荒島日記（新手、後宮甜）（不定期更新）: 營地

「說話啊！我在問你們啊！懂人話嗎？」
個大陸肥佬用鼻哥窿望我地。

依個死肥佬，身高得168左右，矮我大半個頭，但佢實在太串，而且佢狗眼看人低，聲大夾惡。

「我地係雅典娜女神號既乘客。」
其實我唔多想理佢。

「哦！原來你們也是雅典娜女神的乘客啊！嘿！這裏住著三十多個人，都是雅典娜女神號上的乘客，我是這裡的老大，叫我陳總！」
個肥佬講完後望左一望雪兒同辣椒妹。



「依度有成三十幾人？」
我有D驚訝。

「對啊，這裡有三十多個人在這生活，現在大部分人都出去打獵了，還沒有回來。」
肥佬雙眼無離開過雪兒同辣椒妹。

「辣椒妹，佢係咁望我地啊⋯」
雪兒扯一扯辣椒妹隻手。



「死肥佬！你再望我插撚爆你對眼！」
辣椒妹嬲霸霸咁講。

「嘿！這個妹子挺有意思的。」
個肥佬陳總笑淫淫咁。

我見個肥佬一直鹹鹹濕濕咁望住雪兒同辣椒妹，即刻用我龐大既身軀擋住肥佬既視線，肥佬陳總隨即塊面有D燶燶地。

「你們來這裡有什麼目的呢？」
肥佬陳總又再用鼻哥窿望我。



「無，我地一直係度搵有無其他生還者，依家好啦，終於俾我地搵到你地。」
對住佢，我唯有扮到笑笑口咁。

雪兒係我背後篤左幾下，然後貼近我耳邊講。
「大陸仔，依家搵到咁多人，咁我地就係依度生活啦。」

我做左個OK既手勢，然後攞起旅行袋帶住三女走向山洞個邊，行左幾步既時候，個死肥佬突然張開手擋住我地既去路。

「你依家係咩意思？」
我啤住肥佬陳總。

「我才問你們想幹什麼呢！」
肥佬陳總啤返我轉頭。



「仲洗問？肯定係搵個山洞住落黎啦。」
我推開肥佬陳總。

「喂！你們想住這裡啊？」

「係啊死肥佬！死開D啦！」
辣椒妹對住肥佬陳總做鬼臉。

「你們住這裡要得到我的同意。」
死肥佬再次擋我地既去路。

「住係度都要得到你同意？」
我地四個異口同聲地講。

「當然！我是這裡的老大，你們要住在這裡當然要得到我的同意，我們這個營地是有規矩的，每個人都需要遵守。」


肥佬有D得戚咁講。

「要遵守D乜嘢規矩啊？」
我對住個肥佬陳總好唔耐煩。

「快D講撚完，我要揀新屋啊。」
辣椒妹都好唔耐煩。

「規矩就交給我秘書說吧，Lily！Lily！出來一下。」
肥佬陳總回頭對山洞大嗌。

（咁撚把炮？黎到荒島都仲有秘書？）

幾秒後，有個女人從山洞裡面走出黎，慢慢咁行黎我地個方向，依個女人個樣好熟面口⋯好似係邊度見過佢⋯⋯