我和表妹的禁忌之戀: 結局篇-補章：這就是補章

《Michelle 》

賣樓後，Michelle 有足夠既錢去支付嫲嫲既手術費，而且手術好成功。賣咗樓後，Michelle 租返個小單位，400幾呎足夠晒佢同嫲嫲一齊住，另外都請咗個工人去照顧嫲嫲。因為筆錢仲剩好多，而且自己搵咗份sales工，所以暫時都唔洗擔心嫲嫲之後既醫療費同生活費。

而Michelle 為錢接近阿明，覺得自己根本配唔上佢。唯一既做法，就默默係阿明既世界消失，唔去破壞佢同佢表妹之間既感情。選擇退出，同時都係希望自己最好既印象可以永遠保留係阿明心內。

Michelle 悄悄咁辦理退學、搬走現時住既地方，從此消失係阿明既圈子。對於Michelle 既突然消失，阿明嘗試去搵佢。但一個人決意離開消失，點會咁輕易比阿明搵到。對於Michelle 呢份感情，阿明只可以永遠咁放係心內。而於段片...

係表妹入院後三個月，Michelle 都驗出有咗BB。Michelle 心裡清楚，呢個BB係阿明既，同時都係阿明唯一留比佢既野，所以決定生落黎，獨自撫養。



《我和表妹》

四老決定咗結婚擺酒時間後，接落黎要面對既就係眾多親戚既眼光同意外。話雖表兄妹係香港法律上係合法，係依然係好多人心裡都覺得呢一樣係不倫禁忌戀，特別係鄉下果堆親戚。

我同表妹其實就無咩所謂，因為至少可以係埋一齊，而且又得到四老許可，所以已經心滿意足。但兩大阿媽就唔同諗法，佢地覺得點都要說服d親戚，唔係到時擺酒無人到就唔好睇。

而到擺酒果日，好多親戚都有出現，帶住滿滿既祝福到來。我唔知佢地內心既真實想法，但我起碼見到既係，一堆親戚帶著笑容肯出席，已經非常足夠。

表妹因為大咗肚，四老為免佢係學校比人閒言閒語，所以幫佢退學，等表妹安心係屋企養胎。而我當然繼續努力向上，去到第3個sem既cpga3.7，所以一早有u收咗我。所以到結婚果時，可以話係雙喜臨門。



Kelvin 同四眼妹對於Michelle 突然既消失都表示好錯愕。但大家好快就適應咗，搵多咗個新groupmate。

而之後Kelvin 同四眼妹知道我同表妹要結婚，Kelvin 既反應：「唔L係掛...而家仲有人搞d咁既野。阿明！你唔單止係成績上遠遠拋離我，而家下更加係思想上超越晒我，在下不得佩服佩服，欽敬欽敬」。

四眼妹：「恭喜晒呀」

毒L Kelvin 一如往常咁戇鳩，四眼妹就一樣咁冷靜。

大肚4個月，去醫院照超聲波時已經知道係男仔。男孫，對於老一輩黎講完全就係金叵羅。而係四老激烈爭辯下，最後決定我個仔叫「梁嘉謙」。我同表妹覺得改咩名都好，佢都係我同表妹既心血結晶。



《到結婚果日》

表妹：「好緊張呀...我著得好唔好睇呀...」

我：「好睇...全場最好睇就係你...」

表妹：「生完阿B後，我好似肥咗少少..」

我：「邊有肥，亂講，係我心目中，你係最靚既！」

婚禮主持：「我地而家有請新郎新娘進場！」全場燈光調低，然後射燈照住我同表妹進場。

我同表妹慢慢步行到台上

婚禮主持：「有請新郎先發感謝言」



台上望住咁多人你都唔好話唔驚：「大..大家好，首先好多謝各位親朋戚友出席我梁家明同我表妹林婉婷既婚禮。其次，要多謝既係我老婆林婉婷，佢一直咁愛我，從來都不厭棄我。」

之後我望住表妹講：「老婆，我會好好咁愛你」。

我再望返台下：「再者，要多謝既係我阿爸阿媽同岳父岳母....」。講講下，望到台下角落，一個熟悉既身影，手抱住個BB...