人性系列－Season 2 《置業地獄》: Ch.31 陸天音與小說家
Ch.31 陸天音與小說家
聖誕節，沒有讓人歡快的聖誕頌，電視卻傳出陣陣的酥麻的呻吟聲和碰撞聲。水喉工阿賢在房間中拼命幹著床上的嬌娃。
為甚麼我會阿賢做水喉工？因為我看過不少歐美的AV，劇情離不開上門修女喉，發現漏水的地方不在廚房，而是獨守空幃的女戶主，舉起褲襠中的士巴拿搶修。以我專業分析，這些「水喉系」A片的共通點有三個。
一、發生地點都在女戶主的家。
二、時間總老公外出工作的中午。
三、男主角的屌很長，硬度卻遠遠不如士巴拿。
沒錯，水喉工阿賢正在床上搶修的並不是繼母李美君，而是莫志豪的四眼女朋友朱凱怡，工程地點自然是後者的住所罷了。想到聖誕節還要工作，女朋友卻在家中被聖誕火雞猛塞的莫志豪，比聖誕樹還要綠，更護眼啊。
另一邊的李美君如果知道自己的繼子跟其他女人搭上，又會有甚麼反應呢？
我呷著威士忌，一邊觀看這對年輕肉體的激情碰撞，一邊思索處刑遊戲的問題。距離除夕尚餘六日，再不快點想出辦法，單心柔和陸天音就危險了。不過，當想得愈深，愈發覺事有蹊蹺，看來，遊戲外的一切沒有我最後想像般簡單。
正當阿賢射完第二發，勉強糊住滲水源頭的時候，肥煦終於到來。
「哎，攰死我啦。我噚晚喺Ganga玩到三點。夜瞓啊，對身體唔好。不過總算有收獲，嘿嘿。」肥煦攤在我的床上一邊捲腹，一邊說道。
「357？」
「Right！喺我蝕緊200點信用值嘅時候，357主動撩我傾計。傾吓傾吓，發現原來工作人員都要交生活費，雖然流費比我地少，但某程度上同業主好相似。」
「咁就好。我每日出500信用值你去Ganga玩，由你繼續埋身接近佢，但唔需要有咩動作。喺喇，天音噚日同你一齊去Ganga？」
「喔喔，係呀！不過佢坐咗一陣就走嚕。佢成程粒聲唔出，可能唔慣賭場呢啲地方吧。」
我聞言一怔，肥煦的話使我更加確定自己的猜測。
「天音唔出聲恐怕有其他原因，呢個原因同我地有關。」我站起來，點起煙，深深吸了一口。
「因為處刑遊戲有機會要死？」肥煦應道。
「一半一半。你有無諗過天音點解一開始會參與置業測試？以佢嘅性格，唔係一個貪錢而上當嘅女人。而且，佢家姐殉職留低唔少安恤金同保險，佢根本就唔愁錢，但.........」
我彈一彈煙灰，續道：「如果唔係為層樓，天音又為咩要參加呢？如果我無估錯，佢參與置業測試係因為小說家，佢由一開始就知道置業島係咩一回事。」
肥煦沉吟了一會，終於恍然大悟：「係啊，佢同心柔屋企都有錢。但同處刑遊戲有咩關係？」
「如果我推論正確，第二回合嘅處刑遊戲正正係衝住天音而來，而天音已經發現到自己陷入危險。問題係........如果天音被針對，咁被派暗中保護佢嘅白武士呢？」
「白武士？」
「屌，即係我同你兩個呀！」我捻熄乾癟的煙蒂，沒好氣地掃了不懂幽默的肥煦一眼，然後正色問：「你諗住點？宜家抽身，仲可以置身事外。」
「Fuck，我係咁嘅人咩？」肥煦不假思索，揮出一記空拳。
我搖頭，滿意一笑：「我都唔係，叫天音同心柔上嚟，我地問清楚佢再作對策。必要時，Anti-plot要帶多兩個人啊。所以357嗰邊就靠Soldier你喇。」
看來很快就知道真相，我的劇本會變得更完整了......
＊
月黑風高，被邀到我住所內的單心柔和陸天音此時一臉驚惶與難以置信，被她們眼前的色魔逼得一步一步後退，快要貼到牆上了。
我板起臉，不約而同露出一抹淫笑，戲謔地看著陸天音。我故意不去看單心柔，免得被她揭穿。
「呢一輪嘅處刑遊戲指定處死女業主，我地就點都唔會死，大可以袖手旁觀。邊個女人畀到著數我地，就唔投佢囉。男人嘛，你應該明嘅，嘿嘿。」我瞇起眼，搓手笑道。
嗷！！
肥煦開始解褲頭帶，把陸天音嚇到魂飛魄散。士兵大哥，你好像做多了啊！
「嗷，色狼要嚟喇！」他露出血盤大口，抬起頭嗷嗷猛吼。
幹，氣氛都被這個白痴搞砸了！
「哈哈哈哈！」單心柔終於按捺不住，捧腹大笑。
「喂，你唔同隨便加插橋段，好嗎？」我掩臉，放棄裝下去，在餐檯旁坐下來。
「放心，我地唔會咁做。我地嚇你唔係無聊，而係證明你地嘅性格已被摸得徹徹底底，特別係天音你。」
「成柏宇，你一時扮鬼扮馬，到底想講咩呀？」單心柔蹙眉道。
「藝術家睇準你地唔肯為生存而出賣色相。換作Ruby或者嬌姐，剛才就已經自動自覺除衫，陪我地上床換取為自己有利嘅發言，增加生還機會。」
「身體係女特工同女情報員嘅最大武器。」肥煦附和。
「之前藝術家宣佈婚禮時候嘅眼神，加上今次嘅安排，我估計藝術家目的係殺死一個指定嘅人......」
我凝視陸天音，字字鏗鏘地續道：「呢個人係你吧？陸天音。」
「我？唔，唔會嘅........」陸天音臉色蒼白，卻沒有乍聞噩耗那種驚詫。
果然，天然呆如她都已經猜到了。
「天音，我唔想轉彎抹角。你同馬克白、藝術家兩個到底係咩關係？你唔坦白同我地講，好難幫你。」
其實我如果不劏魚，不寫劇本，大概可以考牌做社工了。
陸天音微微一怔，強顏歡笑來掩飾內心的慌亂，靈動的大眼睛刻意迴避我們的目光。她的反應使我的推斷變得合理。
「唔使否認，我已經知道你同馬克白.......即係小說家嘅關係並唔簡單。為咗表示誠意，我地首先同你講一個秘密。」
「我地係白—武—士，Jedi！哈哈哈哈哈！」肥煦叉腰，直接搶白，雙手揮動那把無形的激光劍。
我體諒瞠目結舌的單心柔和陸天音，解釋道：「上島嘅第二日，小說家曾經攝影師龍友要求我地暗中保護你。坦白講，我地最初接近你係有目的，保護你安全，我就可以得到報酬。」
「報酬？」
「報酬係姦殺我女朋友嘅兇手。我同你地講過我有女朋友.......但其實佢已經不在人世。呢一刻，兇手喺呢到其中一個業主。不過，總有一日，我會要佢.......十倍奉還！」
我深吸一口氣，平復躁動的心情，然後點起一支煙，夾在指間。
「我要講嘅已經全部講完。到你喇，天音。」
我們三個人的視線投向陸天音，誰都沒有開聲催促，讓她把自己願意說的親口吐出來。強扭的瓜不甜，我不希望大家產生任何介蒂罷了。然而，陸天音甫說出第一句話，就把我們徹底搞糊塗了。
「失序島……..」
「失序島？」我們疑惑地重複著這個陌生的地名。
「失序島係呢座島昔日嘅名稱。小說家同龍友係上一屆測試中嘅參賽者，亦係唯一嘅成功生還者。我曾經以為一切只係佢虛構出嚟嘅故事.......我同你地講過我以前喺精神病院工作。大概一年前，我新入去病院，經常撞板.......
＿＿＿＿
那一個下午，我實在忙得不可開交，被派到病房負責幾個病患的藥物。你要明白，新人總會緊張，人緊張就容易有錯嘛，嘻…….
「賤婢，此乃本真人命你煉製之長生丹？」
「係係。長生靈藥到啦，你乖乖地食啦。」我拿著藥對左邊以為自己是秦王的妄想症病人，視線卻落在對面的男病人身上。
他看著我，我望住他。奇怪的是，他沒有晃頭傻笑，眼神也不如其人病人般呆滯。他的眼眸深邃如一個無底深淵，讓我不由自主生出好奇心。
「姑娘，你肯定你要餵佢食？甘油條食完可能會升仙啊，嘿。」他對我說的第一句話。
他果然不像精神病人呢。
等等.......甚麼甘油條？
「吓？甘油條？！」我聽到他的話，當堂嚇了一大跳。
「佢要食囉，快啲食啦真人。」男人摸著下巴，惡趣味地笑道。
「唔好…..唔好呀！！！」我連忙秦王把甘油條擺入嘴巴前搶回來。
糟糕了，居然把另外一個病人塞屁股的甘油條搞錯，真的醜得要找洞鑽了。不過......這裡應該沒有人會告發我吧？嘻。
「我唔會揭穿你。姑娘你唔使咁緊張。」
「真係？」我緊張兮兮地問道。
「嗯，將甘油條當藥食好常見吧。喔，我叫阿明。」
「我叫－」
「陸天音，陸姑娘。我其實有預知能力啊。」阿明似江湖術士一般以手指捏算，想騙過正常人的我。
「痴線。」
「嘿嘿，我不過講笑，其他姑娘有提過你。係喇，你有興趣聽我講個故事嗎？聽精神病人講故事，好有趣啊…..至少比餵錯藥更有趣。」
出於好奇，我和阿明約定每逢星期三的下午見面，聽他說著那個血腥故事，而這個故事的地點正是現在的置業島.........
陸天音懷緬地說出自己和阿明認識的經過以及簡述那個持續一年的「故事」，撇開地點是精神病院，也不計她餵錯病人食甘油條，這是淒美的愛情故事的橋段。
我驀然想起小說家曾提及自己親睹女朋友被殺，跟陸天音所說的故事情節昒合........
阿明就是小說家！
「你口中嘅阿明就係小說家。你嚟置業島就係證明阿明唔係痴線，所謂嘅『故事』係存在過嘅事實？」我沉聲道。
「我早就感覺到佢唔係精神病。我嚟置業島有兩個原因。」陸天音搖頭，繼續說下去。
「我曾經同你地提過我家姐.......我家姐叫天晴，即係小說家故事入面嘅女朋友。我一直以為家姐係因工殉職，直至阿明消失前一個星期，我喺浩園拜祭家姐，遇到一個叫孟瑤，（詳見源界神話season1正傳彩蛋），話自己係家姐舊同事嘅女仔。孟小姐對住墳位講咗一句說話，然後當我回神，佢已經走咗......」
「咩說話？」
「你同小說家好有緣，人類啊，真係複雜呢。」陸天音微顫，重複那一句奇怪的說話。
「如果家姐真係認識小說家......咁失序島發生嘅事就係真實，我家姐唔係殉職，係死於遊戲入面。直到阿明講完整個故事，我都無勇氣面對，笑住咁裝傻扮懵........」
「我同自己講.......唔係真嘅，一定唔係真嘅。因為我發現自己已經愛上阿明，本來會成為自己姊夫嘅男人。」
「天音，我有理由懷疑你有被虐傾向。」
坦白說，陸天音愛虐小說家這一點我不懷疑，更不詫異。只有這個原因，一切才說得過去。
「愛情係盲目。」單心柔若有所思，她顯然陶醉在這個浪漫故事中。
「盲目好易仆街。」肥煦繼續破壞氣氛。
《志明與春嬌》中有對白，人生總會遇上幾個仆街。不辭而別的小說家到底算不算「仆街」，這一點尚有待考究，不過他和這對姊妹肯定是天意弄人罷了。
「做出呢一切，導致你家姐送命嘅人係藝術家。繼你家姐之後，你係下一個。甚至，你喺外面嘅世界已經被盯上。如果我無估錯，我地所有業主並非由小說家一個人選出。如果我係地產公司嘅主辦者，我唔會由一個人去挑選，因為唔夠客觀。」
「小說家想保護你，只有兩種選擇，選你入嚟置業島，近距離保護你。不過，呢個方法要冒好大風險，就好似依家處刑遊戲嘅情況。不辭而別，證明佢最後唔想你捲入呢件事之中。所以，另一個選擇係派人暗中保護你。」
既然小說家不願陸天音捲進這場風暴，那麼陸天音又怎會收到置業邀請呢？
我點起煙，深深吸了一口，模仿金田一的語氣續說下去。
「選你成為業主嘅人係藝術家。」
「我同Soldier兩個係小說家選出嚟，保護你。我有腦，佢有肌肉。」
「文武雙全。」肥煦刻意地鼓起心口兩塊鐵板胸肌，表演震波。
「置業島使人墮落瘋癲，人性黑暗面原形畢露。不念親情嘅羅傑，被宗教扭曲嘅善姐就係例子。直至處刑遊戲，藝術家終於忍唔住出手，如果你唔肯屈從，你地好大機會被處刑。但當你選擇出賣身體求存，你同樣會死，至少喺小說家心裡面，你已經死亡。換句話講，呢盤棋睇落點捉都係死局。」
「你在明，藝術家在暗，你仲打算報仇？」我壓下聲線問道。
話音一落，房間內驟時鴉雀無聲，再次剩下牆上的掛鐘指針跳著踢躂舞，答答。
「我唔想報仇，只係想帶走阿明。至少.......見佢一面，同佢講清楚。呢個係我第二個目的。我唔使你地陪我去送死。」
「人地要結婚囉。你搶婚？」
「肯定係藝術家一廂情願.........我，我已經有打算。除夕當日我見到佢就會講清楚，就算最後俾藝術家殺死，我都無—」
我皺眉打斷陸天音的話：「預算會爛尾嘅劇本一定比肚痾爛屎更爛。我從來唔寫爛屎。Soldier，捉棋最重要係咩？」
肥煦滿臉醬紅，像被玷污的少女般哀求：「.......又除？」
「唉。」我已經放棄這個配角了。也許他沒有錯，錯的是每次都讓他脫光衫褲的湯叔。
「係贏。落場比賽就要贏。當然，我同Soldier有後備嘅逃走計劃，但暫時應該用唔上。因為，我已經諗到一個大家都唔使死嘅辦法。大前提係........」
三人驚訝地看著我，彷彿我額頭長了一根陽具似的。我報以微笑：「喂，我好歹曾經係資優兒童，嘿。」
我嘴角拉出自信的弧度，凝視單心柔和陸天音，篤定說道：「大前提，你地要有攬住一齊死嘅決心。」
「吓？」
無錯，就是以「同歸於盡」來創造屬於未來的事實，嘿。
天才！