我和表妹的禁忌之戀: 結局篇-第二章：PTGF

同表妹傾咗陣計後，表妹見攰就訓多咗一陣。而我就靜靜咁坐係床邊睇住佢訓。我心入面不斷係咁問自己，你對得住一個對你咁好既女朋友咩？有咗表妹仲唔知足？而家仲要一腳踏兩船，梁家明！你係男人嗎？

唉...事到如今，真係唯有見步行步。

過咗一個鐘左右，細姨都買咗餸返黎。我聽到門聲我就出返廳。

細姨：「婷婷係咪仲訓緊？」

我：「係呀，岩先醒咗陣，之後又訓返啦。」



細姨：「咁你自己搞掂啦，阿姨要入廚房準備夜晚果餐。」

我：「得啦，阿姨你唔洗理我」

講完之後，阿姨就拎晒d菜入廚房。

而我再入返房陪下表妹。

我：「起咗身啦？」



表妹：「今日訓太多啦，而且有你黎陪我，已經精神返好啦～」

我行過坐低係表妹床邊，摸咗一摸接妹個頭，然後問：「婉婷，如果有一日，我做咗一件好對唔住你既事，你會唔會原諒我？」

表妹：「哼！睇下咩事啦，小事你賠個小禮物就得，至於大事呢... 我緊係唔會原諒你！仲會嬲死你！所以你呀，要好好咁對我～」

其實我都估到表妹咁答，呢一刻既我都知道，如果我同Michelle 既事比表妹知道，一定會去到一個不可收拾既地步。

-食完飯後-



我：「我都差唔多要返屋企啦」

細姨：「早d返去啦，都唔好太晏返屋企，唔係你阿媽又哦我」

我：「哈哈，我阿媽唔會既」

細姨：「你媽份人呀，你細姨我最清楚。係啦，今個星期六我地兩家人一齊飲茶呀，返去提下你阿媽」

我：「知啦，我入去同婷婷講聲88先」

因為表妹唔舒服，所以無出廳食飯，係食飯前，細姨餵咗佢食粥，之後又再訓咗。

我：「傻妹，我走啦」

表妹擘大眼望住我，然後用小朋友既語氣講：「咁快走啦，人地仲想你陪多陣」



我：「聽細姨講，你聽日都會請假。乖啦，我聽日再黎好無？」

表妹：「咁好啦，但要錫錫」

我：「無你符」，我咀咗表妹額頭一下。

我：「咁我走啦」

表妹：「好啦..88」 

-陳芷澄 Michelle -

6歲時，父母因車禍去世。父母過世後，唯一留底既只有一間屋，以後由嫲嫲獨力撫養Michelle 長大。所以對於Michelle 黎講，嫲嫲係呢個世界上唯一最親既人。



因為父母早逝，所以令到Michelle 早熟。由細到大，Michelle 就已經係一個好懂事既女仔。為咗減輕嫲嫲既壓力，自細就包辦晒屋企所有家務、煮飯、連學習成績完全都唔洗嫲嫲擔心。

直到三年前，嫲嫲身體同心臟出現問題，毛病愈黎愈多，醫療同生活開支都逐漸變得重。嫲嫲一直都係屋企既收入支柱，嫲嫲既倒下令到Michelle 面對前所未有既壓力。

當年正讀中五既Michelle ，係朋友介紹下，開始踏上援交之路。援交可恥嗎？對於Michelle 黎講簡直係人生既污點，但為咗賺取生活費同嫲嫲既醫療開支，不得不向現實低頭。而Michelle 都認為呢一個係最快搵到錢方法，所以就做咗ptgf。