越界的姐弟戀（甜）: 大學篇第三部 - 第八章 ：虛驚一場

第二朝早上：

家姐輕輕搖搖我，並細聲：「細佬….細佬…」

我睜開眼，朦朦朧朧咁望住家姐：「家姐…做咩…我仲想訓多陣…」

家姐：「噓，唔好咁大聲。廳好似有啲聲…我估…阿媽返咗嚟」

我一聽到家姐咁講，瞬間精神晒：「死啦…都唔知阿媽係幾時返嚟…」



家姐：「係…琴晚房門無鎖…」

我望望我身上同家姐：「不過好彩我哋琴晚有著睡衣訓…就算阿媽見到應該仲有得兜…」

家姐正想落床：「我先出去望望…」

係呢個時候，要做返個男人啦！我：「家姐，比我出去先！」

家姐：「你得唔得…」



我自信拍拍心口：「無問題嘅，交比我！」

我輕手輕腳打開房門，一出到廳正係廚房煮早餐嘅阿媽：「明仔，起身啦？」

我有小小愕然：「喔…係呀…」

阿媽：「你家姐呢？仲訓緊？」

我：「係…係呀」



阿媽有啲抱怨嘅語氣：「你都咁大個仔啦，唔好痴到你家姐咁實」

我：「咩…咩wo，琴晚…琴晚家姐睇完鬼片，自己一個人訓驚，我…我係去陪佢」

阿媽：「係啦係啦，快啲去叫你家姐起身食早餐！」

我轉個身行返入家姐房，嘆咗一大啖氣，心中默念：「好彩無事姐…」

我入到房，家姐即眼甘甘咁望住我。

我故意大聲：「家姐，起身食早餐啦」

講完後即刻細聲返：「家姐，無野呀，我反應快話你琴晚睇咗鬼片驚，所以我陪你訓！」

家姐：「阿媽無講啲咩？」



我：「無呀，叫我唔好成日痴住你」

家姐：「嘻嘻，阿媽一直都當你大細路～」

我：「我哋快啲出去啦，阿媽煮咗早餐」

我同家姐出到廳，阿媽一見家姐：「Michelle，你唔好咁縱明仔，佢都長唔大咁嘅款」

家姐：「無呀…我琴晚睇完鬼片，一個人驚」

我：「哼！無錯！我係保護家姐！」

阿媽：「得啦得啦，兩個人係到一唱一和！快啲過嚟坐底食飯」



坐下食早餐：

家姐：「咦，係呢，阿媽咁突然返嚟嘅？」

阿媽：「阿媽之後打算將生意集中返係香港，想抽多啲時間陪你哋」

我：「咁突然！？」

阿媽：「做咩咁嘅反應，唔想見到阿媽呀？」

我：「唔…唔係..阿媽有多啲時間陪我哋緊係開心啦…」

我同家姐對望一眼，我估家姐都同我一樣，心裡好矛盾，雖然阿媽可以經常陪我哋係開心，但與此同時我同家姐獨處嘅時間將大大減少。

家姐：「嘻嘻，係呀，開心呀～」



阿媽：「Michelle，返咗一個月大學覺得點呀？適唔適應到？」

家姐：「幾好呀，比想像中輕鬆」

阿媽用鋒利嘅眼神望向我：「咁就好。明仔你呢？DSE準備成點？」

對突如其來尖銳嘅眼神，我都嚇一嚇：「我…我緊係無問題啦！絕對有信心！」

阿媽：「Michelle，佢係咪真係無問題？」

家姐：「媽，你放心都得，細佬佢校內成績好好架，應該仲會考得好過我」

我：「嘿，我會同家姐讀同一科架！」



阿媽：「無眼睇你，快啲食，唔係凍啦」