荒島日記（新手、後宮甜）（不定期更新）: 郵輪.九
「辣椒妹？辣椒妹？」
我在二樓樓層呼喊著辣椒妹。
我走到飯堂門外看一看，唔見辣椒妹嘅身影，想起位於二樓嘅學堂，但諗起辣椒妹咁唔鐘意對住啲小朋友，應該唔會出現係學堂。
會唔會去咗廁所？
於是我走到二樓女廁門外。
「有咩可以幫到你？」
我轉過頭一看，見一位身穿素白色衣服嘅女人走過嚟，係尋日係郵輪外接待我地嘅霞女士。
「我⋯我⋯」
死喇⋯佢會唔會以為我係裝人去廁所嘅變態佬⋯
「係唔係搵你女朋友？」
霞女士見我半天說不出話便問到。
「係⋯」
「我入去幫你搵吓。」
霞女士放下手中嘅物品，然後走入女廁裡尋找，佢一個一個廁格打開後便搖搖頭走出嚟。
「你女朋友似乎唔係到。」
「哦⋯唔該曬⋯」
「唔洗。」
說罷，霞女士便準備拎起物品離開。
我見佢滿頭白色偏黃嘅頭髮，臉上嘅魚尾紋和法令紋甚深，於是幫佢拎物品，幫輕佢老人家。
「等我幫吓你喇。」
「唔洗。」
霞女士準備伸手，我就已經拎起佢嘅物品。
我愣了一下，因為霞女士嘅物品有些重⋯完全唔似係佢依個年紀會拎得起⋯
但佢啱啱確實好輕鬆咁攞住⋯
「無所謂喇，我幫你拎喇。」
我把物品抱在懷裡。
「咁⋯多謝你，我要拎去三樓嘅醫療室。」
於是我就跟著霞女士走上三樓，走向三樓醫療室嘅方向。
此刻三樓醫療室嘅門外聚集了一群人，應該係一群病人嚟，睇嚟今朝早通知會開返診所，所以一直等待醫生嘅病人便湧曬過嚟。
睇嚟藍醫生佢有排忙。
兩個男人從我地旁邊走過。
「大麻成，聽講診所嚟咗個靚女醫生同靚女護士。」
「咁真係要去好好𥄫吓喇。」
兩個男人猥瑣地笑著，然後快步走向診所。
靚女醫生係藍醫生，靚女護士係邊個？
「果然係一班靠下面思考嘅男人。」
霞女士不屑地說到。
「各位～好好排隊～好好排隊～」
光頭佬用佢龐大嘅身軀，在醫療室門外擋著想衝入去嘅眾人。
終於走到醫療室門外，門外嘅人卻是一大堆色狼中老年阿伯，只有少量真正嘅病人係到。
「下一位。」
藍醫生在醫療室裡叫著。
一個中年阿伯從醫療室內走出，然後好得瑟地對著其餘阿伯舉大拇指，在門外嘅阿伯見到後更激動著。
「到我到我！」
「哈～細佬～係你啊～」
擋著門外人群嘅光頭佬健興見到我便立即打招呼。
「我要入一入去擺低啲嘢。」
霞女士一講完，光頭佬便用力推一推人群，在自己身後讓出只能一人行嘅路俾我同霞女士。
見到我同霞女士走入醫療室內，在外面等待嘅人開始不服地說到。
「點解佢地兩個唔洗排隊啊！」
「係啊！做咩佢地可以打尖！」
原本霞女士唔想理會門外個班色狼，直到其中一個阿伯望著霞女士背影不屑說到。
「哦～原來係婦女會嘅話事人，咁就有資格打尖喇～」
霞女士瞬間怒髮衝冠，轉身火冒三丈指著門外班中年色狼阿伯大罵。
「你班鹹濕佬！日日除咗傾鹹濕嘢仲識啲咩！搵食物個陣又唔見你地咁積極！再講！！我係拎嘢過嚟！唔係嚟睇病！！如果你地浪費醫療資源！我會提議關閉醫療室！」
霞女士一鬧完，門外嘅色狼阿伯們瞬間安靜一片，敢怒不敢言地望著霞女士。
霞女士頭也不回走入醫療室內，我緊隨其後，見到藍醫生後，霞女士便點一點頭，藍醫生亦禮貌地點一點頭。
「醫生⋯我好唔舒服啊⋯」
一個阿伯坐係藍醫生對面痛苦地說到。
「你邊到唔舒服？」
「依到⋯」
阿伯指一指自己嘅心口，藍醫生便立即用聽診器去聽。
阿伯瞬間露出猥瑣嘅表情，雙眼不斷咁望藍醫生嘅樣同胸部，但好可惜，藍醫生今日著得密密實實。
「大陸仔？」
雪兒從醫療室內一旁走過嚟。
原來佢地所講嘅靚女護士係講雪兒。
雪兒身穿著整齊一套白色嘅護士裝，佢雪白嘅長腿被護士長褲完全遮蓋，不過只要佢美貌，就足以令人幻想。
「點解你會係到嘅？」
我望著雪兒說到。
雪兒好開心咁捉住我隻手講。
「我唔想無所事事咁係房裡面，咁啱藍醫生需要人幫手，而且我將來想從事醫療行業。」
雪兒疑惑地望著我手上嘅物品，霞女士看到後便解釋到。
「依啲嘢係進一媽媽嘅保養品嚟。」
「哦哦⋯有請。」
雪兒聽完便帶著我同霞女士走入醫療室最裡面嘅其中一個房間，進一亦係到隔著玻璃看到在病床上躺著女人。
進一嘅媽媽長得有啲似台灣嘅靚女明星，五官端正皮膚白嫩，好似食咗毒蘋果嘅睡公主，好安靜咁躺在病床上。
原來進一嘅媽媽，都幾後生幾靚女。
「進一，以後媽咪會係到住醫病，你可以經常嚟依到搵媽咪。」
霞女士拍一拍進一嘅膊頭說到。
進一點一點頭，靜靜咁望住房間裡躺著嘅母親，霞女士看了一眼進一嘅媽媽，然後望住進一說到。
「進一，要唔要去霞姨姨到住？等霞姨姨照顧你，第日媽咪醒返，你再同媽咪住。」
進一思考完一輪便點點頭，繼續好安靜咁望住佢嘅母親。
我有些不詳嘅預感，放低物品後便走出醫療室外繼續尋找辣椒妹。
剛走出門外，便見到一個怪人。
點解話係怪人？因為佢係大熱天時著長衫長褲之外，條頸上仲要纏著一條厚厚嘅頸巾。
加上佢滿面皺紋樣貌猙獰，塗上厚厚幾層白色粉底，再配上烈焰紅唇，令人感到害怕⋯
怪人對著我和光頭佬微笑，然後便走入醫療室內。
剛才佢嘅微笑，嚇到我個心好似停咗數秒⋯
「祖嘉姑娘你嚟喇？」
醫療室內傳嚟霞女士嘅聲音。
待續