越界的姐弟戀（甜）: 第八部 - 第七章：內心困惑（二）

返到屋企後，家姐仍心事重重咁。

我：「家姐，係咪我頭先嘅問題令你唔開心…我都係隨便問問，唔好太上心…」

家姐背向住我：「其實我真係無你想像中咁好…我…我…唔知要點講…」

其實當然我都唔係傻，一直都有疑惑係內，因為從家姐種種嘅表現上…唔似係第一次…只不過係我唔敢去諗太多，所以不斷催眠自己…隻字不提…但明明唔應該提起，但內心真係有啲在意…唉…我真係諗唔明…總之而家內心係百感交集…

我：「家姐…唔想講就由佢…只要你以後都係屬於我一個就得…我唔會介意架…」



家姐語氣加重：「真係會唔介意咩？唔介意又咁突然問我呢個問題…」

我：「我…我…只係諗唔明…。但真係絕對無介意…但無論點都好，總之家姐係我內心就係完美嘅！」

家姐通哭起來：「我想冷靜下…」

我：「家姐…」。說話都未講完，家姐就入咗房，並鎖埋門。

我痛摑自己兩把，都明知到答案，點解係要問啲咁蠢嘅問題…



只不過我真係諗唔明，明明我痴到家姐實一實..家姐係點樣…陳家明！都講好咗唔介意，你仲係到諗咩野！我再力狠狠摑咗自己兩巴。

我嚟到家姐房門前，背靠住門坐咗落嚟，而家姐此時亦係門內一樣靠住門坐。我隱約可以聽到家姐係房內低聲哭泣。

但家姐其實真正在意嘅唔係呢樣，而係內心裡有一更大嘅刺，深深刺係內心，而呢條刺又難以拔除，所以心裡面覺得好對唔住我咁…

我同家姐就好似背對背坐住咁，只不過中間係多咗道門

我：「家姐…我發誓…我以後都唔會再問呢啲咁愚蠢嘅問題…只要你以後同我永遠係埋一齊就得…」



家姐：「細佬，我對唔住你…」

我受唔住家姐一直喊，聽到佢哭，我內心彷彿被人重重打咗一鎚咁。我先敲一敲門，然後打開門，將家姐擰過嚟，緊緊地抱住佢：「家姐，我哋翻篇啦好無…」。

家姐淨點咗點頭，然後繼續係我懷中喊咗好耐好耐…喊到訓著咗…

我將家姐抱起，輕輕地將佢抱上床，蓋上被子，然後就咁樣坐係床邊靜靜地望住佢。

我心裡：「陳家明，你唔係話要好好照顧家姐咩！點解要令佢咁傷心…喊得咁勁…你仲係唔係男人！」

本故會於連登討論區優先更新
正皮同推post愈多，文章更新速度會愈快！

越界的姐弟戀（甜）— 3
https://lih.kg/2857079


- 分享自 LIHKG 討論區