重甜*我係一個高中老師。我個女學生住我隔離座: 第12章

「有陣時我都係想你氹下我，我走果下其實我以爲你會追出黎，點知你無，但我其實好唔捨得，不過我諗我地唔岩係埋一齊住，不如我地重新開始。」Jessica個信息。
我睇完之後，心情唔識形容。開心？興奮？
我無再諗，就開車番工。
番到公司既時候，我見Alan同佢老婆都好番，番到我個位既時候，我見到個位有張畫，係我個樣，係課室個老師台到好認真咁做野既樣，後面仲有啲字
「陳sir，下次一定要再帶我去挽，真係好興奮。 Iris」
原來係Iris開學嗰陣時畫俾我既，上次問佢唔講，原來佢畫緊我。
好在Jessica未返黎，如果唔係就大鑊！
我睇完之後即刻放入櫃桶，然後就落去早會。
我巡隊嘅時候，Chloe同Angel叫停左我
「陳sir，下個禮拜聖誕節假。會唔會幫我地補課嫁？」Chloe問


我：「可以呀，如果你地想既話，完左補課可以上我屋企開party，無任歡迎。」
Angel:「真係既？咁我地班群約時間啦！」
上到課室，例行班務，之後我就同佢地講
「今個聖誕假，有同學話想補課，你地自己約個時間啦。」
「呀sir話仲可以去佢到開Party。」Angel好高興咁講。
成班即刻起哄！
「上我到都可以，不過你地下個月考試唔可以再炒。」我好認真咁講。
上堂既鐘聲響起左，我亦都落左去教員室。
「Jacky，我有野想同你講。」Josephine同我講。
我：「好呀，不如出去講。」


Josephine:「我懷疑我對你有好感，我有陣時做野會偷偷望你，你認真做野個樣好正。」
我：「唔好玩啦，我有Jessica嫁啦。」
Josephine:「我好認真嫁，我唔夠Jessica好咩。」
我：「唔係..但我唔想..」
Josephine:「你想既話，我可以送埋我成個身體比你嫁，你同我一齊啦。」我都未講完，佢打斷左我
我：「等我考慮下先。」
講完之後我就行番入教員室。
考慮下？根本冇諗住考慮。
比個身體我？好呀，狗公法則，有食唔食， 罪大惡極。
放聖誕假就食左你!


放工既時候，Alan都岩岩教完波，我行埋去同佢傾左陣。
Alan：「識唔識人整車呀？架車死左火呀。」
我比左張卡片佢。
我：「你搵佢呀，你話Jacky介紹就得，有得平比你，順唔順路，車埋你呀。」
Alan:「咁我上去拎袋先。」
我：「我上車等你。」
上左車之後，我就打開手機睇。
「放假補課+Party
出席：
1.Chloe
2.Alex
....
18.Iris」
真係好踴躍，睇完之後我就問佢地：「有無邊個老師你地都想叫埋佢黎嫁？」
「艾倫！」Angel好快咁覆。


其他人都秒覆
「艾倫+1」
就係咁，艾倫呢兩個字就洗左我板。
Alan都拎左袋落黎，上左車。
我：「放假果陣，我班學生話想叫埋你上黎我到開Party，你黎唔黎呀？」
Alan:「多謝先，睇下果日有無野做啦。」
我：「無野做記得黎，佢地對你好熱情。」
Alan：「認真呀？咁我一定要黎啦，有日期同我講。」
Alan落左車之後，我都好快番到我屋企。
食飯果陣時，Josephine 突然whatsapp我。
「考慮成點？」
我覆番佢：「遲下先算。」
拖得一日得一日，我唔係咁想同佢一齊。
我淨係想同佢搞野！仲要有咁激得咁激！快啲放假好無！？