[真人真事] 荒淫無道: 5.
完左事之後我地一齊沖涼，但今次冇上次嘅交流同互動。我地著返衫就上左床瞓，佢瞓喺到靠住我我埃住床背坐住。「唔好走好無?」佢率先打破沉默，「唔啦我話左今晚要返屋企瞓，啱啱你都應承左架喎。」「好啦....」話語中帶點失落。「我都應承左陪到你瞓著先走嘅」，然後我就開始做返老本行 — 講故佬。 「喺好耐之前，有個男仔佢嘅初戀好失敗.......」講返我嘅愛情故事比佢聽，佢一路望住我，一路聽我講，又會問下問題回應下我，同一般嘅伴侶無異，最大嘅分別應該係個男仔竟然返屋企，而唔係同女友二人同渡春宵。
不經不覺過左一個鐘，故事就講完，佢冇開眼好似瞓著左咁。「其實你幾好，如果早啲或者遲啲或者第個平行時空，我地會係一對，但唔係依家唔係呢到唔係當下，多謝你。我好珍惜今晚，好多謝你比左呢個咁美滿嘅回憶，咁幸福嘅一晚我，多謝。」
我心裏面想同佢講嘅呢番說話，最後只係變成簡單嘅多謝你呢晚，然後我就幫佢熄燈熄電視熄電話，靜靜地執野再悄悄地離開。
我唔知佢聽唔聽到我講嘅多謝你呢晚，唔知佢聽唔聽到我走，但我走果刻就只係想佢發個好夢，日後搵個好人家，記住呢晚但係忘記我。
喺結尾我都想同佢講句，多謝你。