越界的姐弟戀（甜）: 大學篇第二部 - 第十二章 ： 大學開學日（四）

Kelvin 同Yuki 兩人走後：

Mandy：「我仲以為佢哋係一對添」

家姐：「我原本都係咁以為，兩個睇落好襯」

Mandy：「而家先3點半，你有咩做呀？」

家姐：「我要去買餸」



Mandy瞪大隻眼：「Michelle識煮餸！？」

家姐：「係呀，因為屋企多數得我同細佬，所以久而久之就學識煮

Mandy一副不可思議嘅臉孔，已經開始崇拜眼前呢個女人，內心：「天呀，簡直就係入得廚房出得廳堂嘅完美女人…」

Mandy：「咁除咗教我化妝，遲下可唔可以傳我幾道餸」

家姐：「可以呀，只要你有興趣」



Mandy：「識到你真係好！今朝第一眼見你，仲以為你係果種冰美人添～」

家姐：「係咩…」

Mandy：「外冷內暖」

家姐：「可能我本身都係怕生嘅人，只要識咗，我就會多啲野講」

因為未過add drop period嘅關係，所以家姐同Mandy夾一夾，將啲科同堂揀同一樣，就咁樣，兩人就已經成為固定partner同朋友。



Mandy：「咁我走先啦，聽日見！」

同Mandy分開後，家姐就趕去街市買餸。而我5點一落堂即刻whatsapp 家姐：「我放學啦，家姐係邊啦😆？」

家姐：「係街市，就買完餸啦☺️」

我：「我而家補完課落堂啦，咁我先返屋企等你？」

家姐：「好呀」

我覆完WhatsApp 後準備走時：

婉婷：「同你家姐報到呀？」

我：「係呀，唔講住啦，我家姐就快返屋低，我都要趕返去」



婉婷：「喔…好啦」

我一支箭咁衝出課室，而婉婷則有少少落寞嘅感覺。

返到屋低後，我就坐係廳好心急咁等家姐，因為真係好少會同家姐分開咁耐。

我一聽見大門咔擦，即刻衝去門口，然後一見家姐就攬實佢：「家姐，好掛住你呀…」

家姐：「哎呀，先隔得幾耐呀…有無咁掛住～」

我：「總之就好掛住好掛住啦！」

家姐摸一摸我，然後稍微推開我：「好啦，等家姐將啲餸放好先，好無？」



我點點頭：「嗯嗯～」

家姐將餸放好後，我：「家姐，今日點呀？有無人蝦你？有嘅話我去幫你出頭！」

家姐：「你將大學諗成啲咩地方呀…」

我：「極邪惡嘅地方！」

家姐：「誇張！不過今日識咗幾個groupmates，其中有一個女仔叫Mandy都幾岩傾」

我：「咁有無男嘅！」

家姐：「有一個呀，叫Kelvin」

我：「竟然！呢個…呢個Kelvin點？係咪沖住家姐你嚟！」



家姐：「正正常常啦，仲有個青梅竹馬跟住佢」

我興奮咁問：「咁都好啲，咁大學上堂嘅感覺係點」

家姐：「同想像差唔多，lecture 就好多人一齊上，個lecture room應該都有200幾人，上堂嘅感覺好free」

我：「嘩，咁多人架！」

家姐：「係呀，不過tutorial 就少人啲，應該都係40幾人」

我：「我都好想快啲入大學！」

家姐：「咁你今日有冇好好上堂呀？」



我扮晒可憐咁，熊抱家姐：「有係有…不過就心掛掛家姐，無咗家姐，返學好孤單」

家姐會心微笑：「嘻，要專心上堂呀！」

我：「我要錫錫」

家姐輕吻我額頭：「咁得未？」

我搖搖頭，然後嘟起嘴，家姐自然明白，所以咀咗我一啖嘴唇。

家姐：「好啦，家姐要去準備晚飯啦。你快啲去沖涼先啦～」

我立正站好：「收到！」

家姐：「無嚟正經！」