我和表妹的禁忌之戀: 第四部-第十五章：明爭暗鬥

買完豉油上返樓，老豆無係廳，應該入咗房。

我：「媽，豉油買好啦」

阿媽：「得，黎緊」

然後著住圍裙既Michelle 行咗出黎，嘩...著住圍裙既Michelle 增添咗一份賢淑既感覺。

Michelle 行過黎對我笑一笑，然後講：「支豉油比我啦，我拎入去就得」



表妹拎走支豉油：「哼！我拎入去比阿姨」，然後一路快速行入去廚房，一路講：「二姨，豉油黎緊～」

Michelle ：「你表妹真係得意」

我：「Michelle ...其實我有d野同你講..」

Michelle ：「唔講住，我仲要入去幫Auntie 手煮隻。之後我地大把時間慢·慢·講」，轉個身就行入廚房。

呢個時候表妹都出返黎，當兩個人係走廊擦身而過時，兩人之間仿佛有電光火石，兩道強光互相角力咁，「磁～磁～磁」。



表妹「哼」咗一聲就行到我隔離，然後橋實我隻，好似向緊Michelle 示威咁。但Michelle 笑咗一下就入咗廚房，可能Michelle 真覺得表妹就係我表妹，而且都可能覺得表妹唔係佢既對手。

表妹：「你睇下佢，個樣幾得戚呀！」

等煮好晒飯同餸後後

老母：「邊個幫我拎d餸出去呀」

表妹好主動咁講：「二姨，d餸等我拎出去呀～」



老母：「呵呵，婷婷幾時變到咁乖女架。拎住小心熱呀！」

拎出去走廊果時，又撞到Michelle ，表妹無理到佢，迎面而過。點知，表妹突然比野kick一kick，就咁仆咗落地，而碟餸都灑晒落地走廊到。因為跌之前，我老豆都夾岩係房出黎，老豆夾岩都睇到晒。

表妹：「好痛呀...」

我聽到咁響既聲都即刻行過黎，過咗去走廊時就見老豆同Michelle幫手扶緊表妹起身

老母：「咩事咩事」，老母聽到聲之後都係廚房行出黎。

Michelle ：「做咩咁唔小心呀」

表妹：「有野kick咗我一下呀」

老母：「哎呀，唔好理呢d先啦，老豆快d扶婷婷坐低，二姨入房拎藥酒幫你捽一捽。」



我即刻行過去：「傻妹，有無事呀？」

表妹有小小喊聲：「痛...」

老豆：「衰仔，仲望！仲唔過黎幫手扶你表妹到梳發到！」

Michelle 將表妹一邊既膊頭讓返比我扶，跟住就幫手塊返d碟碎同餸。

老母係房拎完藥酒出黎見到Michelle 係到拾：「芷澄，唔好執啦，小心整到人，等陣等我拎掃把地拖清」

搞完一大輪後，終於食得飯

因為跌得唔好太嚴重，都係隻腳損咗小小，所以表妹好快又無事返。而食飯果時，老豆都係無咩講野。



Michelle 夾咗d餸比我：「阿明，食多d餸呀」

表妹見到咁樣，都不甘示弱，都夾咗隻雞脾比我：「表哥，你最鍾意食既雞脾呀」

老豆：「衰仔，艷福不淺喎，但都唔夠你老豆我以前咁勁，想當年你老豆我英俊瀟灑，迷倒萬千少女....」

老母夾咗d餸，一野塞落老豆把口到：「食你就食啦，咁多野講」

老母：「芷澄呀，你阿媽阿爸做盛行架？」

Michelle ：「我...我細個果時，阿爸阿媽因為車禍就過咗身，所以係阿嫲凑大我架」

嘩...原黎Michelle 父母雙失架...

老母：「呀...你睇Auntie 把口呀，真係衰」



Michelle ：「無咩野呀，都過咗咁多年，我都放低咗。」

老豆打圓場：「食飯食飯，唔好講啦」

老母再望一望Michelle 隻手：「芷澄你隻食指紅咗呀，係咪流緊血呀？」

Michelle ：「無咩大礙呀，小小傷姐...」

老母：「一定係岩先執d碟碎時整親啦，Auntie 去拎藥水膠布比你」

我望一望Michelle ，真係𠝹損咗wo。

老母拎完膠布出去一遞就遞比我：「阿明，幫芷澄痴膠布」



我：「喔」

Michelle唔好意思咁講 ：「我自己得啦，唔洗啦～」

老母：「唔洗咁客氣wo，比阿明幫你痴」

表妹有d嬲咁望住我，但老母之命，點夠違拒呀...

Michelle ：「唔該你呀，阿明」，然後再望一望表妹笑一下。