我和表妹的禁忌之戀: 第五部-第三章：葵廣

我一路行返屋企，一路諗都諗唔通究竟係邊個send d相比表妹。我一開門入屋企，老母已經好似等咗好耐咁款：

老母：「點呀？今日同芷澄發展成點呀？」

老豆：「咁早返黎仲有點呀？」

老母：「衰佬，收聲，比阿明講」

我：「都係咁呀，行個街，食個飯」



老豆一話雙關咁問：「衰仔，你咁搞法唔係好掂喎」

老母：「係囉，咁早返黎，點都食埋個糖水先返黎」

我：「我攰啦，想入房先，等陣沖個涼就訓」。講完我就行入房。

老母：「哎呀！死仔包！想傾多幾句都唔得既」

老母：「老豆呀，如果阿明可以同芷澄拍拖，你話幾好呢」



老豆：「好，做埋你新抱仲好添」

老母：「老豆你都話好呢，芷澄份人又靚、又識人情世故、又識煮飯，你話係幾難得既女仔呀」

老豆：「係係係，你講既都岩」

「確確、確確」，我房門敲響咗幾下

我一開門，老豆行入我間房，然後坐係我張電競椅上：「衰仔呀，你竟然夠膽死同第二條女出街？」



我：「唔...唔係呀..呢個有原因架...」

老豆：「有原因！？你老豆我呢一刻真係想桶爆你屎眼！」

我：「老豆唔好呀...我真係有原因先同Michelle 出去，我唔會亂黎架！」

老豆：「總之，你同我醒定d呀！仲有你千萬要記住你應承咗我d咩」

我：「我一直都有記住！」

老豆：「咁無野啦，你出返去啦」

我正想開門出去，諗諗下好似有d唔對路：「老豆，呢到係我間房黎」

老豆：「係咩？你早d出聲呀嘛」。講完就行出我間房。我再次關埋門，然後打比表妹



我：「傻妹，個心定返d未呀」

表妹：「好咗好多啦」

我：「不如聽日我地唔好出去啦，等你可以係屋企好好休息下」

表妹：「唔得呀...我唔緊要架...何況我而家無咩野啦～」

我：「真係？」

表妹：「係呀～」

我：「咁好啦，聽日中午12點我去你屋企接你好無」



表妹：「好～但你要10點半打比我叫我起身...」

我：「知啦，懶訓豬！」

表妹：「咩懶訓豬wo...」

我：「哈哈，就咁先啦，你快d去沖個涼，然後今晚早d休息好唔好？」

表妹：「好...我都有小小攰啦」

同表妹傾完電後後，我都去沖咗個涼。一路沖涼，我就係到諗，會唔會係個戇鳩老豆跟我，影晒d相再send比Michelle ？應該唔會排...

沖完涼，我攤係床上。

但老豆應該唔會，以老豆性格，如果見到我同Michelle 有不軌既行為，老豆會直接沖過黎炳鳩我，然後應該會咁講：「衰仔，仲唔比我捉到你偷食？等我打到你仆街！」



而家知道我同表妹拍拖既有：
1.老豆、
2.Michelle 、
3.阿俊、
4. 仲有個陳文珊...

排除法，老豆out、Michelle 應該都無可能，得返阿俊同文珊。而呢兩個最有嫌疑既應該係阿俊，唔通真係係阿俊？佢又再出黎報復？而文珊又有無可能呢？

真係諗到我頭都大埋...哎呀...仆街啦，今日唔記得去訂蛋糕添...算啦，今日既驚魂經歷，都搞到我有d攰，訓教算啦。

-星期日-

我校咗鬧鐘，準備十點就彈咗出身，跟手拎起電話打比表妹



我：「起身未呀～？」

表妹：「比我訓多半個鐘得唔得...」

我：「你夠唔夠時間化妝果d？」

表妹：「你十點半再叫我起身..」

我：「咁好啦，淨可以訓多半個鐘架炸！」

半個鐘後

我：「捨得起身未呀？」

表妹：「而家起啦...」

我：「我12點準時係你樓下等你呀」

表妹：「知啦，今次實會準時」

我聽住先啦...果然到12點15分左右先落黎...表妹一樣係咁青春洋溢，頭髮紮雙馬尾，上身鬆身黑衣T-shirt，下身配返之前條白色百摺裙，黑白相配，認真好睇...

表妹：「唔係我想遲到架，比阿媽捉住「哦」咗幾句」

我：「係既係既，行啦」

表妹：「我哋去邊先呀？」

我：「去葵廣醫一個肚先」

表妹是日衣著示意圖