重甜*我係一個高中老師。我個女學生住我隔離座: 第5章

「成日見你整飯盒比我，我覺得我地可以有進一步既關係，雖然我地只係識左短短一個月，但我其實一早覺得你係我未來老婆，唔知你會唔會想我做你未來老公呢❤️？」我WTS Send左比佢，期待聽日起身收到一個我想要既回覆。
表完白個心都總係羅羅亂，無咁易訓得著，平時訓落床3分鐘，已經進入深層睡眠，但今晚30分鐘，對眼都係唔想合埋，我真係好想佢即刻覆我，我份人就係咁無耐性，平時排隊都唔會想排，細個去主題公園玩機動遊戲，最好就成個場我包晒，我就係個又霸道又無耐性既人。呢個亦都係我一直都無長拖拍既原因，拍頭幾日，又會覺得好冷淡，都無電視戲果種激情，最後就分手。人大左先慢慢明白，愛情係要慢慢去浸出黎，並唔係第3日熱情，第5日結婚，第7日就搞野。
第二朝醒嘅時候，
「Jessica 2個新信息」
我撳入去睇
「我係咪以後都要叫Jessica chan?」
「唔知等陣會唔會有人車我呢？」
「我即刻過黎接你，你係樓下等我呀！」我覆。
但其實我自己都唔清楚佢係咪接受左我，但我
覆完之後，我即刻去左刷牙洗面。仲比平時早出門口，係我渣緊車去接jessica 既路程，我亦都要同Iris講，我以後都送唔到佢返學。但點開口好呢？


「我以後都唔再車你啦，你自己搭車番學啦。」咁講好似好賤。
最後我決定講個大話呃佢，等啲說話無咁難聽。
「呀sir之後都要送姪仔番學，所以應該車唔到你啦。」我Send左比Iris
但其實我要送果個係Jessica。
到左Jessica樓下，正當我等佢落樓既時候。
Iris覆左我。
「唔緊要，咁我自己番啦。」
「你會唔會唔開心呀。」我問 
其實我個心真係好內疚。覺得自己當佢係玩具，玩厭左就放埋一邊，同中出即飛有咩分別？
「扑扑」突然有人敲我車窗。


原來係Jessica，佢今日嘅衣著有啲唔同，佢著左件無䄂既T-shirt，長裙，手抽住一個皮背囊，平底鞋。下身係基本既老師dress code，但上身就好似性感左少少。
「你做咩唔著外套！」我問。
「好啦好啦，你叫我就著啦。」佢笑住咁答。
「我唔會比我女朋友著咁少，俾人睇蝕曬。」
呢句我想試吓佢，到底係咪接受左我。
「比你隻左手我呀。」
「做咩？」我講都未講完，佢拎起左我隻左手，放落佢個嘴唇，錫左一啖！最後仲十指緊扣。我隻左手既手背就咁印左個唇印。平時咁貪心嘅我，即刻指住塊面講「咁呢度呢？」
佢個頭伸左過黎，錫左落我左邊面！
我仲貪心到，想指住自己條巨龍問「咁呢度呢？」不過我無咁做，要搞都遲早嘅事，廢事而加咁公開係到野戰，等陣仲要番工。
到左公司既時候，我如常咁拍車，然後同佢一齊行入學校。呢個畫面又令我諗返起，我高中果陣成日見到啲情侶老師一齊番工，覺得甜到漏，我仲希望大個我都可以有啲咁既機會，終於比我等到今日。


上到課室，遲到既鐘聲亦都響起左，但Iris個位仲係空，我即刻心諗，死啦，佢會唔會唔開心到唔番學。
「有無同學見過Iris？」我係課室問，但係無人答我。
突然間有人敲門，一個書記陪住Iris上黎課室。
「陳sir，呢個學生今朝跑返嚟既時侯跌親。」個書記同我講。 「對唔住，呀sir我遲到。」iris好驚咁對住我講。
我真係好憎人遲到，每次一有學生遲到，我都會鬧到佢狗血淋頭，講一大堆耶穌。我班學生成日同遲到擦身而過，一聽到學校個鐘響，佢地個個就會好似玩Temple run 4咁跑番黎，但我今次無鬧佢。因為我覺得佢遲到，唔多唔少都同我有關，加上佢又整親，所以我淨係問咗句有無事。
之後成班同學呆哂。
「呀sir偏心Iris!，平時我哋嗰個遲到都比你鬧！」有同學係位大叫。
「平時你地遲到啲理由好荒謬，夠膽死同我講要食法國大餐，同學整親我體諒，今次就比次機會啦！」我答。
我認我某程度上係偏心Iris。
空堂落番教員室既時候
我收到2個Iris既信息。
————