再聊這個話題，説罷便轉身走向汽水機..

「咪走住，唔好以為咁就走得甩，快D講啦..」情聖𠍇一副等吃花生的樣子看着我，我最討厭這表情！

也沒理會太多直接走出班房，離開這班煩人的花生友，但好的不説，説中了心頭事，究竟女神還會回覆我這個毒男的表白嗎？不奢望答應，只期求有個答案...

我叫區仔，係一個標準嘅A0，即係咩？咪即係只要女仔同我傾多幾句，我已經認定佢係鍾意我架啦，就係呢種啦...畢竟細個俾人欺凌慣，少不了有點自卑，同女仔講野我已經會心跳加速，渾身不自在，又點媾女啊？！

「點啊？衰咗咪認囉，你又唔係第一次，唔好扮晒傷心啦」細蚊講嘢真係好傷人心





「講啦區仔，再唔講我哋就....嘿嘿..」
真係想一拳打落情聖傑塊面

呢一刻，我要爆啦！

「點呀哥仔！咪咁八掛啦，關你哋鬼事咩，一個二個淨係識食花生！」我爆氣了

說着便頭也不轉走回坐位，坐下，心裏憤慨着，錯信了一班只顧花生的畜牲，本以他們都是交心好友，沒顧忌太多便把表白計劃一一分享，細蚊還給了些建議，萬萬沒想到...他們四處張揚，只為吃着我倒霉的花生，..我猜...或許其實早已傳至女神Sandy 的耳中....

賤格！

記得第一次見Sandy 便認定她是那種可遠觀而不可褻玩的女神，一頭啡色秀髪搭在肩膊上，清純的面蛋，雪白的皮膚白裏透紅，迷倒不少少男...

放學後便迅速收拾好，一手背起書包，舉步離開學校，正要踏出校門，大鑊,Sandy !