我和表妹的禁忌之戀: 第五部-第十五章：中秋BBQ（四）

因為我已經完全唔記得咗蛋糕呢回事，所以今朝出門前，拜託返老母記得買。

我輕輕聲咁同老母講：「媽，蛋糕買咗係邊呀？」

老母：「你話指意你去買係咪死得呀！睇阿媽啦」。之後老母係其中一個大保溫箱拎咗個蛋糕仔出黎。

老母拎出黎後，向我眨一眨眼，我雙手大聲拍一拍：「咳，今晚既特別節目，請大家望一望我老媽子果邊」。

全部人望住我老母雙手拎住個蛋糕仔，然後我開始唱：「Happy birthday to you....」，其他人當然都知咩事，所以都跟住一齊唱。



傻妹果然係傻妹，表妹應該都唔知自己生日，佢都跟住一齊唱。直到老母張個蛋糕拎到佢面前：「Happy birthday to 婷婷～」。

表妹差d喊咗出後，然後用小小哭腔講：「多謝...多謝二姨～」

我老母：「傻女黎既，二姨最錫果個就係你」

細姨不甘示弱：「阿媽同阿爸都準備咗份禮物比你呀」。收到禮物既表妹真係開心到跳起，攬到佢阿媽實一實，仲要狂咀。

表妹開心完對住我攤開隻手：「你果份呢～」



我去我背包到摷一摷，咦...點解份禮物唔見咗既？我明明今早有放入個背包wo...

我：「我好似留咗係屋企...」

表妹：「你係唔係唔記得買...」

我：「無呀...我有買架...」

老母打圓場：「你表哥有買，放咗係我到呀」。老母拎出咗個金牌仔，好明顯就係阿媽佢自己準備比表妹既禮物。



老母拎比我，打咗個眼色：「生日快樂」

其他人都跟住講：「生日快樂」

表妹：「算你啦」

細姨：「你睇下我呢個衰女包呀！年年都要表哥送禮物既」

老母：「呵呵呵，有咩所謂呀！婷婷，快d吹蠟燭啦」

表妹合埋雙眼，然後許咗個願，開口一吹吹熄晒d蠟燭。

我老母：「二姨祝你第時搵到個好男人，呵呵呵」

細姨：「家姐呀，婷婷仲細個呀，有排啦」



姨丈：「我都唔捨得個女咁快交比其他人架」

係咁開心既氣氛下，四老都笑到見牙唔見眼。但呢一刻既我，真係笑唔出黎，咁奇怪既...頸鍊盒野無理由唔見架？

老母：「個蛋糕買唔大，都知大家會燒野食食到好飽，所以每人係咁咦分小小，意思意思啦」

表妹走過黎輕輕聲同我講：「份禮物一睇就知唔係你買，你係咪根本唔記得咗我生日？」

我：「無呀...我真係有買禮物架...」

表妹：「咁份禮物呢？」

我：「我...」。搵唔到份禮物，真係無野好講。



表妹「哼」咗一聲之後就走去食蛋糕。

Michelle 行過來：「你係咪留咗係屋企呀？」

我：「我都唔知呀...頭都痛埋」

-閒計時間-

食完蛋糕後，大家個肚都有d飽，所以老母同細姨拎咗d水果出黎，比大家邊食邊賞月。

細姨：「不過呀，睇落去，芷澄同阿明真係好襯」

老母：「你都話呢，直情天生一對咁，呵呵呵」

老母：「芷澄，你都我地家明有無意思姐？」



Michelle ：「Auntie ...」

我：「阿媽呀，點會咁直接問人架！」

老豆幫我口同老母講：「你又係既，你搞到人地芷澄幾尷尬呀」

老母：「你睇芷澄都無否認。好啦好啦，我都係隨口問問，隨口問問，芷澄唔好放係心，呵呵呵」

我望一望表妹，表妹面上已經黑上加黑...睇黎有排氹啦...

去到10點半左右，我地就可以清理現場，到11點就準備走。一路返去，表妹都無咩講野。到荔景站時：

老母細姨雙劍合壁下，叫咗我先送Michelle 返屋企。



我送Michelle 返屋企路上

Michelle ：「唔好擔心啦，你表妹仲細，發下脾氣好正常，如果真搵唔返，我陪你再去買過一份氹佢～」

我：「Michelle ...你真係好好..又細心又體貼..
.」。

我講完之後，Michelle 挨埋我到，橋實我手然後講：「只要阿明你開心，我咩都無所謂架...」。呢一刻係我眼中，Michelle 真係一個好溫柔好成熟好體貼既女仔...真係令人著迷...所以Michelle 橋埋黎，我都無抗拒了...