荒島日記（新手、後宮甜）（不定期更新）: 再見.三

「你頭先講過咩話？」
數分鐘後，獅子狗對著俾佢打到倒地不起嘅馬奇說著。

馬奇拼命掙扎想企起身，但身體嘅疼痛同體力消耗令佢無辦法再站立。
「可惡⋯」

獅子狗蹲下望趴係地上嘅馬奇。
「原來你所講嘅隻揪就係捱打？」

「你⋯」


馬奇憤恨咁望住獅子狗。

獅子狗一個重拳揮去，把馬奇最後嘅掙扎打到煙消雲散。

「我哥⋯一定不會放過你⋯」
馬奇死盯著獅子狗看。

獅子狗無理會佢，再次用繩索不斷綑綁馬奇。彪悍男人阿標沒有放棄。
「兄弟⋯萬事好商量⋯」



獅子狗依然沒有理會阿標，阿標變得更加慌張，突然佢想起一個人。
「喂兄弟⋯聽講你係阿sir嚟⋯」

獅子狗依然沒有理會，阿標慌張地繼續說到。
「你識唔識得一個女人⋯佢依家係我地條村⋯叫戴娥⋯聽講係間中學做副校長⋯」

獅子狗便停下手腳，疑惑咁望向彪悍男人阿標。
「係個戴住眼鏡短髮嘅五十歲嘅女人？」

「係係係，原來你真係識得佢㗎？」


彪悍男人阿標見獅子狗終於搭理佢，便感到一絲希望。

獅子狗沈思一輪。
「佢點解會上咗架郵輪⋯明明個旅行無佢份⋯」

「你放咗我⋯我將我知嘅嘢全部講俾你聽⋯⋯」
彪悍男人阿標真誠咁望住獅子狗說到。

彪悍男人阿標所講嘅女人，係我間中學嘅女副校長，係依間中學執教多年，無拍拖無結婚，將自己嘅一生嫁俾依份工。

兩年前同依家嘅校長去競爭校長位置而落敗，不過佢並無因此而離開學校，佢繼續留做副校長。

表面對校長十分聽從，暗地裡不斷招兵買馬，鞏固自己嘅權力，想盡一切辦法搶返校長嘅位置。

傳聞之前有次家長會不滿而投訴校長嘅事都係佢一手帶動嘅。



校長當然知佢為人，都好想整走副校佢，但奈何女副校係教育局有勢力，貿然逼走佢只會令學校陷入危機，到時校長嘅職位不保。

當然，獅子狗同校長咁fd，女副校戴娥自然都唔鐘意獅子狗。



數分鐘後，彪悍男人阿標緊張地問著。
「點啊⋯兄弟⋯我已經將所有知嘅嘢講曬俾你聽⋯你可以放咗我掛⋯」

獅子狗彎下腰，彪悍男人阿標以為獅子狗幫佢鬆綁。
「我無應承過放你。」

「你⋯唔唔⋯」
獅子狗除去阿標對鞋，然後脱下佢嘅臭襪塞住阿標嘅嘴巴。



獅子狗用力揑著彪悍男人阿標嘅下巴。
「而且你知道嘅實在太多。」

「唔唔⋯唔⋯」
彪悍男人阿標煩惱咁盯著獅子狗。

「好好撐住等救援，唔係死神就嚟帶走你地。」
獅子狗指向樹上，被綁嘅三人同時抬頭，見到數隻發光嘅眼睛望住佢地。

原來有數隻禿鷹靜靜咁站立係樹上，等待美味豐盛嘅晚餐。

「係咁。」
獅子狗講完便離開，留下被綁嘅三人。



馬奇繼續吐罵著獅子狗，而彪悍男人阿標絕望咁望住樹上嘅數隻禿鷹。



獅子狗走著走著，望向天上嘅月亮，想起郵輪之旅前嘅某個夜晚。

夜晚八點嘅校園十分寧靜，與日頭熱鬧嘈吵嘅氣氛截然不同。

各個班房裡早已空無一人漆黑一片，教員室裡嘅教師亦執拾物品逐漸離開。

獅子狗走到校長室外敲一敲門。
「校長，係我。」

門內便立即傳出聲音。
「施sir？請入嚟。」



獅子狗打開門進入校長室內。
「校長，咁夜搵我有咩事？」

「施sir，咁係有嘢益你喇。」
說罷，校長從櫃桶裡拎出張船飛交到獅子狗手上。

「校長⋯依張係⋯」
獅子狗有些驚訝咁望手上嘅飛。

校長搭著雙手說。
「係雅典娜女神號嘅船飛嚟，我私人送俾你去旅行，住嘅同有份去嘅老師嘅普通客房唔同，係高級嘅豪華房間。」

獅子狗雙眼立即發光。
「校長⋯我點好意思⋯」

「唔好講呢啲，你平時咁幫得我手，依啲錢對我嚟講濕濕碎喇。」
校長走到獅子狗旁搭著獅子狗膊頭，然後係獅子狗耳邊細聲講。
「係呢⋯我要你做嘅嘢進行成點⋯」

獅子狗聽完便陰陰嘴笑，然後從袋裡掏出張酒店房卡。
「已經搞掂好曬，星期六夜晚你上去就會見到佢。」

「唔錯。」
校長接著酒店房卡後，便小心翼翼咁袋係錢包裡。

「咁我走先喇校長，我約咗人，多謝你嘅禮物。」
獅子狗袋好船飛便準備離開。

校長微笑地對著獅子狗。
「咁好喇，聽日見。」

待獅子狗離開後，校長坐返大班椅上，看著電話螢幕，嘴角逐漸上揚。
「施孝南⋯」



待續