[真人真事]Make Love(少甜): 潛伏
Make Love #真人真事 #1 #淫故 #甜故
為左呢個故事特登碌返啲舊相。唉，真係好耐都冇試過咁有性福啦，諗起依家都覺得自己好寂寞下，anyway入正題。
Kay算係第一個帶我認識sex嘅女仔，雖然之前同第個女朋友扑過野，但都只係扑過一次，性愛經驗尚淺。Kay佢係第一個令我認識同學習sex嘅女仔，雖然佢係處又咩都唔識，但兩個人能夠一齊由零學起，一齊學習為對方嘅性福努力，真係一件好窩心同甜蜜嘅事。
故事返到中學講起。我同佢一直都有follow對方ig，我一向(果陣)都鐘意細細粒qq型嘅女仔，姐係所有男仔都會傾心過果隻眼大大矮矮地做事qq聲得意果啲，一路間唔中都stalk下覺得佢好正。當時ig仲未有dm，取而當之嘅係一個叫insta-message嘅app。作為一個毒撚就梗係從來冇用app approach過人，一來係我個樣唔太出眾，當時都仲有暗瘡，所以都自己知自己事。
上天都公平嘅，冇左個樣都比左個腦同個嘴我，將呢兩樣技能點爆左。所以其貌不揚過我都幾多女下，只要我想，加上條女唔係太多人追嘅話，基本上我都啅硬咁制。年少輕狂嘅野唔多講，不過數數手指K都係我第8個女朋友，當時嘅我溝女lum女技術已經爐火純青，寫日記自製禮物講lum野已經易過借火。
我需要嘅就只係一個機會，而個機會終於都黎啦 — 有一日佢instamessage主動搵我。
所謂無事不登三寶殿，問下佢咩事講兩句，就開始傾左落去，好快就換左whatsapp日傾夜傾。其實佢都有follow我ig，所以大家都知大家咩事咩樣，其實肯傾落去都應該有啲機。呢啲時候都係借d意約下佢啊行下街啊咁樣，果陣嘅我仲係戀愛大過天，一有女就全力出擊，畢竟仲係中學生加上我成績不嬲都差，所以就冇心向學咁啦。大家都係住同區，咁我就約左佢食完飯去行下傾下計咁啦。