重甜*我係一個高中老師。我個女學生住我隔離座: 第10章

起身既時候其實覺得有啲唔慣，平時會同Jessica一齊起身番工，佢又會煮早餐比我食，
太陽蛋，兩條腸，雞扒，永遠都唔少得。
今日當然無啦，於是我落街食個早餐，渣車番工。
一個渣車既時候我係到諗，唔知等陣間Jessica會唔會原諒我呢？
呢個秘密仲可以隱瞞幾耐呢？
直到我番到公司，係老師既早會完左之後，校長就同我講：
「你入嚟校長室，我有野想同你講。」
我聽到之後呆左，返咁耐第一次比佢叫入去。
「唔知校長搵我咩事呢？」
佢拎住部手機，上面有一張迪士尼影嘅相。


咦，後面嗰兩個人咁熟口面嘅！
咪我同Iris？
校長：「解釋下。」
我：「無咩特別呀，咪陪個學生去迪士尼囉。」
校長：「其實學校唔建議咁樣做，我都係想提下你，希望你唔好有下次，無你既事啦。」
佢講完之後我就返左教員室。
Jessica係個位到一路食早餐一路整理第一堂要用既野。
我行埋佢個位到問。
我：「未嬲完？」
Jessica:「陳sir呀，而加番工時間，私人野放工再算好無？」


佢講完之後我就行開咗。
好！我就等到你放工。
我帶住一個勁頹又勁嬲嘅樣，行入班房。
「你地下次成績再係咁，錯邊題就抄果題既公式100次。」我勁嬲咁講。
我承認我將啲脾氣發晒係佢地身上，呢兩件咁既事一齊發生，唔多唔少都有啲嬲。
然後佢哋成班靜哂。
「陳sir，Iris佢好似遲到。」Chloe係個位到講。
「唔等啦，班長出黎幫手收回條。」我好燥咁講。
突然間有人敲門。原來Iris真係遲到。
佢一入嚟就我即刻同佢講：「有無搞錯呀，而加幾點呀，又遲到？第幾次呀？」


Iris:「對唔住，無下次。」
我：「對唔住有用咩？算，比埋呢次機會你！唔準再有下次。」
佢眼濕濕咁行番埋個位到。
睇到其實都有小小心痛。不過夠Jessica心痛咩？佢係屋企等我，我係出面風流快活。其實有小小內疚，等陣放工買花哄番佢啦。
食飯既時候，我仍然都係同Alan呢個好兄弟食飯。
我：「多口問下，哄番你老婆未呀。」
Alan:「未，佢仲嬲緊！兩個禮拜啦！」
我：「咁你都係時候做番D野啦。」
Alan：「做咩野？」
我：「Bro！你都30幾歲啦，哄老婆唔洗我教掛？」
Alan:「咁你呢？今日見你同佢好似冷戰咁喎。」
我：「唔好提啦，個日出左去玩兩日，番到屋企佢就嬲左我。」
Alan:「咁都嬲？」
我：「咁係我唔啱在先既，呃佢話番大陸，點知回鄉證都無帶，最後佢發現左。」
Alan：「咁你真係好錯，錯在偷食都唔識抹咀。」


我：「其實好內疚，希望佢原諒我啦。」
我手機個mon突然着咗！
正當我以為係Jessica搵我既時候，誰不知....
-