我和表妹的禁忌之戀: 第三部-第十一章：林文俊

林文俊

林文俊，阿俊，17歲，老豆做生意，老母都係律師，富家子弟。

由細到大，都生活係父母既巨大壓大之中，逼學樂器、多國語言、奧數、補習。因為係呢種壓力低下，阿俊成長可以話無童年咁濟，朋友都甚少。

因為咁既成長背景，所以由細到大，阿俊都係沉默寡言，排斥同人接觸，逐漸形成咗好封閉既性格，所以無咩朋友，係好孤獨。

直至上中學，阿俊遇到林婉婷。阿俊覺得林婉婷非常親善近人。中二既時候，係一次阿俊返學時，由於就快打鐘，所以阿俊急跑起黎，點知仆親。阿俊要爬起黎既時候，有隻手伸咗過黎，阿俊一望，係林婉婷呀！婉婷扶起佢，然後講：「快d啦，就打鐘，要遲到啦」。講完之後，婉婷逐漸消失係阿俊眼中。阿俊對婉婷一見鐘情，婉婷自此就成為咗阿俊既女神。



自從果次，阿俊基本上無同婉婷接觸過，一來兩個人本身就唔熟，二來阿俊既性格妨礙咗佢。

直至中四，情況都無改善，兩個人一樣如同陌生。阿俊唔想再咁落去，所以阿俊立下決心做咗個決定，為咗婉婷去改善懦弱既性格，決心追婉婷。

之後，阿俊逐漸擺放封閉既性格，接觸婉婷，嘗試搵佢傾計，逐漸地，兩人都開始熟絡。但阿俊不甘淨係做普通同學，因此逐漸展開攻勢，因為呢個既改變，阿俊性格同以前好唔同，變得更開放、更勇敢。

-！-

起身後，我先打咗個morning call比表妹，然後我就刷個牙洗個面，咩上背囊就去表妹屋企等佢。



07:20 表妹屋企樓下，我打咗個電話比表妹

我：「落黎未呀？」

表妹：「就得啦，著埋鞋就落黎，等多我一陣～」

我：「好啦，我唔急架，驚你遲到炸！」

我企住係到回想返今朝果個夢，好真實，好有feel，但我知道呢一個係一個夢！我絕對唔會比呢個夢成真，我心入面只有表妹，一定...肯定唔會對唔住表妹！



表妹急急腳跑過黎我到，然後攬住我講：「又見到老公啦，好開心呀～」

我：「傻妹，我地基本上日日見，你有無咁掛住我呀？」

表妹：「有呀，好掛好掛非常掛！我想每分每秒都可以痴實你，嘻嘻」

我：「傻妹，我地要行啦，唔係你會遲到」

表妹：「係既～」，講完就橋實我手。

比表妹橋實果下，我心諗：「都係咁樣最實在，梁家明，唔好再亂諗野啦！」

送完表妹返學後，我就返屋企訓多陣先再返學。

可能唔多夠訓關係，所以一訓訓遲咗小小，我起身拿拿林趕返屋學校。好彩係上lecture，所以遲小小都唔太大關係。我一入到Lecture，已經差唔多坐滿晒人，我scan一下Michelle 佢地係邊，見到啦，Michelle 都抬高咗小小手向我揮一揮。



原黎Michelle 幫我留咗個位坐佢隔離。我一坐低，Michelle 好細聲咁講：「做咩遲到呀？」

我：「琴晚做research 做太晚，今朝訓唔之醒...」

Michelle ：「哈哈，懶訓豬！」

我尷尬笑咗一笑，Michelle繼續講 ：「認真上堂啦！」

之後我就拎notes出黎，認真聽書。

上晒堂後，我都係一樣係同Michelle 一齊走。Michelle ：「阿明，今個星期六你得唔得閒呀？」

今個星期六約咗表妹去迪士尼，應該會玩足成日。



我：「星期六我約咗人呀」

Michelle ：「喔，約咗邊個呀？」

我：「陪表妹去迪士尼呀」

Michelle ：「表妹？讀緊幾年級呀，我可以一齊陪你凑表妹架喎，嘻嘻」, Michelle 應該以為我表妹係細路女。

我：「我表妹中五架啦...」

Michelle ：「中五啦，咁你呢個表哥都幾難得喎」

我：「由細玩到大，所以特別熟」

Michelle ：「喔...原黎係咁，咁我地之後再約啦，你仲差我一餐飯架！」



我：「哈哈，無問題呀」