越界的姐弟戀（甜）: 大學篇第一部 - 第二章 ： 日本之旅（二）

拖住兩個大喼，千辛萬苦終於嚟到機場！久違嘅機場，久違嘅旅行，一入到機場嗰種未出發，先興奮嘅感覺已經湧上心頭！

而今次更加係第一次同家姐兩個人以情侶嘅身分去，所以心情特別澎湃！

我：「唔～機場嘅空場都特別好聞啲！」

家姐：「終於可以出去放鬆下啦～」

寄存完行李、拎完機票後，我哋就過安檢入閘準備登機！



由於早上太匆忙嘅關係，所以我同家姐都未食早餐，而距離登場仲有成個半鐘，所以先去嘆個早餐，迎接美好嘅日本之旅。

食完早餐後，我哋嚟到登機閘口，因為仲有半個鐘先登機，所以就係閘口前嘅座位稍為休息一下。

我拎住我一早plan好嘅行程，同家姐再解說一番：「我哋會去有馬溫泉到一泊二食，到時可以同你好好浸下溫泉浴，嘿嘿」

家姐：「又係到諗埋啲衰野！仲未離開香港架，正經啲！」

我一副假正經咁嘅樣：「Yes，Madam！不過我好期待家姐著浴衣嗰個look，一定好靚姐！」



家姐：「哼，我先唔會著比你睇」

終於登機啦！一坐落座位後，我好興奮咁講：「日本我嚟啦！」

家姐：「哎呀，細聲啲啦，會嘈到其他人」

我：「心情興奮呀嘛，抑制唔住～」

從機窗望出去，飛機升空，望住逐漸渺小嘅風景嗰種感覺真係好奇妙，我：「終於可以暫時離開呢個壓力爆煲嘅香港啦！」



家姐：「睇你開心到呀，嘻嘻」

我：「最重要嘅係同你去一個陌生嘅地方，可以好好咁做一對情侶，盡情拍拖，唔怕會撞到熟人！」

家姐：「我都係～」

我同家姐緊握著對方隻手，滿懷期待今次嘅日本旅行！

經過3個幾鐘嘅飛航時間，我哋班機終於進入大阪機場，慢慢準備著落。望住飛機慢慢下降，望地面愈嚟愈近，嗰一刻嘅心情就愈趨雀躍！

經過一番嘅入境流程、拎行李、辦理wifi 蛋後，我同家姐已經準備好要向大阪出發！

到達目酒店時，已經差唔多下午4點鐘，check in 完上到酒店房。

我沾沾自喜：「家姐，我揀嘅酒店ok吧？」



房間唔算大，但應有嘅都盡有，獨立浴缸、雙人大床、城景，總之相當令人滿意！

家姐：「算你識揀啦～」

因為早上太早起嘅關係，而且宜家都已經4點幾，所以我哋決定休息整頓下，等陣6點左右先出去覓食同行下街。