荒島日記（新手、後宮甜）（不定期更新）: 再見.五

「你兩年前囂張氣燄嘅樣呢！！！」
林總對著林業因博士咆哮。

「雪兒係美琴嘅骨肉嚟⋯係佢唯一留係世上嘅⋯⋯」
林業因博士未講完，林總便一拳打向林也因塊面，林業因博士隨即向後趴下。

「林業因！！！」
林總憤怒地捉住林業因博士嘅衣領，把林博士揪起。

林業因博士望住林總說到。


「打我啊⋯如果可以救到雪兒⋯俾你打到入院都無所謂⋯」

「你！」
林總瞪大雙眼望住林業因博士數秒，然後便鬆開手。

林業因博士坐返起身，用手輕輕抹走嘴角上嘅血跡。

林總坐返上大班椅上。
「我永遠都唔會忘記兩年前你對我冷漠嘅態度，個陣無論我點樣去求你，你都係拒絕我。」



林業因博士沈默不語，繼續聽林總說到。

「個次嘅危機差啲令我身敗名裂，除咗會令我破產之外，可能仲會引嚟殺身之禍，但係你⋯你都係拒絕我⋯」

「我都唔想咁⋯」
林業因博士低頭說到。

「你唔想？哈哈！想笑大人個口啊？」





兩年前




晚上十二點，林業因博士拖著疲倦嘅身軀走到所住嘅住宅區，到咗自己嘅樓層後，便從袋裡掏出鑰匙準備開門。

「嘩⋯」
屋內傳來個女林雪兒嘅叫聲。

林博士立即快速開門，便見到雪兒同一個男人坐在梳化上，一起觀看著電視上播放嘅恐怖片。

林業因博士皺了一下眉頭。
「雪兒，聽日唔洗返學咩？」



「要⋯不過大伯嚟咗搵你，要大伯一個人孤伶伶咁等你唔係幾好嘅。」
說罷，雪兒吐一吐舌頭，便穿上拖鞋快速跑入自己嘅房間裡。

林業因博士走向雪櫃取出蒸餾水。
「大佬等咗我好耐啊？」

「九點個陣上嚟，當係陪下雪兒。」
林總看一看雪兒嘅房間。

林業因博士攞起遙控熄電視機。
「你可以打電話俾我㗎嘛。」

「電話上唔方便講啊嘛。」



「唔方便？」
林博士疑惑咁望住林總。

「細佬。」
林總搭著林業因博士嘅膊頭。

「嗯？」

「我今日嚟，係同你講個好消息。」
林總按捺不住自己心中嘅喜悅，已經高興地露齒笑著。

「咩好消息？」

「我幫你傾咗幾單大生意。」
林總開門見山說到。



林業因博士更加疑惑地望住林總。
「幫我傾？你只不過係個科學家，點識做生意呢。」

「所以咪大佬幫你傾囉，新年前你同我透露嘅研究呢，我已經同人傾過。」
林總高興地攞出個文件夾出嚟俾林業因博士查看。

林業因博士嚇到噴出嘴裡嘅蒸餾水。
「大佬你⋯我唔係叫你唔好講出去嘅⋯你做咩要講出去⋯」

林總拉著林業因博士到梳化上。
「阿因，你發現嘅pdb，係從沒發現嘅新元素啊，係可以取代鈾成為新嘅核能嘅元素啊，而且產生嘅能量比鈾多幾十萬倍，甚至幾百萬倍。」

林業因博士沈默不語，林總繼續說到。
「我幫你傾過，北韓、伊朗同埋俄羅斯對於元素pdb感到興趣，願意出高價去得到你嘅研究成果，個金額俾我地十幾二十世都用唔完。」



林業因博士聽完感到有些頭暈。
「你點可以同咁多人講⋯我唔係講過pdb難以控制嘅咩⋯好容易引發洩漏⋯萬一有人攞佢做武器⋯到時成個地球都玩完⋯」

林總緊握著林業因博士雙手。
「阿因，依個世界就算無你嘅pdb都一樣有戰爭，而且我保證，佢地用pdb只係為咗解決能源問題。」

林業因博士摸著暈眩嘅腦袋。
「大佬⋯好對唔住⋯對於pdb嘅研究⋯我一定唔會賣。」

林總聽完開始變得緊張，用力握著林業因博士嘅手。
「阿因⋯大佬我⋯已經收咗伊朗同北韓嘅訂金⋯如果唔交出個研究⋯會引嚟殺⋯就當幫幫吓大佬⋯」

林業因博士鬆開林總雙手。
「大佬，我地失去聯絡咁多年後再次相遇，我真係好開心，但有關於pdb嘅研究，我無辦法幫你⋯」

林總跪係林業因博士面前。
「阿因⋯我交唔出pdb嘅話⋯真係會俾佢地殺死㗎⋯你救吓大佬我喇⋯」

林業因博士立即衝過去用力扶起佢。
「大佬⋯我都好想幫你⋯但pdb實在太危險⋯如果佢地真係會傷害你嘅⋯你報警啊⋯警察一定會好好保護你。」

林總憤怒地推開林業因博士。
「啲警察有撚用咩！！！」

由於嘈吵嘅聲音，將睡房裡嘅雪兒嚇到衝咗出嚟，隨即見到嬲到面紅耳赤嘅林總。

「阿因，我俾多你幾日時間考慮，幾日後你俾個答覆我。」
說罷，林總憤怒地破門而出，留下無奈嘅雪兒和憂愁嘅林業因博士二人。



待續