Substitute

﹣2018年10月24日 ：一名27歲湖南省中國籍男子因性侵一名香港未成年少女而被逮捕，該男名子最後被法院以證據不足為理由裁定無罪釋放，而受害人於宣判後兩日自殺死亡。事件成為中港矛盾的導火線，香港9成勞動人口於10月30號開始進行長達兩個星期的罷工抗議，其間與政府發生暴力衝突。直至2018年11月20日，已有5成勞動人口復工，但仍有部份市民於中聯辦門口抗議。
 
﹣2018年11月23日 ：中國政府宣布對香港執行「替補計劃」，內容為對香港作出經濟制裁及對外關口封鎖，並同時提出「重新教育方針」，調派部份國內專才，以穩定香港未來局勢。
 
 
你講呀？繼續吹啊！無錯，一開始我都唔信。
 
我叫阿良，讀完I大所謂嘅專科之後出嚟教樂器維生。作為第一年DSE白老鼠嘅我，雖然考得唔差，有4有5得科MATH 2鬼咗，但係真喺估唔到樹仁都入唔到，聽說係因為嗰2萬2000有一部份俾跨境考生分咗，不過邊有得嘈，人地又真喺似隻牛多D嘅。
 
受害人自殺單新聞出咗嗰晚，我如常打俾好朋友阿貴傾下佛計。交代下先，阿貴係神學院院長嗰仔，從小接受哲學批判思考訓練，喺中學時期已經可以上堂訓教照答問題，唔溫書照考第一既神人地步，講嘢又好似好有深度好玄，不過上天有好生之德，喺外表上賜佢一個唔靚仔嘅外貌，入唔到樽嘅身型，唔喺真喺屈撚機。




我  ：「喂，湖南個仆街嗰單嘢你點睇？其實要法律嚟做乜鳩？」
阿貴：「人類嘅七種慾望，本來就與靈魂分割唔開，如果得，一係你死咗，同追求慾念嘅肉體分開，但你再冇靈性。」
我  ：「淺D得唔得呀屌你，咁你對而家嘅法律點睇？」
阿貴：「換嗰講法la，我從來唔相信法律，因為只喺社會嘅一種約定俗成共識，最終喺咪有罪都唔可以由兩個平等靈魂判決，而社會就喺一堆有錢人製造出嚟嘅game。」
我： 「言下之意，姐喺法律只喺用錢build up嘅政治遊戲，有乜事即刻美原髮彩？」
阿貴：「冇錯，其實都喺同M巾同樣污糟。」
 
聽到哩個位，突然覺得有錢人真喺玩撚，好想人體自焚以示尊嚴， 但喺無大志嘅我當然選擇忍恥偷生，都喺靜靜地打下工，希望老左有杯即沖咖啡飲下。點估到4日之後愈黎愈激，而一個月後阿爺真喺發脾氣……

1月5號個晚，我如常番屋企食飯。飲住JOEY栗米湯一邊睇6點半新聞，




我問阿媽：「你點睇？」
老母氣定神閒咁答我：「冇事嘅，我地又冇搞事。」
我：「喺掛。」
 
雖然我咁答，但喺讀中史長大嘅我，又點會相信真喺冇事。突然間，電視傳出一堆槍聲，TBB回頭草記者彭柱柱好似背脊俾人篤咗野咁應聲倒地，接下來嘅畫面，就好似睇住Animal planet 嘅角馬過尼羅河一樣。我心諗：「唔撚係掛……」唔夠3秒，連cam man都將成部機掉落地下，我嚇到大腦lag咗，因為畫面影住嘅係一字排開嘅解放軍，一邊開火，一邊向前推進，直到部cam俾其中一個一嘢踩爆咗。
 
我望住老母大叫     ： 「 痴撚線架！」
原來老母仲癲過我 ： 「嘩！！！！！！」
 
正當我同老母都痴咗線嘅時候，岩岩嘅槍聲係林村河傳過黎，老母同我即刻劉翔咁望下咩事，喺我眼前出現嘅只喺一堆愈黎愈濃嘅煙，已經由廣仁樓開始傳過去廣義樓，嗰一刻，真喺好似拍緊生化危機咁離撚唒譜。回神過後，除咗係屠殺我諗唔到喺咩原因，二話不說我問阿媽：「走唔走？」老母答：「痴撚線，走乜野，而家情況都未知，你無lala走出去有咩事點算！？」佢一講完呢句，對面廣仁樓即刻有光火同槍聲。我：「再唔走死撚硬㗎!!!」老母：「我唔走！我要等你家姐番黎！！」




生死關頭，結果我無理到我老母嘅固執，即刻沖咗落樓下開架單車走佬。路線決定由海濱單車徑直插公業村，諗住睇下可唔可以上到八仙嶺嗰邊避避。當我解開炎帝準備走嗰一下，喺我後面已經feel到有人嘅氣息……