越界的姐弟戀（甜）: 大學篇第二部 - 第十章 ： 大學開學日（二）

我同婉婷一齊返到課室坐埋位後，三個老死即刻圍過嚟。

口水佬：「嘩，一齊返學呀？」

我：「你講咩？」

豬肉榮：「你仲係到扮？你同婉婷呀？」

我：「返學夾岩撞到一齊返姐」



豪仔：「係咪一見婉婷有其他人追，想食回頭草呀？」

口水佬：「我哋撐你架，去馬！」

我：「痴線，我對佢真係無野」

豬肉榮：「吹呀，繼續吹！兩個成日餘情未了咁嘅款」

口水佬：「阿明上呀！千奇唔好比啲死MK仔得手！」



我：「其實Michael雖然係MK，但人都算ok嘅

豪仔：「嘩，阿明你轉死性呀」

豬肉榮：「MK仔可恥！你唔記得佢之前點死纏爛打你家姐啦？」

我：「其實…我諗深一層，算係誤會嘅，我自己都有啲過份衝動」

口水佬摸一摸我額頭：「無發燒呀？」



我撥開佢隻手：「無呀，上堂啦，係咪唔諗住入大學？」

豬肉榮：「講到大學，阿明你家姐返大學返成點呀？」

我：「佢今日先第一日返去上堂，所以都唔知點呀」

口水佬：「唔洗諗，我已經可以想像到，肯定會有一堆男搶住坐係你家姐附近！」

時間嚟到10:15分，香港大學某個Lecture Room。

家姐無著得好驚艷，只係普通一套紫色運動套。但即使係咁輕便簡單衣著，亦難以掩蓋家姐身上所散發嘅女神氣質同傲人嘅身材。

家姐運動套裝示意圖：





家姐行入課室，瞬間吸引晒成個lecture room啲學生嘅目光，當中啲男同學更好似流晒口水咁嘅款。

男同學A：「嘩…好有仙氣呀…」

男同學B：「就算係運動服，都遮唔住佢對大波波，大長眼…」

男同學C：「Jable呀！」

男同學D：「等陣落堂去問佢拎個whatsapp！」

男同學F：「咁靚女一定有仔啦，你就慳啲啦！」

雖然吸引唔少男仔嘅好色眼光，但同時都有啲妒忌眼光：



女同學A：「有幾靚啫，咪波大少少，腿長少少」

女同學 B：「係囉，啲男人真係膚淺」

對於呢啲眼光，家姐早已習慣，所以都無太理會，圍顧四周後，搵咗個無咩人嘅位坐低，靜靜等候上堂。

由於家姐嘅氣場真係太冷冰冰，所以其實無咩人夠膽坐近。而愈接近上堂就愈多人浦頭，坐位開始愈嚟愈滿，但家姐兩邊都係無人坐。不過其中原因係可能大部分人都去咗o camp，所以其實都各自組成一堆堆。

呢到奉勸大家考到大學，記住O camp很重要，大O可以唔去，但自己學院學系嘅細O就一定要去，如果唔係就好容易成為邊緣人。

不過總有啲同家姐一樣無參加O Camp嘅學生，一把女聲：「請問…我可唔可以坐呢到？」

家姐：「隨便」

個女仔嘅坐低後，望望周圍，低聲自言自言：「乜個個都好似埋晒堆咁呀…」



然後個女仔怕怕醜醜咁問家姐：「你好呀…我叫Mandy ，可以點叫你…」

家姐望一望Mandy，係一位好斯文普通平凡唔起眼嘅眼鏡妹，然後：「Michelle」

Mandy：「你係咪都無去O Camp呀…」

家姐：「嗯，對呢啲圍威喂嘅嘢無興趣，」

Mandy：「喔…」

Mandy：「係呢，你係邊堂tutorial？」

家姐：「今日晏就2點嗰堂」



Mandy好似搵到救命稻草咁：「我都係，咁不如我哋一齊上好無…」

家姐一向係佛系：「無問題呀」

Mandy：「Michelle，你有冇發現好多男嘅一直係咁昅你」

家姐：「無所謂，只要唔好騷擾到我就得」

Mandy仔細望一望家姐，內心：「真係好靚…」