前度: may1.7

電話響起，再一次打破沉淪係慾望，無錯，又係阿May電話響，要阿May返屋企。我同阿May開始收拾翻野，阿May著翻好件衫，我攬左阿May一陣，有D唔捨得阿May翻去，但最後都要分開。

我走之前問左阿May一句說話，依句說話亦都係阿May前幾日問我個句。

我：阿May，我地依家算係咩關係？

May望左一望天空，然後再望住我同我講：chris啊，你可唔可以俾我幾日考慮啊？

我：咁好啦⋯⋯



我地兩個好似交換左角色咁，同一個問題互相問一次，大家都係解答唔到對方，個種失落感，我亦都明白個日May聽完我既回答係有幾唔開心。

我揮一揮手，同阿May講完再見，我又行依條十幾分鐘前往地鐵站既路上，依十幾分鐘令我不停唸我同阿May既事。

萬一阿May唔接受我，咁我點算啊？

我又唔係靚仔，又係宅男排骨仔，又無錢無才華，點樣都襯唔起女神啦，如果唔接受我，都係應該既，於是我垂頭喪氣咁返歸⋯

食完飯沖完涼，唸住打一陣機，突然電話顯示，May又whatsapp左我。



May：20:31 chris 聽日都同我一齊走好唔好？

我：20:32 好啊 咁我地放學見啦～

我內心好興奮，雖然佢無應承做我女朋友，但可以陪到佢，我已經覺得好開心。

到左第二日放學，我又再送阿May返屋企，但今日阿May一直沈默無講嘢，我亦都唔敢出一句聲。

當我地行到接駁電梯個陣，阿May拉住我，示意唔搭電梯而行樓梯，咁我唯有跟埋一齊行上去。行左一層之後，阿May突然轉頭問我。



May：chris，你真係決定左啦？你真係唔驚Alex嬲咩？

我無顧慮直接講：我決定左啦，我唔驚Alex嬲，我反而驚，我因為咁而無左你，我驚我會後悔一世，我驚到老死既時候仲後悔依件事。

May：chris，我都決定左啦，我依家俾你知我考慮既答案啦。

May突然攬住我，仲要係攬得非常緊，阿May咪埋雙眼錫左落黎。我同阿May擁抱係接駁電梯既樓梯之間，依一刻，我真係覺得自己幾幸福，幾幸運，我女神阿May接受左我，同我拍拖。

能夠拖住阿May穿梭係人來人往路上，我從大家既眼中，係睇出一絲絲既羨慕、一絲絲既妒忌，我彷如人生中既大贏家。

我送到阿May到樓下，阿May當然又留住我要我傾多一陣計。我地今次無做到曳曳嘢，真係全程談天說地，無所不談。

命運真係好捉弄人，原本我係幫阿May去識男仔，到最後變成我去追阿May。我將我同阿May拍拖既事講左俾同學bobby知，bobby知道後，塊面呈現出大寫既羨慕兩個字。

bobby：你講起同阿May拍拖既事，你都會笑的好開心，你要珍惜人地啊，唔好人地走左先黎後悔啊。



我：我知道點做既啦，bobby，多謝你支持我追阿May。

bobby：你客咩氣呢～