日本食人魔《十六歲透明感少女黑夜狩獵事件》: 第三十七節
37.
口裡說不，但其實張恩東心裡確實在意Amber剛才跟他所說的話。回到保安室以後就一直來回踱步，思前想後在猜想Amber究竟有甚麼事情在隱瞞自己？然後就想到自己心裡也藏著一個天大的秘密，如果跟她提起自己殺了人，不知道她會有甚麼反應？想著就覺得煩惱，思緒苦無出路，急著找個人傾訴。於是小聲試探著問︰「寶…你瞓咗未……？」
只見肥寶在床上半轉個身，臉色帶點不悅的說︰「你成晚咁樣行嚟行去，想瞓都唔得啦……」
「…嗯！？Sorry……喂…我有啲嘢想問你……」張恩東知道自己吵著肥寶，於是帶點不好意思的說。
肥寶聽見，然後就撐著坐起身，揉揉眼睛，打個長長呵欠，接著說︰「睇你個樣就知你煩啦……點呀？愛情哩啲嘢我唔得嗰喎……不過你照問啦……」
「我同Amber一齊咗……」
「喂，盲嘅都睇得出啦，兩個癡男怨女咁……直接跳去重點啦，好嘛？」
「……………………」張恩東被他一下搶白，一時間不知如何接下去。然後想了片刻才道︰「你覺得兩個人喺埋一齊，如果有秘密，應唔應該攤晒出嚟講……？」
「嘩！我點知呀？我又未拍過拖……不過畀著係我，我就會同佢講囉，我諗我唔會呃佢……」
張恩東聽完，想了一下。其實他心裡面早有答案，只是自己不知道。找個人問也只是給自己的想法加一點支持理據而已。但轉念又想，自己藏著的秘密並非單純的一般狀況，始終關係著幾個人的生死，於是不由得皺起眉頭，再次落入沉思。
「喂…其實我都有啲嘢想問你？」這時候，突然聽見肥寶轉了一種語氣問，態度忽然變得認真起來。
張恩東見他難得認真，於是提起精神，向他打個眼色讓他說下去。
只見肥寶沉吟片刻，然後才道︰「我阿叔之前同我講，話叫我跟佢去越南做嘢……」
「越南！？」
「嗯…佢係個邊開咗間廠……上次同成班親戚食飯，佢又再問我……其實佢都問咗好多次，不過我一直都諗嚟諗去……」
「咁你去越南做咩呀？」
「嗯…我諗都係執頭執尾咁掛……佢係嗰邊係做鞋嘅，佢叫我過去跟佢學下嘢……」
「……咁你點諗？」
只見肥寶長長的嘆了一口氣，坐在床邊一面搓著自己的手臀。想了良久才開口說︰「我留係到都唔會有啲咩作為架啦，日日坐係度晒時間……我地都唔細啦……有時候諗，咁樣坐落去要坐到幾時？唔通一直困係個保安室到等變呀伯咩？……出面又唔慌會有運行，哩個地方究竟幾時變到唔適合我地生存落去？……」肥寶說完，眼光就一直下垂，像在盯著自己十隻腳指頭看。但像他語氣當中，誰也聽得出滿是失意之情。
張恩東不知道甚麼回應是好，因為他腦裡面有同樣的想法。外面的世界很大，但卻總沒找到合適讓自己停下腳步的空間，總沒找到屬於自己的世界。
「唉……唔講喇……其實諗嚟都晒氣，索性煮到埋嚟先算啦……大不了，嬲嬲地咪真係走過越南囉……橫掂哩度都冇得救……」
肥寶說句︰「我瞓喇！」就重新捲上床，大被蓋過頭。張恩東看著他的背影，突然有一種說不出的失落。
想著，心情就變得愈來愈沉重，像腳底踩著香口膠一樣令人煩厭。然後就突然湧起想要見Amber的衝動。看一下錶，發現兩個人只是分別了不久，但就已經無法壓止的在想著她。握住電話的手在猶豫，在想應否給她打通電話，就只想要聽聽她說話的聲音。
電話一接通，對面就傳來Amber裝著生氣的聲線說︰「你做咩仲唔瞓覺？」
「你返到屋企嗱？」張恩東隨便說著。
「嗯，啱啱返到，諗住一陣沖個涼……」Amber笑笑的說。
澎！！！！！！！！！！！！！！！！！！！！！！！！！！！！
突然，走廊外面傳來一聲巨響！
肥寶嚇得整個人從床上彈起身，大叫︰「咩聲呀！！」然後跟張恩東對望一眼。
轟隆！轟隆！轟隆！轟隆！轟隆！轟隆！
「冇鎖閘咩！？？？？」肥寶大叫問。外頭那轟隆轟隆正是鐵閘被拉起的聲音。
張恩東一臉茫然，心想，難道剛才送她離開以後，忘了把閘鎖好？
這時話筒裡頭傳來Amber的聲音在問︰「發生咩事？」
張恩東也沒空去理會她了，下意識轉頭望向閉路電視。
卻發現幾個螢幕漆黑一片，他一時忘了肥寶習慣每晚關上螢幕才睡。
話聲未落，肥寶就已經撲起身，把電筒、對講機通通塞在腰間。
同時大叫︰「你係到睇住！我出去睇下！」
張恩東點頭應了一句，隨手把電話丟開，就立刻撲過去把閉路電視全部開著。
藍色的螢幕畫面在閃動，卻只見幾個男人正從商場正門鑽入……
張恩東盯著那畫面看，心裡就覺得不妥。在閉路電視中見到，領頭的是一個長著鬍鬚的大漢，身後跟著三個皮膚黝黑的男子。然後再看清楚，是三個南亞人。張恩東登時整個頭皮麻了。
是早前那幾個南亞人！上次在對面馬路鬼鬼祟祟跟金魚說話，在打探自己的人！
這班人一定是跟林光正有關係！大概就是衝著我而來！
張恩東心感不妙，立時回頭望向門外，發現肥寶早已沒入走廊深處。
「寶！！！！！！」張恩東顫著聲線想要把他叫住。直覺在告訴他，面前正有危險在撲近。
聽不見肥寶的回應，回頭只見二號閉路中，肥寶正在急著腳步向那幾個人走去。
張恩東急喘著氣，腦中飛快在想著計策。只可惜他不是那種臨危不亂的貨色，愈急，腦子就愈變得一片空白。於是急忙抓起對講機，對著裡頭大叫︰「寶！唔好去呀！返嚟！」
回看閉路，只見眾人已經接近到廿呎左右的距離，同時對講機裡傳來肥寶的聲音︰「你stand by，我睇睇佢地攪乜嘢……」
張恩東感到不妥，見阻止不了肥寶，正要抓起電筒想要從後趕出去。對講機裡突然傳來肥寶焦急的聲線喊著︰「喂！唔對路呀！Mayday！Mayday……」
「啊！~~~~~~~~~~~~~~~~~~~~~~~~~~~~~~~~~~~~~」
肥寶的話還未說完，慘叫聲已經似要炸開對講機的喇叭傳來。
張恩東嚇得心臟像要停止跳動，雙眼瞪得要從眼窩裡跳出來。
此刻在閉路電視中看到，肥寶正跪在地上。面前是那幾個外來的人。
其中一個南亞人手中正握著一根金屬，一下下向著肥寶頭頂敲落。
對講機的聲音已經熄滅，閉路的畫面像無聲默劇一樣，記錄著肥寶軟癱重重倒下去。