荒島日記（新手、後宮甜）（不定期更新）: 終於

行左成個鐘終於落左山，但我地同出白煙個度有一段距離，因為落山既路搞到我地越行越遠，所以依家要行返左邊個方向。

「大陸仔！又多兩條白煙啊！」
辣椒妹好興奮指住前方個三條白煙。

其實我都幾擔憂下，因為根本唔知前面既係自己人定係原始部落，我好驚我地會成為班野人既食物啊⋯

「大陸仔，你好驚啊？」
雪兒望住我講。



「唔係啊⋯」
我努力扮到無事咁。

「講大話，你隻手握得我好緊啊。」

「sorry⋯」
我放開雪兒隻手。

「你係唔係擔心咁前面會唔會危險啊？」
雪兒用手抹我額頭上既汗。



「有少少啦⋯」

「唔洗驚，我地離遠少少觀察，如果發覺真係唔對路，我地就調頭走啦。」
雪兒一邊講一邊擰我塊面。

「你兩個唔好再咁恩愛啦！曬死我老豆個女啦，繼續行啦！」
辣椒妹係前面大嗌。

「辣椒妹，你唔好再嗌咁大聲啦，我地要小心D。」



「係係。」
辣椒妹點點頭。

我地行左差唔多一個鐘，越來越接近天上既白煙，我地小心翼翼咁行過去，緊張令到我不停咁吞口水。

「大陸仔，有水流既聲啊。」
辣椒妹極細聲咁講，如果唔睇佢口型都唔知佢講咩。

我做左個ok既手勢後，大家再繼續好小心翼翼咁行，無幾耐，就有條同我地之前竹棚一樣細既河出現係我地面前。

「大家，沿住依條河繼續行，就會去到白煙個度。」
白煙係條河上遊既方向。

「我地繼續行啦。」



「嗯。」

行左幾分鐘後。
「等等！大陸仔！前面有人。」
辣椒妹好緊張。

「噓！細聲D，我地係度望下。」
於是我地五個人企曬係樹後面望去遠處。

係遠處，我地見到有六個人坐左係度食嘢，我望清楚D，全部都係女人黎，有兩個好後生，而其他個幾個年紀比較大D。

「大陸仔，有兩個女仔係我地學校㗎。」
辣椒妹轉個頭同我講。



「你肯定？」

「肯定，其中一個姣婆同我fd爭過仔，所以我同佢地有打過交。」
辣椒妹不屑咁講。

「佢地係女同學？等我黎！」
文健放低個旅行袋後，即刻好開心咁跑過去。

「佢做咩咁興奮啊？」
雪兒問我。

「佢想過去呃蝦條。」
我地四個亦都跟埋過去。

「各位靚女你地好啊！我叫文健。」


文健講完就用手梳下頭髮。

「男⋯男生⋯是男生⋯」
其中一個接近三十歲既女人望住文健講。

「又一個⋯男仔⋯咪住！佢係⋯我地學校既wor⋯」
同校個兩個女仔好驚訝咁互望。

就係咁，原本六條女好安靜咁坐係地下食嘢，見到文健出現，開始有D慌張起黎⋯