荒島日記（新手、後宮甜）（不定期更新）: 兄弟

我係山洞外企左十幾分鐘，無再見到營地既人走過黎，我諗應該唔會再有人黎撩三女啦掛？

「雪兒辣椒妹秋儀，我出去搵D乾草返黎，順便睇下有D咩動物，打下獵都好，你地唔好離開依度啊，我好快返。」

「嗯，你小心D啊。」
雪兒係我塊面度錫左一啖。

「嗯，知道啦。」
我向三女揮一揮手便離開了，走了幾分鐘後，便來到了河邊，觀察著河裡面有乜嘢魚類食物，方便日後過黎依度捕捉。



依度既河水好清晰，同我地以前住竹棚個邊條河一樣清，但好可惜，我睇左兩分鐘，連條魚毛都見唔到。

我望一望周圍，發現紫霜係河邊清洗個煲，於是走過去蹲坐係紫霜旁邊。
「紫霜，你知唔知依頭邊度多乾草啊？我要攞D返去整張床。」

「個⋯個度⋯」
紫霜指住河既上遊。

「多謝。」
我起身後便沿著河邊跑，一直跑去河上遊方向，跑左幾分鐘，見到勁多乾草，紫霜無呃我，依度真係特別多乾草，睇黎張床有望啦！



我望一望河上遊既情況，發現有唔少魚類係依度生活，不過並唔係好大條，全部都好似手指咁大左右既魚。
「原來D魚係曬上遊度，得啦，得閒就黎依度捉魚。」

我攬住一堆乾草走返去山洞個方向，沿途都要觀察依度既環境，既然要係度住落，咁肯定要熟悉下周圍先得。

當我距離山洞五十米既時候，發現有一男兩女企左係我山洞門口，而雪兒、辣椒妹同秋儀完全無出現。
仆街！竟然趁我唔係度就黎撩我D女女啊？三女肯定被嚇到唔敢出黎，或者係⋯

仆街啦！要阻止佢地！


「你地係邊個啊！竟然黎我山洞口攪事！」
我一邊跑一邊大嗌。

中間個位男士轉頭望過黎，面上隨即露出喜悅。
「東⋯東哥！」

「達⋯達⋯達叔！」




中五那年，我地成班日躲係離學校幾遠既公園個廁所度食煙。

「掂啊，依度個廁所勁乾淨，無乜人黎，而且學校既人又唔會黎依度。」
講嘢既人係坐我隔離既同學。



「肯定啦，東哥搵依個竇搵左好耐啦！」
達叔搭住我膊頭講。

「唔係好耐姐，大家以後繼續係度玩啦，反正無人知！」

「我口渴，啱啱買既啤酒飲曬，有無人搭單？有無人？」
達叔企左係廁所門口。

「有啊！幫我買罐！」
「我都要一罐！」
達叔出去唔夠幾秒便好驚青咁走返入黎。

「乜嘢事啊？達叔？做咩咁既樣。」



「走啊⋯走啊！」
達叔愈講愈大聲。

「究竟發生乜嘢事啊？」
我俾達叔驚慌樣嚇親。

「走啊！幾個訓導殺到黎啦！走啊！」
達叔企係門口不停大嗌，無幾耐我就聽到有人走過黎既腳步聲。

「仆街！肯定有人篤我地出黎，達叔！要走一齊走！」
我想過去扯埋達叔走。

「我黃左啦！佢地啱啱見到我食煙個樣啦！你地走啦！唔洗理我！」
達叔對住我地咆哮。



「東哥！爬上面個窗出口，我地唔可以白費達叔既犧牲㗎！」
一個一個同學爬上洗手盤上既窗。

「楊永達！你竟然咁夠膽著校服食煙！影響學校聲譽！」
「楊永達同學，快D讓開！我知道仲有其他同學係裡面！」
我已經跳出廁所窗外，但廁所裡面既對話，我仍然聽得清清楚楚。

「無啊！依度得我一個！地下所有既煙頭全部都係我一個人食既！」
我同達叔玩左咁多年，依句係我聽佢最霸氣既說話。

「咁你叫邊個走啊！」
老處女訓導中氣十足喝爆達叔。

達叔執起地下飲曬既啤酒罐。
「我話酒！酒啊！」