越界的姐弟戀（甜）: 結局篇- 第二章：威逼（二）

晚上六時，家姐準備出門。

我：「家姐，今晚早啲返…我會好掛住你架…」

家姐眉頭緊鎖咁應咗一聲「嗯」後就出門。

當刻嘅我單純只係覺得家姐都係唔捨得我先咁嘅表情，所以都無太在意。

家姐落到樓下後，快步行去地鐵站，而此時夾岩婉婷望到匆匆忙忙嘅家姐，但家姐由於被今晚嘅事困擾住佢，根本無留意到婉婷。



婉婷嚟到我樓下然後WhatsApp 我：「阿明，你得唔得閒？我有啲嘢想同你講…」

我：「聽日返學講可以嗎？」

婉婷：「我就係你樓下，你可以落嚟一陣，好快講完……」

我：「好重要？」

婉婷：「重要，係關於你同你家姐…」



我：「我同家姐咩事？」

婉婷：「總之你而家得唔得閒抽小小時間落嚟，我想當面同你講…」

我：「咁你等我陣，我而家落嚟」

我T-shirt 短褲踢對人字拖落樓下，一出大廈門口，婉婷就即刻：「阿明…」

我：「有咩事咁緊要？」



晚上六時二十：

婉婷拉我到一二邊，望望四周確認無人後：「阿明，其實我知道你鍾意嘅人係邊個…..」

我心存疑惑，應該唔會發現我同家姐吧？

婉婷繼續問：「係咪就係你家姐？」

我估唔到婉婷會咁問，當堂都愣一愣…

我：「咪玩啦，我哋兩姐弟嚟，我點會鍾意自己…」

婉婷未等我講完就用手機show琴晚海滂啲相片比我睇，我望到後，完全震驚不已：「婉婷…呢個…」

婉婷：「其實琴日我一直都跟住你哋兩個…….」



我回想琴日的確有係內衣店外撞到婉婷……

我緊張咁問：「由內衣店一直到海滂…？完全都睇到晒…？」

婉婷：「嗯…夜晚係海滂…你同你家姐…我都睇到晒…」

婉婷繼續講：「阿明，你知唔知細佬同家姐咁樣…咁樣…咁樣係亂倫…係唔應該架…」

我最擔心嘅事終於要發生啦嗎…我開始憎恨自己點解會咁蠢，明明係香港好易就會撞到熟人，應該要提高警惕！明明我同家姐嘅關係應該要好好隱藏！

為咗我同家姐，男人尊嚴算什麼，我豁出去！

我用一副憂懼嘅樣子對住婉婷：「婉婷，我同家姐係真心相愛架……求你…求下你唔好啲相流出去…」



婉婷：「其實…其實你同家姐點樣，琴日我都睇在眼裡。我見到你哋真係好幸福好甜蜜……雖然我內心好妒忌，但我唔想再破壞你嘅幸福啦！所以我今次嚟只係想祝福你同你家姐，而啲相我都唔會留底。」

婉婷講完後就將手機上有關我同家姐所有啲相片同影片刪晒…

婉婷呢個舉動真在令我驚訝…我無諗過婉婷會咁爽手…

我完全唔知要講咩，淨係講咗句：「多謝你…」

我哋兩人沉默一會後，我：「咁除咗婉婷你…應該無其他人知道我同我家姐吧？」

婉婷恍然大悟咁：「弊！Simon…..」

我黑人問號：「Simon？同我家姐同班嗰個？」

婉婷一輪嘴將佢同Simon兩人之間嘅秘密講晒比我知…



我聽完後完全唔敢相信，睇嚟正正直直嘅Simon，原嚟係我同家姐背後搞咁多小動作…

我內心有一股好不安嘅感覺：「咁琴晚…Simon佢有無影到相…？」

婉婷：「我唔知當時Simon係幾時出現係海滂…所以都唔知佢望到幾多同有無影相…」

婉婷：「仲有呢，我岩先行過嚟你樓下時，見你家姐好匆忙咁趕去地鐵站，佢有無咩事？」

我：「喔，佢約咗佢fd出街食飯姐」

婉婷：「但我見你家姐好似好慌張咁…」

我內心嘅不安感變得更強烈…