越界的姐弟戀（甜）: 第四部-第十章：第一次碰面

越界的姐弟戀第二季

斬下眼，話咁快暑假就過去了。開學後既日子一樣係咁平常，都以往差唔多。而唯一改變既，就係我對家姐既感覺。不知不覺地，我對家姐既感覺已經產生咗變化，由親情轉變為愛慕之情。

以往我對家姐啲追求者並無太在意，但唔知點解自從經過暑假所發生既事後，而家既我對著啲追求者時，內心都會有股醋意同憎恨。尤其係對家姐一直窮追不捨既Michael。以前既我係覺得Michael係可憐，而家係覺得可恨。

對於醋意同憎恨既感覺，我一直極力壓抑住，因為我知道之所以會產生既呢種感覺，係源自於我對家姐既愛慕。我承認我的確係好軟弱，好廢，完全唔敢去面對自己內心真實既想法，並一直不斷去否定自己個想法。

隨著時間既推進，呢種感覺愈強烈，與此同時，我對婉婷既感覺亦愈來愈淡。



時間來到開學一個月後，呢一日我同家姐如常既返學。落到樓下大門時，左右兩邊各站著一個門神。一個都唔講都知道係Michael，而另一個我卻萬萬都想唔到，婉婷竟然到我樓下等我。

在此之前，家姐同婉婷兩人係無碰過面，換言之，今次係佢地第一次見面。婉婷一見到我就即飛奔到我旁邊，然後用一副好燦爛既笑容對住我講：「阿明，早晨呀～」

對我講完早晨後，婉婷就面向住家姐：「你係阿明個家姐？」婉婷一講完就即撟住我隻手，好似向緊家姐宣示主權咁樣。

面對住突然出現既婉婷，我都顯得有些少措手不及。而且婉婷仲要咁主動打招呼，搞到個場面有些少尷尬。為咗打圓場，我尷尬乾笑兩聲，然後插嘴講：「哈哈...婉婷你點解咁突然黎我屋企樓下等我？」

但兩個女人好似正在鬥法一樣，完全無視我。
家姐好大方咁回應婉婷：「hello，我叫芷澄Michelle，係阿明既家姐」



婉婷不甘示弱咁應：「家姐好，我係阿明個女朋友，家姐你可以叫我做婉婷！我成日都聽阿明話佢家姐好靚，今日親眼見到家姐你，果然係好靚」

本季更新時間為星期一至五，每日一篇。星期六同日將不定時更新。如果星期一至五出現停更，會於星期六或星期日進行補更。