《內人．尋味》: 老狗的黃昏
《內人耐人．尋味》
老狗的黃昏，魯芬定朱薰？。
曾經有人問我，咩係耐人尋味？
我話係唔知點解D女人會成日check自己老公有冇偷食既意思。
佢擺出一副不屑既樣。我諗佢緊係以為我搞緊唔知咩爛GAG。
佢都short short地既，我從來都唔點搞GAG，蝦蝦蝦……
講番正題。
耐人尋味有雙重意思。一個係內人尋味，指「內人」即妻子，係老公身上尋找佢以外既女人既氣味。另一個意思就係D女人成日咁check自己老公呢種行為真係好值得人細味箇中心理問題想法。
當我咁解完比佢聽之後，佢先恍然大悟，仲祝我同女朋友和諧和諧，唔好咁耐人尋味。
我心諗：Diu！我都冇女朋友……唔通我左手又識尋味啦喎？
然而我諗起以前成日放狗既黃昏……
我時時都o係大埔海濱公園放狗，唔好問我個隻係咩狗。因為我從來都唔會當佢係狗咁看待，而且我從來都冇聽過佢吠。頂多係聽過佢喵叫啫。
我有幾次星期六黃昏放狗都見到女神，自此我就逢星期六去放狗。而亞古獸(我隻狗)都好聽話，次次都肯出海濱吹水風。
每次女神見到我都有點頭，打聲招呼(本身識)。但係毒毒地既我都只係「HI auntie 又踩單車呀？」咁應一句。過左唔知幾多個禮拜，終於有一次，o係一個黃澄澄既黃昏下，佢走過黎同我講：
「可唔可以幫我揸機呀？幫我同Friend(男仔！)同個咸蛋影張相呀。」
對眼放晒電咁，唔通唔影咩……
唉……雖然唔係做D咩(某某：你仲想做D咩呀？@@)，但係都叫做開始有接觸啦。
為免大家太悶，我下刪所有脫毒然後將佢追到手既情節……
總之我同佢就成左情侶啦！
如是者，除左平時拍拖之外，我每個禮拜六既黃昏都會同佢一齊放亞古獸。一直都真係和諧和諧。
點知……
突然有一個黃昏，我終於明白到
塵世間最「耐人尋味」既，果然係愛情……
學友都唱：
在每個佳節 亦送上鮮花
還常來電話 留言傳達我牽掛
在每次分散 亦送你歸家
無聊時玩耍 忘形時候說婚嫁
如最美滿愛情 以這一生作保証
說到最煽情 而你卻說已清醒
這一宵 我再次借酒消愁
仍難望透 我有那裡錯漏
錯到要提分手
女神竟然同我講分手
o個一刻我真係望唔透，到底我身上邊陣味出賣左我？！