荒島日記（新手、後宮甜）（不定期更新）: 番外篇：關係1.5

「小月？小月？」

「唉？」
聽到Angel嘅呼喚聲，小月才從記憶裡回過神嚟。

「睇咩低得咁入神？」
Angel走過嚟看小月手中嘅電話。

「無嘢～」
小月退出電話相冊。



「wow，師姐，原來你身材咁好㗎？」
小月扮出副色狼嘅表情望住Angel。

Angel上半身著住小月俾佢嘅睡衣，下半身只著住一條底褲。Angel雖然生得細粒，但胸口發育與佢身形完全唔合比例。

胸部快要把睡衣撐爆，睡衣兩邊撐到飛埋釘。

「你身材仲好啦，完全唔似生過細路。」
Angel說罷，趁小月未反應過嚟，直接雙龍出海揸向小月個胸部。



「嘩！救命～」
小月亦開始反擊，揸返Angel嘅胸部。

最後直到Angel投降，小月先鬆開手，Angel係一個身體極度怕痕癢嘅人，只要摸佢身體任何部位，Angel都會感到痕癢。

「風筒擺咗係邊啊？」
Angel不斷用毛巾抹走頭髮上啲水跡。

小月從櫃桶裡攞出個風筒俾Angel，然後走到門前，轉身向Angel講。


「我過去睇下明仔有無蓋好被。」

小月想起今日買個本《如何成為一個好媽媽》，裡面有講到要對子女嘅悉心關懷和照顧。

「真係個廿四孝後母乸～」

「睇嚟你啱啱未～」
小月對著Angel擺出雙龍出海嘅姿勢。

「好啦⋯我投降！」
Angel舉起雙手投降。



小月慢慢走到小明房門口，然後敲了兩下門，細聲講。


「明仔？明仔？」

無人回應小月，小月再次敲門，再叫了小明數聲，然後係門外靜心等待。

過了一分鐘，門內仍然無人回應小月，小月於是打開房門。

咔嚓，房門隨即打開，小月探出個頭，望向房裡面嘅情況，房裡漆黑一片，隱約聽到呼嚕咁嘅鼻鼾聲。

小月小心翼翼咁走入去，然後走到床邊，打開個床頭燈，床頭燈一亮，小月便清楚見到小明嘅睡姿。

小明以超人起飛嘅姿勢而熟睡，嘴裡不斷發出輕微呼嚕嘅鼻鼾聲，床被已經俾小明踢到一邊嘅床腳。

小月見此刻小明嘅睡姿，忍不住笑了一聲，走到另一邊攞起張被。
「真係睇少一晚都唔得。」



幫小明蓋好棉被後，小月攞起遙控，將冷氣調返到廿五度。

小月坐係床邊，佢好溫柔咁，伸手摸一摸小明嘅臉蛋，然後笑著說。
「好彩你兩兄弟都無繼承叔叔嘅豬嘴。」

嗡～

書檯上傳嚟聲音，並且發出微弱嘅光，小月走過去一望，原來係小明嘅電話。

小月不自覺地拎起部電話，然後回望返床上熟睡中嘅小明，此刻佢嘅內心萌生了股邪念，想偷看小明電話嘅內容。

「唔好嘅～人地私隱嚟嘅～點可以咁做呢？唔好嘅～」
小月把口係咁講，但隻手卻緊握著部電話唔放。

小月走到窗邊，抬頭望天上嘅月光。


「不如睇一啲啲？我只係想好好咁瞭解吓明仔，無其他惡意嘅，就一啲啲啦？好無？好！咁就睇一啲啲。」

小月自言自語地安慰自己一番後，便走到床邊，用熟睡中嘅明仔嚟面容解鎖。

成功解鎖後，小月開心地走到書檯前嘅凳上，查看小明個電話。

打開電話嘅相冊一看，全部都係小月同劉樂嘅相，小月嘅相佔最多，而且大多數係小明偷影佢，有影係廚房煮咁餸嘅佢、帶住劉樂出街、係露台上晾衫嘅佢。

仲有幾張係小月氹劉樂訓教，點知自己係梳化上瞌睡咗嘅相。

看到自己同劉樂嘅相，看到自己係電話通訊錄上係月姐姐心心，小月便感到開心。

嗡～嗡～

小明電話再次發出聲音，小月一睇，係有人發訊息比小明。


「咁夜仲有人發訊息嘅？」

小月打開whatsapp，便見到最頂，有個叫佩姨姨（保險）嘅人。



待續