荒島日記（新手、後宮甜）（不定期更新）: 黑雨

返到山洞後我便攬住雪兒熟睡，到左第二日，仲訓咁既我，俾山洞外面既聲音嘈醒。

我張開雙眼，然後坐係床上發左一陣呆，然後視線慢慢向上，望到雪兒一個人企左係山洞口位置。

真係俾我估中左，一朝早，荒島就突然嚟個傾盆大雨，雨水淋到地上發出嘩啦嘩啦既聲音。

我走到洞口邊伸懶腰，雪兒嘆了口氣，然後好無奈咁望住出面，雨水令山洞對出空地形成十數個大大小小既水窪。

我抬頭望一望個天空，雨雲覆蓋曬成片天空，所以陽光被雨雲擋住，令天空變得灰暗。



我望一望其他山洞，四眼妹山洞個邊，有幾個人影不斷咁走出走入，然後將大大小小既桶擺係空地上，令啲桶裝雨水。

四眼妹咁醒既？睇嚟佢知道落完依場大雨會出現啲問題。

雪兒跟住我既目光，望向四眼妹個山洞個邊，然後講。
「四眼妹佢地咁快裝雨水，睇嚟佢知道遲啲會有食水危機。」

我回頭望雪兒。
「你又知既雪兒？」



雪兒用手捏我塊面講。
「我地住竹棚個次落大雨，就出現過食水危機，依到既人咁依賴條河，洗衫煮飯沖涼都係搵依條河，依場大雨過後，啲河水肯定會變得好混濁。」


雪兒咁講一講，荒島依條河真係幾污糟，但大家無左佢又唔得。

遠處有兩個一高一矮既人影跑咁過嚟我地個方向，由於雨勢太大，所以令能見度縮窄得七八米左右，令我睇唔到個兩個人既樣貌。

「落大雨啦落大雨啦～」
秋儀同辣椒妹兩個從外面跑返入嚟。




佢兩個被雨淋到成身濕曬，身上既衫褲已經濕透，所以衣物貼近身體，小籠包同木瓜奶若隱若現，睇到我有啲興奮，即刻當堂醒曬。

我望住依兩隻落湯雞。
「你兩個落咁大雨仲走出去玩。」

秋儀用手抹走面上既水珠，然後微笑咁同我講。
「我同辣椒妹原本係河邊洗衫，點知洗洗下就落大雨。」

我緊張地望住佢兩個。
「淋到成身濕曬，好容易病㗎。」

係荒島生活，我真係好驚三女會病親，就算有藍醫生係到都咁話，萬一無藥醫咁未大撚鑊？



「濕撚曬，屌，唔洗驚。」
辣椒妹除左件衫，身上只掛住白色既特大彈性胸圍，將件衫扭成一舊，再用力一扭扭出雨水出嚟。


秋儀見到辣椒妹扭乾件衫，於是都除去件衫，露出佢細小包住小籠包既胸圍，然後佢學辣椒妹咁扭乾件衫。


我見到秋儀同辣椒妹既身體輕微咁震，於是我係山洞口擺放啲乾柴，唔夠一陣，乾柴已燒得火紅，秋儀同辣椒妹便走到火堆邊取暖。

「好暖啊～」
秋儀眼睛碌碌望住火堆，然後把身體挨到我身上。

我視線一直望住秋儀既小籠包位置，睇到我不斷吞口水，小東東亦慢慢咁脹起，有啲想從後揸佢既小籠包。

「依場雨會落到幾時？」


辣椒妹突然一問。

「我估，應該係聽朝早掛。」

我望住個天空，不斷咁撒黃豆般既雨珠落嚟，但完全絲毫無停雨既跡象，反爾愈落愈大，荒島既氣溫都降低左唔少。


我有啲擔心，依場雨會唔會造成水浸浸死我地所有人，因為依場雨實在來勢洶洶，好在山洞位置較高，所以啲雨水並無流入山洞裡面，而係流去河個方向。


幾個鐘後，我望向天空，天空仍然俾烏雲密佈，看不到盡頭，我走入山洞裡面，開始點算糧食。

雪兒走入嚟見到我係到點算糧食。
「做咩？係唔係唔見左食物？」



我一邊點算食物一邊同雪兒講。
「唔係，我係到點算下有幾多食物，睇下我地可以挨到幾多日。」

「發生乜嘢事？點解要計我地可以挨幾多日？咁即係⋯依場雨有排落？」

「係啊，我諗依場雨，最少落三四日，最長可以落半個月。」


我地山洞有十幾條鰻魚乾、兩隻野雞一隻兔仔，仲有三條養咁既鰻魚，以我地每日既食量嚟計算，依場雨落足半個月既話，我地都可以撐得住。


雪兒見我無講嘢。
「唔好咁擔心啦，一係我地食少啲，咁樣就唔怕會咁快食曬啲食物。」

我緊緊攬住雪兒，然後講。


「我無擔心啊，你都唔洗擔心，啲食物都夠我地食半個月左右，我係絕對唔會俾你地餓親。」

「嗯⋯」
雪兒係我懷抱中含情脈脈咁望我，我準備親吻落去，點知辣椒妹飛跑入嚟，心口兩舊木瓜奶雖然有胸圍罩住，但仍然劇烈地彈下彈下。


辣椒妹停係我面前喘氣，再捉住我隻手好驚青咁同我講。
「大陸仔⋯秋儀走出去玩⋯點知跣親⋯跌到個頭爆肛啊⋯」

「咩話！」
我即刻喪跑出山洞外面，然後左望右望，淋住雨尋找受傷既秋儀。

「學東哥，你做咩企係出面淋雨啊？」
秋儀自己一個企左係旁邊既山洞。

我跑到秋儀身邊，然後攬左佢一下，然後好緊張咁問。
「秋儀⋯你唔係跌親受傷既咩？辣椒妹又話你跌親既？」

秋儀疑惑咁望住我講。
「跌親？辣椒妹？哦！係辣椒妹叫我企係依到等佢㗎。」


我即刻望返自己山洞個方向，雪兒同辣椒妹企左係到，雪兒無奈咁搖搖頭，而辣椒妹按住個嘴係咁笑。

「辣椒妹！我要殺左你！」
我張開雙手，衝去辣椒妹個邊⋯⋯



————與此同時————



係傾盆大雨既荒島某處。

其中一個山洞裡面。

有名少女坐係山洞裡面，雙手緊抱住膝頭，雖然佢身旁有火堆，但身體仍然瑟瑟發抖，佢雙眼死盯著山洞外面既一舉一動，彷彿害怕某樣嘢會接近。


面上既兩條淚痕係佢依段日子絕望既證明，佢好想離開依到，但諗唔到辦法離開。

依一刻，只剩下火堆，可以令佢感到一絲溫暖，可以令佢想返起係香港生活既快樂時光。

過左幾分鐘，有個高大既黑影，從樹林個邊慢慢咁走向山洞，黑影手上提著兩隻死去既野雞，少女見到黑影出現後，身體震得比頭先犀利。


高大既黑影進入山洞後，便把手上兩隻野雞丟到一邊地上，少女無講任何說話，身體慢慢咁向後退，好驚恐咁望住黑影，強忍著淚水係眼眶上搖晃。


高大既黑影除去身上既黑色雨嬲，露出佢虎背熊腰既身型，強而有力既大手臂，佢身上既短袖T恤，掩蓋唔到佢發達既肌肉。

「突然落咁大雨，不過好彩落雨之前捉到獵物。」
個男人用手抹去頭髮上同面上既雨水。

地上既少女仍然無講嘢，但雙手緊握成拳頭，拳頭上既青筋因此浮現。


個男人向前走幾步，然後蹲下身望住坐係地上驚恐既少女，少女把頭側去一邊，迴避個男人既眼神，個男人伸手捉實少女個下巴，用力擰轉少女美麗既面孔對住自己。


個少女憤怒咁望住男人，雙眼充滿血絲，恨不得將個男人碎屍萬段，而男人見到少女既反應後卻獰笑。
「我返嚟啦～有無掛住我啊～嘉雯～」






待續