荒島日記（新手、後宮甜）（不定期更新）: 叛徒.九

「施老師！就是這樣！你太棒了！」
看到獅子狗一個到佢地兩個無得還手，肥佬陳高興地騎騎笑。

「施sir！加油啊！」
肥豬劉繼續吶喊助威。

「條友食過夜粥喎⋯」
阿力由一開始輕浮嘅心態逐漸變得緊張。

「傑！他是誰？」


馬奇問旁邊嘅MK傑。

「佢係阿佳嘅體育老師，聽聞佢好打得⋯一般人係應付唔到⋯」

阿力問倒在地上嘅阿標。
「喂⋯阿標⋯你頂唔頂得住？」

「我頂得住⋯」
雖然彪悍男人阿標話無事，但從佢個樣可以睇得出佢幾痛苦。



「唔該曬⋯」
阿力扶起阿標起身。

獅子狗靜靜咁望住阿力同阿標，冷漠嘅佢完全唔放依兩個人在眼內。

阿力慢慢咁向右移動企到獅子狗背後，再次準備用前後夾擊嘅方式去對付獅子狗。

「啊吖！」
阿標阿力同時大嗌，然後衝向獅子狗。



獅子狗紮好個馬望住正面嘅阿標，阿標俾獅子狗氣勢嚇到動作猶豫，接下來嘅動作完全俾獅子狗睇穿曬。

阿標右揮拳過去，但拳頭好輕易咁俾獅子狗緊緊接住咗。

在獅子狗背後嘅阿力已經揮出數拳，但獅子狗好似感受唔到任何痛楚。

獅子狗捉緊阿標嘅拳頭，然後用力一拉，將阿標拉去撞向阿力，阿力未反應過嚟硬接阿標，兩人隨即倒地叫了一聲。
「啊⋯」

「看來還是要靠我。」
馬奇走到馬車上攞出個繩索，然後繼續專心咁睇獅子狗嘅搏鬥。

獅子狗捉住阿標嘅耳仔，用力咁去扯，阿標痛到跟住企起身。
「點解又係我⋯」



「因為你樣衰。」
講完，獅子狗一個重拳打向阿標，鼻血瞬間直流湧出。

原本獅子狗以為解決咗阿標，所以準備去對付阿力，點知趴係地上嘅阿標正用盡全力捉住獅子狗雙腳。

「毫無作⋯⋯」
獅子狗未講完，阿力從後攬實獅子狗。

「嘿！機會來了！」
馬奇拎起繩索在空中旋轉，然後用綁了圈嘅一端fing向獅子狗。

「唔⋯」
繩索另一端套上獅子狗嘅頸部，馬奇用力拉扯，套圈隨即變緊箍實獅子狗。

獅子狗雙手用力扯住要套緊佢嘅繩索，睇嚟繩索令佢透悟到氣。



「趁現在！」
馬奇大嗌著。

阿力同阿標對著獅子狗瘋狂揮拳，獅子狗準備還擊，馬奇便拉緊繩索，令獅子狗無辦法放下雙手對付兩人。

拳頭不斷咁打向獅子狗嘅身體，發出噗噗噗嘅聲音，最後阿力同阿標同時退後數步，然後一鼓作氣衝向獅子狗使出舉臂衝撞。

boom！！！

獅子狗被撞飛數米倒地，依個撞擊聲大到好似俾車撞倒一樣！

「哈哈哈！怎麼樣？」
馬奇對著在地上嘅獅子狗嘲笑。



獅子狗慢慢爬返起身，雙眼發出殺人般的紅光，馬奇一邊拉扯繩索一邊笑著，突然獅子狗以百米衝刺嘅速度衝向馬奇。

獅子狗心裡知道，佢只要打暈拉住繩索嘅馬奇，咁就可以安心對付另外兩人。

就係獅子狗快衝到馬奇身邊嘅時候，有人用另一條繩索套到佢身上拉停佢。

「唔⋯」
獅子狗此刻滿面通紅咁拉扯住頸上嘅兩條繩索，任由獅子狗拼命拉扯，套住佢頸部嘅兩條繩索並無因此而斷裂。

馬奇鬆了口氣，對著拉扯另一條繩索嘅戴帽男伸出大拇指。
「還是你厲害。」

依個戴帽男十分狡猾，一直躲藏起嚟無俾獅子狗發現。

看著眼前畫面⋯連獅子狗都對付唔到佢地幾個⋯難道我地真係冚家剷⋯



阿力同阿標兩人各攞起木棍衝向獅子狗，向著獅子狗不斷揮棍，獅子狗一邊拉扯住頸上嘅繩索，一邊去避二人嘅攻擊。

馬奇看著形勢十分差嘅獅子狗哈哈大笑。
「剛才你不是很跩的嗎？現在跩給我看啊！」

「馬奇哥果然厲害！」
MK傑在一旁拍著手，而高佬佳驚恐咁望住獅子狗。

阿力用盡全力揮棍打向獅子狗隻腳，木棍斷成兩截，獅子狗啊叫一聲，然後半跪係地上。

兩分鐘後，馬奇感到苦惱，因為獅子狗雖然一直被阿力與阿標二人狂毆，但並無被打倒，看著獅子狗一直拉扯套住個繩索，感覺繩索遲早會被獅子狗扯斷。

馬奇望了隻手一下，然後佢一邊拉扯手中嘅繩一邊回頭望住MK傑和高佬佳，瞪大雙眼露出令我深寒嘅笑容。

「你們兩個過來，去捅他幾刀。」
說罷，馬奇遞上手上嘅瑞士軍刀。

MK傑緊張地看著軍刀吞口水，而高佬佳不斷咁搖頭，嘴裡不斷重複說著。
「唔得㗎唔得㗎⋯唔得㗎唔得㗎⋯唔得㗎唔得㗎⋯」

「去你媽的！」
馬奇用瑞士軍刀快速捅了高佬佳一刀，高佬佳按著胸上嘅傷口倒地。

MK傑對於馬奇捅了高佬佳一刀驚訝不已。
「阿佳⋯馬奇哥⋯做咩要捅阿佳⋯」

「我們可不需要貪生怕死的人！你現在快去捅他！快去！」
MK傑攞住瑞士軍刀，小心翼翼咁走向獅子狗個邊。



待續