在西貢，見到日本兵的鬼魂: 第二節

過去為了工作和學業，我根本沒有時間去結識異性，即使有些男女同學的聚會，我也因為要慳錢而一一推卻，而且在這拜金主義的香港，窮彷彿已是一種罪，我根本沒有勇氣去結識異性。
 
所以當我聯想到淫賤公海的時候，我的海綿體也開始充血起來，感覺極不好受。
 
「好啦，各位同事，船家已經到左啦，我地而家上船先，各位跟住我啦！」經紀張說。
 
接著，我們一行八人跟著經紀張走到西貢碼頭登上預訂的遊艇。
 
遊艇不是太大，我想十多人已經可以坐滿整架船，和一般遊艇一樣，船身分了數層，上層可以讓人晒太陽，而走到船的下一層位置有一個房間，還放了一張大床。
 




「唔駛咁心急，仲有我地帶備左足夠既床單，保證你地玩得安心又安全。」經紀張在我的身後說。
 
「我…我四圍睇下啫，冇特別意思。」我有點不好意思。
 
作為一個處男，召妓這種行為，對我來說就像是一個不能衝破的心理關口，說實話，要我破處或跟誰人發生第一次性行為根本不是我擔心的問題，我只在乎與妓女發生性行為會否被感染性病，我聽說「環保吹」和「打真軍」其實沒有多大分別。
 
可是，如果經紀張真的請召妓的話，而且是免費，我又那有不嘗試之理？
 
現時船內，除了我們八個同事之外，還有經紀張和船家，經紀張點好人頭之後，便指示船家向著海中心出發。
 




遊艇以一個極快的速度向著海中心飛馳，船身撞上水花的時候感覺有點像玩水上電單車。
 
我們快速地穿過了數個不知名的沙灘，可是船家就像沒有減速的意欲，這使船上的人開始產生疑問。
 
「喂，船家，我地而家去邊呀？過左幾個沙灘啦，我地唔打算上岸架？」大昌說。
 
「我唔知呀，你有野就問阿張生啦，佢叫我揸架船去南海架！」船家說。
 
「南海？邊撚到黎架？」大昌說。
 




此時，經紀張不知從何走出來說：「唔駛咁緊張，呢位哥哥仔，一早同大家講左有‘特別活動’，唔去啲特別既地方係唔得架，你知啦，陣間俾人見到就唔好啦！」
 
「我諗你都係時候開估啦，唔係啲同事估估下就唔好啦。」周老闆說。
 
經紀張再來一下冷笑：「其實今日我地去南海，我幫大家約左一班女黎，佢地係ＭＯＤＥＬ黎既，佢地唔想俾人見到，所以咪要去南海囉！」
 
「ＷＯＷ！正呀！」船上的人頃刻間情緒高脹起來，並不停的在大叫和歡呼。
 
「嗱！今日記住玩得開心啲，知唔知呀？唔駛錢架！」周老闆走過來拍一拍我的膊頭。
 
「係，知道，多謝老闆！」我回應著。
 
「如果陣間，上船的是模媽「ＭＩＬＡ」咁就正啦！」我的內心不停的幻想著與ＭＩＬＡ親熱的情景，而不知道遊艇已經駛到那裡。
 
過了不久，船家在海中心把船停下。




 
我看一看四周，除了我們之外，附近沒有船隻經過，這裡出奇的平靜，感覺有點像仙景裡在湖上泛舟一樣。
 
船上的人各自找了一個位置，四處張望是否有「女」乘坐其他遊艇接近。
 
突然間，經紀張拿著電話語帶激動的說：「吓？唔能係掛！你而家先同我講啲女放晒飛機？我而家到左南海啦！吊你！」
 
「冇‘靚模，，唔緊要，你而家係唔係都帶啲女先啦！我地成班人到晒，你叫我點交待呀！」
 
「仆你個臭街！你點能樣做生意架！」
 
在場的同事聽到經紀張的說話後，可能知道幻想已經破滅，內心不禁一沉。
 
「各位！唔好意思，個ＡＧＥＮＴ話今日冇女到，不過唔緊要，我地返去西貢玩香蕉船同埋ＷＡＫＥＢＯＡＲＤ，一樣咁好玩，係咪？」經紀張不停的向我們道歉。
 




「本來就啲女玩我地條蕉，而家我地走去玩香蕉船？你咁樣即係玩我地啫！」大昌說。
 
「拿！一係咁，船河完之後再去西貢食豪華海鮮餐，夜晚再同你地去東莞玩返晚等大家順返條氣，好唔好先？」
 
在場的同事可能心裡慾火已經熄滅，沒有人再有心情回應經紀張的建議。
 
「船家，唔好意思，我地返去西貢，搵個泳灘停低俾我地先啦！」經紀張說。
 
船家依著經紀張的指示，把船掉頭駛往西貢。
 
此刻，我方才知道，如果有人告訴你有免費雞俾你叫既時候，但係最後又因為其他原因而冇得叫，咁你要小心！