我和表妹的禁忌之戀: 第四部-第六章：復仇

返到屋企後，我就摷咗支藥酒幫表妹捽一捽去瘀。表妹坐咗係床到，而我擔張凳仔坐係側邊幫佢捽瘀位。

表妹：「痛...痛..痛呀...細力d」

我：「唔大力小小好難去瘀架，你都唔想你條白雪雪既長腳有瘀架？」

表妹：「咁人地怕痛，你細力小小」

我：「無你符，我都係去烚隻雞蛋幫你碌下啦」



烚完後，我用毛巾包住成粒雞蛋

表妹：「暖笠笠好舒服呀」

我：「聽講有好有效架，等陣碌完，你可以食咗佢」

表妹：「咁碌法，食得架？」

我：「我雞蛋殼無剝走，所以等陣剝走d殻就食得。」



表妹：「哈哈，有烚雞蛋食～」

表妹：「阿俊唔知點呢...今日佢返學成個人好似失晒魂咁，連小息同lunch都淨坐係自己位，郁都唔郁...佢係咪因為我地既事受太大刺激呀...？」

我：「唔知佢，不過佢係有d唔妥，今個禮拜我都送你返學放學啦，廢事有咩事。仲有，你呢幾日返學觀察下佢有無d咩異樣，有既話，第一時間同我講。我唔會任何人傷害你架！」

表妹：「嘻嘻，由細到大，只有你係我隔離，我就會覺得好有安全感」

我：「放心！一定會一直係你身邊既！」



等到阿姨返黎後，我就歸家去。但唔知點解，我行返屋企既路上，硬係覺得好似比人跟蹤咁。我時不時都向後望一望，但都發現無人。奇怪啦，明明係好似係人跟住我尾。

突然「砰」一聲，眼前一黑，我倒係地上，跟住我隱約好似聽到救護車聲，之後就失去晒知覺。

到我醒返，已經係第二日既早上十點幾，老母請咗假，係我病床隔離坐住望實我。

我：「呀...頭好痛呀...」

老母喊晒口咁講：「阿明...你醒啦...太好啦...醫生...醫生......」

醫生：「琴晚縫咗幾針後，而家無咩大礙架啦，但都要住院多一排觀察下個情況先決定可唔可以出院」

老母：「好...唔該晒醫生、辛苦晒醫生」

醫生：「份內事，好好休息下先」



老母對我講：「見點呀？有無邊到唔舒服呀？」

我：「無咩事呀，頭有小小痛姐」

老母：「洗唔洗阿媽再叫醫生黎？」

我：「唔洗啦阿媽」

我：「我點解會入咗醫院？」

老母：「有人見到你係街比人扑穿頭，然後就早咗落地。好彩香港地好人多，見到咁既事，好多人即刻幫手call白車，仲幫手捉到個衰人。你到醫院後，我同你老豆就收到醫院電話，之後就即刻仆過黎醫院。」

我：「知唔知扑我頭果個人係邊個黎？」



老母：「好似叫林文俊，你表妹個同學黎，d差佬問佢十問九唔應，最後佢阿媽黎咗，聽講佢阿媽仲係律師黎。」

林文俊...洗唔洗變到咁激進呀...

呢個時候有兩個差佬黎咗幫我錄口供，我將我所知都講晒比佢地聽。

差佬：「好，咁有咩最新消息我地再聯絡你」

差佬走咗之後，我講老母講：「我頭有d痛，我想抖下」，之後我就再訓著咗。

突然一把喊聲將我吵醒...我開眼望一望，原黎係表妹...

表妹：「嗚...你無事呀嗎...嗚...嚇死我啦，嗚..仲以為你以後都唔醒...嗚...」

我：「傻妹，唔好喊啦，我而家咪好地地囉」



表妹：「個阿俊真係好衰架...都唔知佢做咩變成咁...」

我：「唔好理佢咁多啦，佢而家比差佬拉咗，等法庭去話事啦」

我：「係呢，我阿媽呢？」

表妹：「阿姨去買咗生果比你食」

之後老豆細姨姨丈放工都過咗黎睇我。

細姨：「婷婷，你學校居然有d咁既衰人！」

姨丈：「算啦，最緊要係阿明無事」



老豆：「衰仔，比人輕輕扑一野就暈，你真係無鬼用！」

老母：「老豆呀！」

老豆：「係既係既，唔講啦我」

細姨：「聽警察講，果個衰人係為情尋仇，到底係咩事？」

咁個勢頭...我同表妹既野好易穿煲...等我修飾下先。

我：「果個男仔鍾意咗表妹，成日纏咗表妹，所以我幫表妹打發佢，可能佢因為咁報復我」

細姨：「婷婷，真係咁？」

表妹：「係呀...」

老豆幫口：「年輕人呀嘛，呢d野好難避免，想當年我....」

老母：「得啦，無人想聽你想當年」

探病時間過咗，表妹同四老都走晒，我終於可以一個人靜下。我拎起手機，嘩...Michelle send咗唔少whatsapp比我...