日本食人魔《十六歲透明感少女黑夜狩獵事件》: 第六節D

呆呆的站著起身，心情無法平伏，這裡究竟發生過甚麼事？

空氣裡面彷彿帶著一種令人不安的訊息，直覺告訴他，眼前這一個男人，暗地裡可能在幹著可怕的勾當。



這時候Barcode頭已經講完電話，抬頭對著張恩東說︰「我已經報咗警，你要走，而家就好走。」

張恩東卻似乎沒聽見他的說話，彷彿自言自語的問道︰「…你……做過啲咩嚟……」







Barcode頭一時不明白他在說甚麼，到發現他手中握著那綑頭髮，臉上神色一沉。

想了片刻，然後忽然怪聲怪氣的笑起來，那聲音當中充滿怪異和不自然。



「你哩個人真係憨鳩到無藥可救，你係咪睇得弱智電視劇太多？點呀？以為自己係大英雄呀！救世主呀！你哩種人唔好畀我睇死你，一定係日日哩埋係屋企打飛機，然後攬住個老母大叫︰「媽咪我要食奶奶！」個種咁嘅濕鳩裙腳仔，出到外面就扮撚晒正義呀？跟蹤我？偷襲我？係港鐵告發我？你毛都未出齊呀！柒頭！」






張恩東沒有答話，只是一味盯著他看，手激動暗暗得發抖。


「點呀？無聲出呀？講撚中晒你呀？柒頭皮！你唔係憨鳩到以為我殺撚咗人咁撚憨鳩呀？睇AV睇撚到壞腦呀？哩個世界有錢就做乜撚嘢都得，乜撚嘢都買得到，我有錢要你食屎，要你做我隻狗都仲得！我有錢我鍾意買乜關你撚事呀？我同你講，我做嘅嘢通通都合法，你吹得我脹呀？」Barcode頭說著從梳化腳邊抓起一個空啤酒瓶，沉沉的拿在手中。


張恩東完全沒有把他的說話聽進耳中，頭腦像灌了鉛一樣無法思考。只是反覆的浮現眼前所見到的事︰

晾在廁所的女裝底褲，塞在排水口的絲襪，尺寸不一的高跟鞋，還有藏在裡頭的一綑女人頭髮。





這一切事物只是在腦中獨立的懸掛著，卻無法聯想整合在一起。

眼前的人是個變態已經是鐵一般的事實，但心中有一種不祥預感，這事件並不單純只是一般的變態。



「相反……」Barcode頭見他沒有答話，於是接著說。



「你對我所做嘅嘢就通通都唔合法……跟蹤我？偷襲我？……我警告你！你而家好即刻走！你而家擅闖民居，就算我而家即刻打死你，我都係合法自衛呀！」Barcode頭握緊手中玻璃瓶，一面說一面慢慢站起身。







張恩東望著眼前的這個人，心想這人簡直是個渣滓。