我和表妹的禁忌之戀: 第三部-第一章:秘密曝光?
一聽把聲,係我老豆把聲...我同表妹向聲音果個方向擰過去...果然係老豆。一見到係老豆,我地兩個即刻分開。
我:「老...老豆...咁岩呀...?」
老豆:「岩岩同你姨丈係樓上捉完棋,落黎到黎先有d急,所以咪想先去個廁所再行返屋企,行過去公廁時就咁岩見到你地兩個啦」
我緊張口窒窒,勁慌亂咁講:「我...同..表妹..去食完..放題,所以...所以個肚有d濟...所以黎..公園...散下步..消化下..he...he」
老豆:「阿明你做咩講野講到口窒窒呀?」,睇落去既語氣有d似質問既感覺,嚇L到我呢...
表妹即刻幫口講:「表哥一定係岩先吃得飽過頭,個肚仲濟濟,頂住咗個胃先係咁...」
我:「嗯...係呀...個胃仲有d唔舒服...」
老豆:「咁我地搭的士返屋企啦,婷婷你自己一個上返樓可唔可以呀」
我同表妹打咗個眼色,示意叫佢快d上樓。表妹:「我...無問題呀...咁二姨丈我返上樓先啦」
我地兩個望住表妹走之後,老豆轉身望住我,然後大大力一巴車埋落我塊面到,然後講:「衰仔,講,係幾時既事」
呢個氣氛已經嚇L到我鳩都縮晒...我:「咩...咩幾時...」
老豆用好嚴肅既語氣講:「你同婷婷d野」
我:「我...我..」
老豆:「我我我..我d咩,快d講」
我:「我係同緊表妹拍緊拖...」
老豆:「幾時開始?」
我:「今個星期一... 去表妹屋企幫佢補習既時候...」
老豆:「去到咩階段」
我:「上咗...」
老豆:「上咗咩」
我:「上咗床」
老豆無講d咩,坐咗係張石櫈到,拎咗支煙點著,吸咗一啖後:「死衰仔,你咁樣我地點同你細姨一家交代呀」
我:「我...同表妹都係互相鍾意大家架...」
老豆好直接咁問:「有無用套」
我:「無...」
老豆:「你係咪真係想激死你老豆搵山拜,萬一出d咩意外你話點算,婷婷同你都仲讀緊書」
我:「我...」
老豆:「點都好,我地屋企以後一定要對婷婷負責」。
我:「我會架...」
老豆:「但呢件事暫時千奇唔好比你媽同你姨媽姨丈知住先」
老豆咁講法...姐係幫我同表妹守秘密?
我:「我知啦...」
老豆係銀包拎左d錢比我,無啦啦比錢我,我更係問:「老豆...做咩比錢我」
老豆好激氣咁講:「拎去買套呀衰仔,仲問!行啦,返屋企啦!」
行返去屋企既呢段路期間,我地兩父子一句講野都無講過。到屋企樓下,老豆終於開聲:「聽日你約埋婷婷出黎,我有野同你地兩個講」
呢個時候既我,猶如比人揸住春袋咁,點敢say no,所以我「喔」咗一聲就算。
老母坐咗係廳到睇電視,一見到我地兩父子一齊返:「兩仔爺做咩一齊返既?」
老豆:「無,係樓下夾岩撞到咪一齊上黎」
我:「阿媽,係呀,就係咁」
老母:「今日同婷婷出去玩得開唔開心呀?」
我望咗一下老豆,老豆無咩反應,所以我跟住講:「幾好呀...睇咗場戲同去咗食放題」
我:「唔講住啦,我入房先」
老母:「哎呀,死衰仔,傾多兩句都唔得既」
我一入到房,即刻鎖門,然後成身發晒軟晒攤係床到,頭先...頭先嚇L死我啦。我拎起部手機打開見到表妹一早就whatsapp我:「老公...無咩野呀嘛
![](https://lihkg.com/assets/emojis/1f623.png)
我即刻覆表妹:「我地兩個既事...比我老豆知到咗...」
表妹:「姨丈知道咗
![](https://lihkg.com/assets/emojis/1f631.png)
![](https://lihkg.com/assets/emojis/1f625.png)
我:「暫時無事,老豆話會幫我地保守住秘密先,但佢聽日想見我地」
第二日(星期日)
中午12點,我地約咗係我屋企附近既西餐廳見,我同老豆先到咗拎埋位,而我就企係餐廳門口等埋表妹到先入去。
表妹終於到,我即刻同表妹講:「我地快d入去啦,老豆係入面坐緊啦」
我地三個都坐低晒,點晒野食,三個人沉默咗成分幾兩分鐘,最後老豆打破沉寂既氣氛:「阿明,你係咪真心鍾意你表妹?」
我好堅定咁答:「係!」
老豆望住表妹:「咁婷婷你...你係咪都真心鍾意你表哥?」
表妹答得好快:「係呀...姨丈你唔好嬲呀表哥呀...」
老豆:「去到呢個地步,姨丈我都嬲唔落啦。你表哥對你好唔好?」
表妹:「好好呀...錫晒我...」
老豆:「嗯,咁就好,如果你表哥有咩對你唔住或者蝦你,你記得同姨丈我講,我幫你出氣」
表妹:「表哥唔會對我唔好架...姨丈你放心」
老豆對住我講:「死衰仔,你睇下你表妹幾幫你呀」
跟住,老豆語氣變返嚴厲繼續對住我講:「「我暫時可以幫你地兩個保守秘密,但呢件事一定遲早會比你媽同細姨佢地知道。所以你地兩個要答應我兩件事。
我同表妹異口同聲咁問:「咩事」
老豆:「第一,我份人好開明,但你地拍拖還拍拖,安全措施要做足,知無?」
聽見老豆講,我同表妹面都紅晒...之後我應:「知道...」
老豆:「第二件事,讀好d書,特別係阿明你,無論如何,點都要升返大學」。
我聽完之後,壓力即刻變到好大,但係為咗表妹,點都要頂硬上,而呢一刻唔知點解,我有前所未有既決心,我:「老豆,我一定..保證會升返上大學!」