越界的姐弟戀（甜）: 大學篇第三部 - 第一章 ：好姐妹

經過4個weeks，家姐開始逐漸適應大學生活。

Mandy：「好彩今個sem 得兩科要group project」

家姐：「係呀，都未摸熟group project要點做」

Mandy：「我哋兩科都夾岩同Kelvin Yuki一齊，不如week5上堂lecture後，我哋搵佢傾傾好無」

家姐：「好呀，早啲傾一傾，等多啲時間準備都好」



而經過4個weeks嘅相處，家姐同Mandy熟略唔少。Mandy係一個比較無自信嘅人，

Mandy：「今個星期六你得唔得閒呀？我想你教下我化妝，改變下自己…」

家姐：「咁可以嚟我屋企」

Mandy：「好呀…」

家姐：「其實你本身都好好睇，只要稍微執一執，一定好靚姐」



Mandy：「係？」

家姐：「係呀，比啲信心自己！」

Mandy：「多謝你呀Michelle」

當晚：

我：「你要帶人返嚟呀…」



家姐：「係呀，係我大學嘅第一個朋友嚟，人好好架」

我：「咁點解要嚟我哋屋企…」

家姐：「佢想學下化妝，咁我…我呢到多化妝品呀嘛…」

我：「唔～咁講你又無錯，的確好多…」

家姐：「哼，你厭棄家姐多化妝品！」

我：「無呀，冤枉呀…家姐化妝都係化比我睇，我點會厭棄，何況家姐咁靚～」

家姐：「到時你唔好嚇親人，Mandy比較文靜」

我：「知啦，不過…唉…無咗日二人世界啦…」



家姐：「只要你乖乖哋，家姐會補償你～」

我喜出望外：「係！？點補償～」

家姐故意挑釁嘅語氣：「唔知呢～到時你咪知～」

我賤賤哋嘅表情表情：「咁唔滿意唔收貨架！」

家姐：「哼！得寸進尺啦嗎？無補償啦！」

我：「唔係呀…咩補償我都會滿意～」

星期六中午十二點：



「叮噹…叮噹」門鈴聲響起。

家姐：「細佬，家姐炒緊餸，你去開門，應該係Mandy到」

我應咗一聲「喔～」就去開門。

我一打開門，一位普普通通嘅四眼妹企係門口。

Mandy：「你好呀，你係咪Michelle 細佬？」

我：「喔，你係Mandy？」

Mandy點點頭，我：「入嚟坐下先啦，我家仲炒緊餸。」

Mandy望一望周圍，嘩一聲：「好大間屋…」



我：「小意思啦，你坐住先」

由於係開放式廚房，家姐望出廳對住Mandy:「你先坐一陣，等多十分鐘左右食得啦」

Mandy覺得都唔好意思，所以起身入去廚房：「Michelle，洗唔洗我幫手？」

家姐：「唔洗啦，我炒埋呢個餸就食得」

家姐然後提高聲浪：「陳家明，你過嚟拎碗𢳂飯！」

我即刻從梳化彈嚟嚟：「係！即刻嚟！」

Mandy噗哧一笑：「你哋兩姐弟感情真好～」



家姐指一指餐枱：「嘻，一般般啦～Mandy你坐底先啦」

開飯時刻：

Mandy試咗舊咕嚕肉：「嘩…色香味俱全，好食過出面～」

我：「係呢，我家姐啲廚藝唔講得笑架！」

家姐望住Mandy：「鍾意食就多啲」

Mandy：「每日都係你煮飯呀？」

家姐：「差唔多，不過間唔中懶就會出去食，哈」

Mandy投出崇拜嘅眼光：「好叻呀…」

我繼續爭住刷鞋：「係呀，我家姐簡直就係完美女人！」

家姐係餐枱下踩咗我一腳，然後狠狠瞪住我：「咁多野講！食飯！」

Mandy：「你細佬講得無錯呀…」

我：「拿…人哋Mandy都咁講」

家姐：「Mandy，我哋快啲食完入房幫你化妝～」