荒島日記（新手、後宮甜）（不定期更新）: 隱密.一

我專心觀察依片沙灘同郵輪之間嘅距離。
「如果我地沿住個沙灘行過去要穿過一片叢林，我諗穿過之後，應該好快就到郵輪前面嘅沙灘，行過去最多一個鐘。」


萬天天翹住雙手說到。
「不過我師傅話過個片叢林有野豬出沒，我地就咁穿過去唔知會唔會遇到野豬。」


「野豬⋯」
我回想起嚟到荒島個陣時遇到個隻野豬，尖長可怕嘅獠牙。




一嘢撞過嚟我真係會歸西⋯想起都毛管棟⋯


依家開山刀唔係我手上，弓箭又唔係我手上，身上一把武器都無，就咁行入叢林實在太危險⋯


欸！我地點樣過嚟就點樣過去！




「睇嚟最安全最快捷嘅方法，就係行水路，我地游返去郵輪。」
我興致勃勃走向大海。


萬天天再次反對我嘅提議。
「依家就嚟天黑，師傅話過，入夜之後，啲海水會變得異常洶湧，就咁游過去實在太危險。」


「咁⋯行過去又唔得，游過去又唔得，咁睇嚟除咗佢地撐船過嚟接我地之外，無其他選擇⋯」


我深深嘆了口氣，希望三女唔會因為我跌落海而喊到成晚訓唔著喇⋯


「吓⋯咁咪要留係到過夜！」
萬天天用手遮擋自己個胸口，然後用好鄙視嘅眼神望住我。


「你望咩望！你估我好想同你留係到過夜啊？」
見到佢鄙視嘅眼神令我十分火滾，咁樣望啱啱捨命救佢嘅我！


話時話，我都無認真咁去睇萬天天，烏黑色嘅頭髮紮著兩個丸子，同街霸裡面嘅春麗一樣嘅髮型。


身高一米六二三左右，身上穿著一整套灰色嘅運動衫褲，佢可能做開運動，臀部嘅曲線十分明顯，不過⋯




佢個胸部好似完全無發育過咁，胸部十分平坦，秋儀起碼都係發育過嘅小籠包，佢依啲⋯


係真真正正嘅飛機場。


「你望咩啊你！」


啪！我右邊面上多咗個熾熱嘅手掌印。


我摸著熾熱嘅臉頰，留意著此刻周圍環境情況。




個叢林遮擋住依一片沙灘，就算到咗聽日，佢地都係無辦法睇到我地嘅位置，無辦法嚟救到我地。


不過，只腰生到火出到濃煙，佢地就一定會睇到！


「喂，你去邊啊你？」
萬天天見我突然起身離開邊問到。


「我去執啲枯葉枯枝返嚟鑽木取火。」
說罷，我走向叢林邊搵啲枯葉枯枝。




順便係叢林邊緣搵啲適合嘅樹藤同樹葉，好似人猿泰山一樣，整咗個臨時肚兜遮擋小東東。


看著小東東已經俾我嘅製作嘅臨時肚兜遮擋住，我真係覺得自己實在太聰明。


整完個肚兜之後，我就去執枯葉枯枝，當我執到可以足夠嘅枯葉枯枝嘅時候，個天已經逐漸黃昏，日落西山。


而太陽就好似個鹹蛋黃咁落到海邊，成個大海都俾佢搞到金黃色一片。


個大海正如萬天天剛才所講，仲未天黑，啲海水就已經開始變得異常洶湧，海浪變得更加頻密。




原本潮退嘅位置離我地仲有十米，依家海浪直接拍打到距離我唔足三米嘅位置，所以我地退後多數米，以免夜晚訓訓下教就俾海水沖走。


「日光日白係郵輪到但一件衫褲都唔著，咪住！唔通八嬸之前話見到個露體狂就係你？」
說罷，萬天天再次用鄙視嘅眼神望過嚟。


「乜嘢露體狂啊！你都癡線！」
我怒視地望了佢一眼。


萬天天著急地走嚟走去。
「竟然要同依啲人係外面過夜⋯死喇⋯今晚究竟點算好⋯」


我拍住心口說到。
「依一層請放心，你依啲飛機場我係絕對唔會⋯⋯」


「飛機場啊嗱！」
我未講完，萬天天又一巴車過嚟。


就咁，我嘅左面都多咗個熾熱嘅手掌印。


突然萬天天執起一條枯枝，然後攞住條枯枝走到我身邊，佢圍住我畫了一圈。


做咩？孫悟空畫個圈保護唐三藏啊？


「你今晚訓教唔好訓出依個圈！如果唔係！你就死咁！」
講完，萬天天凶狠地折斷手上嘅枯枝。


佢都癲癲地，我有雪兒秋儀辣椒妹，仲點會掂你啊！


萬天天見到我突然行出個圈，立即退後數步，惡狠狠地説到。
「你想點啊你！」


我一臉無奈說到。
「鑽木取火啊，我用我人格擔保，我係絕對絕對唔會掂你。」


萬天天鄙視咁望住我一陣，然後佢望向大海，一臉嚴肅地說到。
「係依個世界，我只會相信兩個男人！一個就係我細佬！另一個就係我師傅！」


佢師傅？


我疑惑地望住佢。
「話時話，你一直提起你師傅，你師傅究竟係邊個？」


萬天天瞪大雙眼說到。
「馬師傅你竟然唔識，係郵輪上敢出名。」


「馬師傅？」
我努力回想郵輪嘅一切，尋找萬天天所將嘅馬師傅。


尋找記憶，終於想起曾經係某個樓層，遇到個身穿唐裝擋路嘅阿伯。
「在下渾元極意太極門的掌門人馬師傅，小兄弟，我看你骨骼驚奇，是百年一遇的練武⋯⋯⋯⋯



萬天天雙手合十說到。
「我師傅佢份人真係好好，我條命都係佢救返嚟，佢不求回報不求報答，仲好認真咁教我功夫，佢對我嘅恩情，我依一世都無辦法還俾佢⋯」


馬保國真係咁好人咩？仲不求回報？


但佢今日阻擋我嘅時候，雙眼一直望住我竹籃裡面嘅食物㗎⋯


我繼續鑽木取火，鑽咗成幾分鐘，終於鑽到枯木出煙，我立即加枯葉上去再小心地吹，無幾耐枯葉便點燃起火。


萬天天見到我起到火堆後便拍手掌。
「原來真係鑽到火，你都幾犀利喎。」


「洗乜講。」
我繼續放唔少枯葉枯枝，讓火燒的更加旺盛，防止佢俾海風一吹就熄。


萬天天個肚此刻發出咕嚕咕嚕嘅聲音，然後佢好尷尬咁迴避眼神。


係喎，今晚嘅食物我都仲未解決。


「幫我睇住啲火。」
說罷，我又再次走到叢林旁邊，係叢林旁邊執大石頭，然後來回數次去執大石。


「依個位置應該啱嘅啦。」
我邊蹲下身係最近海邊嘅沙灘上不斷快速挖沙。


萬天天見到我係到拼命挖沙便問。
「喂！你係到做咩啊？」


「挖坑啊！」
我邊講邊繼續拼命挖沙。


依家挖個稍大些少嘅坑，然後用石頭圍起身去阻擋沙嘅倒流，到咗夜晚，依嘅坑應該會不斷被海水倒灌，到時可能會有魚被沖上嚟困係到。


到時就會成為我地嘅晚餐！一諗起就更加肚餓，希望今晚就係有收穫喇。


我叉住腰，望住金黃色逐漸昏暗嘅大海，搞掂曬所有嘢，終於可以慢慢欣賞日落。


萬事俱備，只欠東風。


而萬天天此刻正在望住我嘅背影，成個屁股都被睇的一清二楚嘅我正在叉住腰望住大海⋯⋯



待續