重甜*我係一個高中老師。我個女學生住我隔離座: 第19章

話咁快個假就放完，我就要好似平時咁早起身刷牙洗面，之後渣車番工。
新既一年新既開始，我亦都準備左一堆廢話同班學生講，希望佢地黎緊既考試會用盡全力！
番到學校既時候，見到個好熱血既畫面，好多學生係到博哂老命咁抄功課，通常我見到都當睇唔到，因為我都明學生既時間分配，但Iris呢？
佢一早做哂功課，成個朝早係到hea
，成本功課放係台面比人抄。
乖學生真係乖學生。
「陳sir！」突然，有人叫停左我。
我：「咩事。」
Chloe:「呢題點做！」
哇，一睇佢本簿，只係做緊第一題！


我：「唔洗做啦。」一個好奸既語氣。
Chloe:「認真？」
我：「放學留堂慢慢做。」
我講完之後就上左教員室，我見到盒大快樂早餐放左係我台面，上面有張紙寫住。
「Jacky 新一年，希望同你有一個新既好開始。 Jessica」
原來係Jessica買早餐比我，我都估唔到，講起上黎，自從同佢上次鬧交之後，好似冷淡左佢，睇嚟今年真係要重視番佢。
老師既早會，又係校長廢up既時間。
校長：「今年係2027年，希望咁多位同事都大豐收....」
講完之後，Alan同Elise 一齊行黎我個位到
Alan:「新一年繼續多多指教呀積奇。」


我：「好呀，多多提點呀大師兄。」
Alan：「我要你多多提點就真啦。」
咁佢的確要我多多提點既，等陣又唔知闖咩喎出黎。
落到去集會，校長又係一堆講左根本都唔會有人想聽既廢話。
完左之後上到課室，
我：「班長出黎幫手派野。」
Iris:「呀sir，新一年我唔想做班長，不如換個同學啦。」
我：「咁其他同學有無異議？」
一眾：「無。」
Chloe：「咁我想做呀！」佢擺出一個好想好想既表情！


我：「好呀，比你試做一個月啦，見你咁想，功課放學先收，比多小小時間大家。」
講完，我行出呢個課室，落番教員室抖。
例行工作並唔係準備下一堂既野，而係開手機睇message。
平時我落到位，都會收到iris既Whatsapp，但今日竟然無，到底係咪同佢表白左件事搞到依家咁僵呢。
永遠有咩搞唔清，我都會去求簽，希望會有個指示比我，今個禮拜日反正無野做，就星期日去啦！
話咁快，頭兩堂就上完，Alan亦都上完堂，番左教員室。
Alan:「Jacky呀，我覺得呢你果班個Iris有啲唔對路，佢岩岩果堂變得好唔活潑。」
我：「係咩？等我陣間問下佢咩事先。」
到底係咪我搞成佢咁呢？我個心呢一刻真係好亂，但我同自己講，要保持冷靜，唔係就會衝動做錯事！
-