我和表妹的禁忌之戀: 結局篇-第八章：瘋狗俊

被細姨狂摑咗十幾巴，塊面就係好鬼痛，仲要紅晒。雖然老母叫我返屋企，但我呢一刻邊會想返去呀，又唔知表妹而家咩情況，我好想留係病房到陪表妹...因為好擔心表妹，我成日都留係醫院附近，有咩突發事都可以趕到。

經醫生診斷後，表妹無咩大礙，所以老母都即刻打比我報個消息。

老母：「阿明，唔洗擔心呀，婷婷無咩大礙，醫生話休息下就無事」

我喊晒口咁講：「媽...對唔住...因為我搞到件事咁...」

老母：「人誰無過呀？最緊要係阿明你敢於面對！你同婷婷既事，我會等細姨情緒平穩落黎後，就同佢傾下。」



我：「媽...多謝...」。而家我先明白，無論你發生咗咩事都好，你身邊最撐你既一定係你阿爸同你阿媽...

而一到探病時間我就會係病房出面偷望入面既情況。今朝咁大壇野，d護士都知咩事，所以完全無理我，由我係門口到企。而到夜晚探病時段過咗，我就係醫院急症室都坐，得閒出去吹下風。

到大約11點到，我收到個電話，係文珊打黎，我一接聽，文珊就好心急咁講：「阿明你係邊？阿俊突然唔見咗，我打極佢手機無人聽，我唔知會唔會出事。之後我打去佢屋企電話，個工人仲話阿俊語無倫次咁既款離開咗屋企。」

阿俊？ 仆街啦，個癲狗又想做咩。呢一刻既我都變得心急起黎：「我係醫院呀，我即刻去睇睇」

文珊：「我都係醫院呀，大家搵辦法先到婉婷病房門口等」



一收線，我即刻衝出去急症室。沿途我唔敢太明目張膽，左穿右插，東藏西躲情況下咁往病房進發。

呢個時候，我電話響起，仆街拿拿林攞黎聽先。一望個mon係表妹，我個心都定d，但同樣好心急咁問：「你係邊呀？」

表妹：「我就係病房門口條走廊張櫈坐住呀」

我：「你先返入病房前，等我過黎」

表妹：「過咗探病時間...你點過黎」



我：「總之我有方法啦」

突然，電話另一頭傳黎「呀」既驚嚇聲...

我：「婷婷？婷婷？...」

屌，出事啦，我已經唔顧得太多，而家只係一心先往病房衝過去先。護士見到有個癲佬係醫院奔跑，緊係第一時間call食蕉，但呢個時候我已經唔理太多，如果表妹出咗咩事...我就真係內疚一世...

當我衝到病房走廊時，遠處見到地下成灘血，有一名女子倒係地上...而阿俊已經比兩個食蕉㩒係地上。見到咁既情況，我即衝上前去...

因為騷動，好多病人都醒咗，所以有一堆護士同病人都出黎睇發生咩事。